本帖最後由 ikkjr 於 2015-11-24 23:18 編輯
Day 3
早上得一個行程: 熱沙浴
由酒店步行去約 10 分鐘.
熱沙浴營業時間, 請留意下圖
原來都唔係熱到頂唔順喎.
一邊浸, 一邊望下個海天景色, Good!
約15分鐘, 會有工作人員叫你起身.
浸完熱沙浴, 步行返洒店,
沖個涼, 又可以再浸下洒店溫泉.
Very relaxing.....
下午飯到JR車站附近食, 當然要又試下地道食物啦
叫咗 set lunch, 只需約 YEN1000/set, 味道唔錯喎.
食完就揸車去今日嘅重點遊覽: 別府地獄
別府地獄組合分8個地獄,
6 個就集中係附近, 另外 2 個就要再揸車去.
想睇哂8個, 記得買 '地獄組合套票', 抵 D.
係 '鬼山地獄' , 有條 66歲嘅鱷魚 
如果只够時間去其中一個地獄, 就去 '海地獄'啦,
因為最出名同面積最大.
地獄出名嘅小食:
石垣饅頭、地獄布丁、地獄甜玉米、地獄甜薯、地獄蛋......
連 '地獄 ice cream' 都有, 問你怕未?
我地 '為食兵團' 當然冇有怕,
一於..............食晒佢 
玩完 '別府地獄組合' 巳經下午四點多, 速速揸車走 
今晚 book 咗一間好隔涉位於山區之民宿: 湯布院山城屋
訂佢有三大理由:
1) 出名好食嘅農家菜 (主要埋由)
2) 有四個獨立半露天家庭溫泉, 即係如果你同家人用緊, 其他人就不能內進.
3) 試下山區民宿
揸入去'山城屋'個條小小山路真係一路揸一路滴汗.
條路直頭窄到俾單車行就差不多. 
危險 刺激 小山路
等小弟試下形容條路點難揸啦.
首先, 係一條非常窄而'灣灣曲曲'嘅山路.
司機個邊係山邊, 佈滿山石和凸出黎嘅樹枝,
架車 "挨親埋去", 右面車身一定花哂.
而架車左邊係無欄杆嘅沿崖邊,
隨時一不小心就成架車碌落山.
全程單線雙程 兼冇避車處. 
X-Trial 最多只能算中型車, 絕對談不上大型.
不過一路行車, 司機位個邊離山石邊只有1,2 CM,
而車嘅另一邊係沿崖邊, 我估車輪離沿崖邊亦只有2,3 CM.
行車時, 除咗車內 '右前方防撞感應器' 不斷發出警示聲外,
坐係後邊嘅兩位女士,
左邊個位就叫 '就嚟碌落山啦...小心呀!',
而右邊個位就叫 '撞山啦, 唔好駛咁埋呀...!'
音效直情勁過 "ATMOS全景音響".
真係人都顛. 
有冇相片睇下絛路有幾驚險?
梗係冇啦!
全程四個人四對眼都望實條路 同 架車嘅前後左右,
邊有可能仲有心情同時間影相.
師兄門如想感受一下, 只可以自已飛過去日本親身體驗,
刺激過坐 '過山車' 咖. 
'山城屋'係由一家人經營,
主廚係位79歲嘅婆婆,
負責營運係她的女兒, 佢老公就幫手.
全家都好 nice.
佢女兒早年在英國讀書,
所以用英文同佢溝通全冇問題 
終於到達'山城屋',
可能山區空氣+食物都好, 主廚婆婆 同 公公超精神.
小弟房間 + 其中三個 '家庭溫泉'
嘩! 周圍嘅景色都好靚.
相中見到天色咁黑, 唔好以為好夜, 只係黃昏六點咋.
山區裏嘅主街, 十間店舖九間冇營業.
民宿主人話連假日都冇乜人行.
D 人通常會揸 20 分鐘車到市中心消遣.
條小山路咁窄, 小弟剛到步時巳煩緊明天有乜辨法可以安全地揸番架車走.
現在條路'黑漆漆', 話揸車出去玩, 咪講笑啦! 
行完街, 到晚飯時間.
未食前心唸 '農家菜' 嘅賣相會比較粗糙.
點知一入到食堂就俾佢嚇一跳.
擺設得非常精美, 直情似'懷石料理'
味道如何? 小弟俾 100 分.
記得前一晚我地食 '和牛' , '活魚刺身' + 其它海鮮,
因食材名貴和新鮮, 覺好好味.
今晚嘅食材需然一樣非常新鮮, 但絕非名貴.
可以煮到咁好食, 特顯主廚婆婆功力非凡.
絕對食得出佢對烹調個份細心, 執著, 一絲不苟.
真心講一句: "婆婆好嘢!"
食完晚飯, 休息一陣,
同老婆大人去享受下 露天家庭溫泉,
超正.
之後嘅節目當然就係瞓覺啦....
Day 4
一早起身, 望出窗外嘅山林紅葉景觀真係冇得輸呀! 
早餐時間啦.
真係唔洗多講, 自己睇.
好食到就算飽都唔想停手呀.
呢間民宿真係樣樣都好, 價錢亦絕對唔貴,
冇記錯應該係平過 HK$2k/night, 包一泊兩食.
唯一令小弟猶豫是否再來就係條'要命小山路'.
食完早餐, 都係時候去今日第一個景點 - 金麟湖, 湯の坪街道
金鱗湖位於湯布院中心點,
在太陽光映照下，湖泊彷彿魚鱗般閃閃發光.
多得民宿主人指點, 泊咗架車係一個非常鄰近金鱗湖之泊車處.
淨係個泊車處 同行去金鱗湖條路巳經靚到...冇嘢講
金鱗湖
湯の坪街道有許多可愛的小店.
不過時間唔够, 相都冇影,
怱怱行下就要走.
揸咗一個鐘車, 去到 '九重夢吊橋'
參觀完吊橋, 肚子餓. 下一站 '九重山牧場'
吃日式燒肉做午餐. 目標係 '豐後牛'
'豐後牛'肉汁多, 入口鬆化. 正!
右下圖係 Home-made 雪榚,
有三種口味: 綠茶. 牛乳, 朱古力
全部都幾好食咖. 
牧場景色
日本新米好食咖, 同老友一人一包買番香港食.
向熊本市出發, 途中居然見到........
當然立刻揾個地方停車影相啦
去到熊本市, check-in + 梳洗完,
又到晚飯時間. 今晚打算食兩餐.
因為想試熊本拉麵,
又想食熊本出名嘅 馬肉料理. 
第一餐先食 熊本拉麵
揾到間好地道嘅拉麵店,
門口大大隻字寫著 '一生懸命',
好 serious 呀, 一於入去試下 
湯底相當濃味, 麵條亦彈牙. 好味.
第二餐心目中巳有一間較高級之 馬肉料理專門店.
點知去到佢話全店滿座, 成晚都 fully booked,
叫我地唔使等.
唯有又發揮民間智慧, 見到最多人食個間就入去啦.
下圖右上角係馬肉刺身.
小弟覺得'馬'係其中一種相當可愛嘅動物, 所以冇食.
老友食完話冇乜味, 試過就算. 
我都好佩服班 '為食兵團'
剛剛食完拉麵仲可以食咁多野!
Good night 
Day 5
差小小唔記得講下酒店 (Dormy Inn) 嘅自動泊車大樓.
入車時只需直駛入去個升降機空位, 繼而 息匙, 落車, 鎖門,
機器會自動運架車上樓安放.
要出車時, 機器會運返架車落黎, 兼自動幫架車掉埋頭,
方便車主直出駛走. 
Check out 完, 今天先去 '水前寺' 參觀.
第 2 個景點係 '熊本城', 日本三大名城之一.
可以登上城樓頂, 欣賞下熊本市面貌
'熊本城' 特色小食, 好多人排隊買喎.
我地 '為食兵團' 又點會唔試呢?
有三種不同味道, 一於食哂佢.
裏面係甜薯, 紫薯. 都幾好食喎 
行完 '熊本城', 又到午飯時間.
係市中心是但揾一間食.
估唔到個 '炒飯' 好好食: 少油, 乾身, 飯粒分明, 香.
食完都係時候揸車去 '日航' check-in 啦.
攪完手續成下午4,5點.
女仕門話要去 '血拼',
咁小弟就借機會係洒店小睡片刻.
今天晚飯係非常近 '日航洒店' 嘅福岡JR大站10樓食,
餐廳名稱叫 '惠比壽', 係一間 '和牛燒肉專門店',
專攻燒烤'和牛'不同部位.
薄燒牛舌好食, 爽口又唔韌.
唔同部位嘅 '和牛' 都各有特色 
唔只一位靚女服侍你, 仲幫你燒埋,
你只係負責食, 爽.
好飽呀. 不過仲有一項任務未完成. 
事源步出洒店時,
由職員口中得知 如果喜歡食拉麵,
附近有兩間超好食,
冇食過直情係未叫到過福岡.
講到咁 真係飽到上心口都要繼續食. 
揾到第一間必食拉麵店啦, 係福岡JR站附近.
要係門口部機先買票.
麵好食就唔洗講啦, 個湯底直頭香濃到漿住個嘴.
今日 '為食四人幫' 做咗件一般人都唔敢做嘅事.......................
就係四個人霸住一張大檯,
淨係叫咗一碗麵 仲要四個人分.
人家要俾四隻碗同四對筷子服侍你地.
(好彩當時係平日晚上十點幾, 冇乜客, 否則實俾人.........   )
唉! 我地都唔想咁 '摼皮' 咖, 實因巳經太飽但又貪吃.....
只好.................下珊一千字................
唯有快快食完, 靜靜雞速走. 
今晚巳經飽到頂唔順,
決定明天離開日本前一定要揾埋第二間拉麵店....
哈 哈 哈 .....
Last Day
女仕們話今早要去參觀福岡街市,
咁就去咗 柳橋連合市場
裏面不太大, 走馬看花, 15分鐘行完.
街市附近還保留有舊日式建築物
到行程最後一個節目啦.
就係去另一間福岡必食拉麵店試下,
間店位置其實係作晚個間嘅對面.
中午12:00左右去到, 巳經人山人海,
為咗食, 只有慢慢排隊啦.
咁多人排隊食, 仲使乜問好唔好食
食完出機場啦.
福岡機場比較細,
入閘後, 連一間可以坐底嘅 coffee shop 都冇!
不過咁係難唔到 '為食四人幫' 嘅 .
見有 '密糖蛋糕' 賣, 又未够鐘上機.
Ha, ha.......
That's all. Goodbye  |
IP卡
狗仔卡
發表於 2015-11-21 08:08:06
提升卡
置頂卡
沉默卡
喧囂卡
變色卡
顯身卡
發表於 2015-11-21 09:43:10
