本帖最後由 eaglefire 於 2013-12-26 12:28 編輯
首先要多謝 NEOTAM 師兄較早前既分享, 個POST 好有參考性, 一流!
http://www.hiendy.com/hififorum/ ... page%3D1&page=1
早排搵到呢個FORUM, 俾師兄們毒到想整隔音, 膽粗粗上網搵左D 資料點拆門
終於攪左一大輪發現原來好易拆, 再上網搵下料咁, 用左成個月準備
趁呢兩晚得閒就起手做
買料 / 運輸
今次上網淘左另一隻止震板試下, 幾平, 都好重下, 店主既資料係約0.3KG 一張, 我一道門用2-3張
隔音綿, 同一般所講既差唔多, 無異味
一幅基本上夠一度門, 但係門洞太細要CUT 一半先入到
D 評語唔差, 反正第一次玩我架又唔係貴車, 即管俾次機會佢
幾間都提議我用德X 物流送到香港自取, 90蚊運費
點知原來到香港間物流自取要另收80蚊登記費, 個停車場入一入又收25蚊
真係俾佢吹漲 
好在我今次係訂多左既, 未至於俾貴左
但係大家如果諗住寄落黎真係要計清楚, 少既真係快遞到戶抵D
拎貨個陣個運輸見細細箱以為好輕, 點知爭D 扭親
亦都好在我開車上去搬, 因為箱野最後好似成25KG 
工具
拆車工具 - 膠扳手, 細鏍絲批, 岩SIZE 十字批
滾輪 - 用黎壓平止震板同吸音棉令佢貼實係平面
電筒 - 唔好太細支, 手指尾咁大個D 可以慳返. 除非預左犧牲, 如果唔係唔好諗住靠電話, 攪親呢D 野都幾污糟
手套 - 我無帶, 不過有既話就帶返好D
長袖衫 - 最後舊左唔要既
工先利其事, 奉勸第一次DIY既朋友淘開就淘埋拆車用既工具同滾輪
兩樣都係廿蚊人仔左右既野, 但係就方便好多, 拆野個陣唔駛就住就住, 唔會整花內飾同車身
仲有, 第一次整帶枝電筒係身. 如果個車門設計好似CIVIC 咁 PK 得幾個大洞俾你伸手入去既話
基本上你面對緊既係一個黑洞, 靠摸有排摸. 有支電筒幫手睇位施工會易好多.
雖然師兄都奉勸左要帶手套, 不過我就無帶, 覺得整D 有粘力既野帶手套唔方便
好在今次無掛彩, 不過前臂就好似細路介手咁一條條紅印
車門板D 洞實在太細同太少, 要整得好真係唔易
趁天氣涼大家可以著件唔要既長袖衫唔怕整污糟又無咁易整親
夏天真係唔敢想像 
開工
今次我係訂左止震板同隔音棉
止震板通常有分大細, 如果價錢計落差唔多買細既會方便少少, 大大塊好難介開
雖然有話儘量唔好細細塊貼上去, 但係門洞既大細真係唔容許太大塊既止震板塞入去
A4 咁大張都要轉黎轉去又屈又摺咁先入到
我無買新刀去切, 都要用少少力, 不過唔算難介開
第一次貼好緊張, 左度右度, 諗住用報紙畫紙樣又太軟
之後發現用A4紙甚至係止震板既底紙摺起黎度位係最方便既
所以之後都貼得好順利
反而隔音綿較軟身, 可以大塊D 塞入去
不過有個麻煩既地方, 太大幅難清底紙, 太早拎走左底紙佢太軟身好易痴到自己
貼落門板開頭都唔係好實, 都仲可以調整下
但係底膠痴底膠就真係好麻煩, 基本上係拆唔返開
所以都要小心度位
拆門
其實整門唔算難, 先上網搵返本SERVICE MANUAL 睇下先, 知道鏍絲位係邊再開始拆, 以我度門為例
***想玩既師兄留意, 如果車門有安全氣袋的話小心唔好亂拆, 搵清楚點DISABLE 左個氣袋先****
睇上去係搵唔到位拆, 好似好實淨. 不過一般係開門位度都有暗格
有個暗扣係頂頂度, 用最細既一字批一插一挑就成塊板出左黎
呢個位有兩粒鏍絲
拆走兩粒鏍絲就可以拆左個開門位
有個膠扣扣住條WIRE, 呢度WIRE 就係用黎開門既
轉開個扣整開條WIRE 就可以成組拎出黎
小心唔好整爆個扣
之後到手柄位, 呢個度度門唔同. 不過下面通常會搵到個虛位
用扳手SIP 入去一挑就開
呢個位又有兩粒鏍絲, 不過唔係最面見到個兩粒
係旁邊兩個黑洞入面有兩粒, 拆走埋佢
跟全就暴力既開始喇. 其實唔係好大力, 不過要岩位同搵岩工具
D 膠扳手最有用係而家, 因為唔會整花架車同門板
係門底會用易D 用手拉開個虛位
一野隊入去. 用膠扳手感覺下或者睇MANUAL , 搵下入面D 扣既位置
係碼仔位度撬幾下, 稍為用力少少會聽到拍一聲
如是者搵埋其他個幾粒碼仔爆開佢
如果係前門, 好多時後鏡個位仲有塊板. 呢個最易, 徒手一拉就得
一個金屬扣. 多手試貼左D 止震板既碎, 反正無用
鬆左四粒鏍絲同幾粒碼仔之後應該無野再鎖實度門
而家成度門係靠上半部SIP入車窗位, 成件野向上托應該就拎得開
咪住, 仲有條電窗線
頭先唔記得拆, 拆埋先
唔好用死力, 應該有扣鎖住, 按落去會好易出到黎
拆出黎既飾板
留意碼仔既位置
門內
拉開防水膠
如果打算貼返防水膠上去就唔好清走D 不乾膠
做野既時候要小心, 否則成身成頭都係
可以嘗試拎走埋個喇叭, 不過好實
伸手入去用力壓個金屬扣就可以拉到上半出黎
再係底向上拉就可以成個喇叭拎出黎
而家可以盡情研究點貼點做,
如圖所見得兩個大洞同個喇叭洞可以入手施工
呢個就考你智慧同手工既時間喇
中間無影相, 整完之後
留意門底出水位係邊. 唔知? 用電筒係門底照, 一照就見
還原即係將成個程序調轉黎做.
不過, 唔好咁快拍實D 碼仔
先睇清楚, 條WIRE 仲係唔係度??
個門鎖岩唔岩位
肯定無問題就插返窗線試一試有無頂住
試完先拍碼仔, 唔係又要再拆過
成果
暫時四門外門板都已經貼左止震板同隔音綿
效果唔錯, 門聲實左, 敲落去無晒空洞既響聲
而家用緊原廠喇叭, BASS +30%, 車既靜音都 + 40%
前後用左4 個鐘左右, 都已經好滿意
不過門洞仲未封, 封左應該會更好, 不過我諗住可能等換左喇叭先封, 避免影響到師父整
有諗過自己裝, 但係仲未研究到點拆個喇叭
同埋好似要整個托先上到??
問題
而家有幾個問題:
1. 第二層應該封幾多? 淨係同止震板封晒洞定係防水膠既位置貼晒?
2. 塊飾板駛唔駛處理? 內側需唔需要貼止震或者隔音綿?
3. 我記得睇過封門洞係為左營造一個好D 既音箱, 咁後車門係咪唔駛封都得?
4. 黎緊我諗住買膠管強化車門邊條密封膠. 有無師兄知應該買幾粗同點買法? (水管? 咩尺寸?)
遲少少再補D 相上黎 |
IP卡
狗仔卡
發表於 2013-12-20 03:56:42
提升卡
置頂卡
沉默卡
喧囂卡
變色卡
顯身卡
發表於 2013-12-20 07:23:04
發表於 2013-12-20 10:08:14
