試玩PIONEER XW-SMA3-K

pepsiman

正所謂 " 近水樓台先得月 "，身為最低工資都收唔到既管理員，有機會攞到器材到手... ，就梗係唔會放過任何機會玩玩佢啦！雖然今次呢件器材係PIONEER公司送俾我地HIENDY作為BBQ既抽獎禮物，不過唔知呢排係唔係少開箱關係，有意無意之間就打開咗個盒，跟住又打開咗個袋，再攞出嚟差咗電，再用部 i-phone 4 wifi接駁咗，再迷迷湖湖之間拎咗入廁所老爆，再 ........

老實講，如果我同大家講呢部機佢點高音甜、中音準、低音勁的話，肯定睇到呢到個個都會離開呢個帖，費時浪費時間。但係我想同大家分享，呢部機最剎食之處係可以直接用無線連接方式WiFi對應裝置連接，呢個分唇真係異常方便呢... 我本身去廁所辦事又或者洗白白有帶埋部 i-phone一邊聽歌... 一邊爆爆既習慣，爆都爆得輕鬆D ，今次我帶埋佢入去，雖然只有10W + 10W輸出，但係對於一個5尺 x 5尺既習武室嚟講，已經足已爆到連舊便便失足撻落水既水花聲都聽唔到，再加上佢既BassEnhance Sound，令重低音加強不少，可以隨著節奏一收一放，零舍舒暢... 。據廠方講呢部機另一賣點係可以防潑水同防滴落水滴，我刻意..... 唔係擺佢落水，而係帶埋佢去廚房洗碗聽啫，聽住mc jin rap歌，果然洗碗都洗得爽咗... 咁洗碗期間當然會彈咗D水去部機度啦... ，哈哈！果然經得起考驗...  

臨出門口去燒野食，諗住pack番好部機攞去抽獎啦，喂？點解唔見咗既先？無理由架？個女用緊 android 機，應該唔會攞嚟用喎... 點知打開阿女房門一睇，原來佢靜靜雞攞咗入房聽歌... 估唔到連android機都溝通得到。平時聽開手機既佢不嬲都無咩要求，不過到我收機既時候，阿女竟然同我講：老豆，你最好今晚抽到大獎，否則你可能招惹破財之禍... 咁都得.... 唯有今晚造馬...

後記：睇到呢張相，相信你地都知道今次又衰咗啦... 返到屋企好彩個女已經瞓咗，希望佢瞓醒會唔記得晒啦... 今次帶埋部機去BBQ，一路聽歌一路燒，令我諗番起廿幾年前，果D紋身佬托住部777上膊去沙灘聽歌，為咗爆機就抬到成個咕呢咁，真係幾好笑... 最後；我希望水貨佬無攬住部機嚟聞啦...

felixk

我為左 厕所 厨房 炒菜 好feel D 才買入。行到边 抬到边 好用到冇朋友。  

timmywan

點解唔係水貨佬出報告
都話比佢早D走啦

kelvinchow8

我隻喇叭吖 ..........

kelvinchow8

felixk 發表於 2012-12-17 18:56
我為左 厕所 厨房 炒菜 好feel D 才買入。行到边 抬到边 好用到冇朋友。    ...

去完廁所爆一爆 , 又返睡房爆一爆 , 心壙神怡 .

pangling

入返盒前洗咗手未？

pepsiman

pangling 發表於 2012-12-17 20:01
入返盒前洗咗手未？

我不嬲都唔鍾意洗手...

kelvinchow8

KEN哥 , 有咩事即刻去睇醫生呀 !

felixk

pepsiman 發表於 2012-12-17 20:03
我不嬲都唔鍾意洗手...

  你......... 向部机不敬。    喷 百事青 在上面