6月26日香港之行 (ncwah家及雅典showroom)

細tec

應鎗王兄指示, 一於講幾句, 免得下次佢唔比我去佢度家訪.

昨天是我第一次在香港去到咁遠的地方, ncwah兄的居住環境真係好舒服.

12點兩到達ncwah兄的獨立屋, 一入屋, 嘩... 深深被石墨色的Sonus Faber Futura所吸引, 手工真是正到不得了, 之後再觀賞Burmester 061+011+911,德國的金工, 又是一流.

到有聲出啦, 點解咁靚聲嘅, 對Futura底個浸出得好有層次, 比我家為要好, Sonus Faber的中高頻段當然更不用懷疑啦, Futura同Ktema我估應該是同級的, ktema在代理聽過一次, 當時可能是配搭問題, 總覺得個底有點過量, 不清晰, 但今次聽Futura, 恰到好處.

之後聽我較為熟悉的曲目, 感覺到套Burmester分析力好強, 各方面都好平均, 沒有突出某個頻段, 唔知係唔係d野出得太工整, 覺得好似少左d音樂味, 同我聽開的機種確實有些取向不同. 最明顯是播小提琴, 人聲同弦樂應該是Futura的強項, 但Burmester推Futura, 總覺得有d怪怪地, 琴聲唔夠滑, 個尾音收得太快. 但播其他大棚野, 人聲, 效果又唔錯喎.

背牆的木間裝潢, 我覺得好正, 在聲音上應該都有所幫助的, 由於個廳都幾闊下, 我個人覺得, 如果可以將喇叭拉闊些少, 可能舞台感會強返d, 可能會更衰又唔奇.  

Jameskyc

細 tec 兄之後去 雅典同 Extreme 有什麼收獲嗎？

nagramen

Could you please tell what cables he is using? Thanks

細tec

James兄,

我自問唔識聽野的, 其他野留待你講啦.

我會寫埋Gryphon, 毒下你.

racewong

大家討論完後, 我幫你搬去家訪區好嗎?

racewong

Jameskyc 發表於 2012-6-27 22:53
細 tec 兄之後去 雅典同 Extreme 有什麼收獲嗎？

係喎! 果日你都有去喎!

快D交REPORT好嗎? HEHE

Law記

細tec兄順得人又講得出做得到，仲要快喎，真係

micmic123

身為sf粉丝，好想有對futura

Fayefei

micmic123 發表於 2012-6-27 23:08
身為sf粉丝，好想有對futura

身為獨立屋粉絲, 好想再住獨立屋呀...

pl96

Jameskyc

細tec 發表於 2012-6-27 22:55
James兄,

我自問唔識聽野的, 其他野留待你講啦.

細tec 兄咁客氣呀？Anyway 首先多謝 ncwah 華哥管接送，去到世外桃園一獨立屋，概嘆人生如此，夫復何求？
一入屋，俾 Futura 外型同 B 仔金工深深吸引，我哋二條友，眼金金望住同欣賞幾件藝術品，起碼超過十分鐘都未開機，突然醒起；我哋係嚟聽㗎！睇咩！痴Q 線！開機喇儍佬，睇...

開機聽，各方面都好平衡， Amati 比較難出果浸低都出得好好，音壓足夠填滿整個空間，泛音貴氣有不在話下，定位更加係 B 仔強項，個人覺得，器材同配搭已經算攪得咁上下，應出既嘢都出到。至於細 tec 兄講既音樂感同小提琴自唔自然問題，當然仲有空間可以做得更好，因爲屋入面近器材附近有幾多玻璃嘢；例如玻璃趟門，玻璃柜，窗等等，而以上所述玻璃嘢係冇任何布或窗簾遮掩，地板用石磚地，嗰張细細既地壇物料係人造合成膠（應該用 wool 羊毛可能會好啲）。
On the whole, 華哥套嘢真真算係非常非常 good, 聽到我唔舍得走，希望有機會能再登門拜訪。

Law記

James兄不但補足細tec兄冇講嘅嘢，重好生鬼添
最好係大隻師兄補埋佢被人家訪嘅感覺，對兩位師兄意見嘅感受/反應等等...咁就成為一個完滿嘅report嘞！

supercow

正呀..點解唔叫我呀...

ncwah

我相信係對valhalla的影响,我會借Ｄ線黎搞搞佢 其實今次係第一次比人家訪,自己又未去過家訪.所以都唔知道Ｄ聲得唔得.自從上咗hiendyＤ個毒網.經常吹水.先至識倒志同道合的發燒友.更有幸得到兩位大師級來小弟屋企家訪.比咗好多意見,知道邊道有所不足.再次多謝James兄同細tec兄賞面光臨教路

細tec

自從買入Gryphon Mirage + Colosseum後, 一直都在尋找合適的信號線, Dreamline, Odin雖然好想要, 但一睇價錢, 買唔起.

早前問朋友借左兩對Gryphon好早期的廠線Guideline回來試機, 覺得對線都幾平均的, 好中性, 不過同而家d貴線比, 真係瓣瓣都輸, 但放在前去後, 我覺得又幾夾喎, 網友takyan兄說Gryphon對VIP信號線都幾好, 於是上星期就同雅典約左昨天上去聽下野, 原意只是想比較Guideline同VIP放在前去後的分別, 但代理說不行, 因為前級去後級距離好遠, 只可以試CD去前, 既然代理咁講, 我當然不會攞對Guideline去啦, 最終拿在朋友的Kondo LPz去比試.

昨天是第一次上雅典, 入到去, 做乜呢個代理的房咁細間嘅, 不過諗深一層, 接近一般家居, 夠實際, 又唔錯喎.



一坐低, 開聲, 由喇叭傳來非常潤澤而淡定的聲音, 比我用緊的Mirage + Colosseum感覺有所不同, 這套組合的聲音潤得來而非常細緻, 分析力極強. 只聽了幾分鐘, 想起自己目的是來試線的, 唔係來欣賞呢套天價機的呀, 於是就要求店長先生換上VIP信號線及聽我自己帶來的碟, Mary Black的Columbus同2005 AV SHOW阿淘的打孔翘.

換上後先聽Mary Black, 聲音覺得比之前對線更平均, 密度更好, 彈跳力更佳, 再聽阿淘, 背後的人聲背境聲清晰到有d嚇人, 自問我屋企出唔到呢d咁細緻又清晰的聲音. 之後要求店長先生換上我帶來的Kondo LPz, 再聽阿淘, 此時聲音明顯清淡了, 之前嚇人的細節依然還在, 音埸略為收細了少許, 最後再聽回對VIP, 聲音鬆容不迫, 有分析力之餘亦不乏音樂味, 整體連貫性好好, 個人覺得, 用在Gryphon上, VIP比我聽開的LPz(借返來的)更合我口味. 就是這樣, 個多小時咁就過去了, 要拍拍PAT PAT走人啦, 臨走時問了一問價格, 1.5m折實28k左右, 出到咁嘅聲賣呢個價, 今時今日, 都可以接受.

最後想講幾句對呢套Gryphon旗艦的感覺, 實物比睇相片靚好多好多, 網上所見部前級Pandora真是麻麻的, 同部Mirage個樣差好遠, 但親身接觸過之後, 簡潔得來查實都幾靚, 部Mephisto比想像中窄身, 當初以為真係成部窗口機咁大, 部 Mephisto真係好鬼靚, 見到都流晒口水.       
聲音方面, 我會咁樣形容佢地, Pandora + Mephisto感覺就好像是成熟穩重, 事業有成的中年人, 而Mirage + Colosseum就像是活力十足的後生仔.

masteralain

ncwah 發表於 2012-6-27 23:59
我相信係對valhalla的影响,我會借Ｄ線黎搞搞佢 其實今次係第一次比人家訪,自己又未去過家訪.所以 ...

幾時輪到我呢？

細tec

ncwah 發表於 2012-6-27 23:59
我相信係對valhalla的影响,我會借Ｄ線黎搞搞佢 其實今次係第一次比人家訪,自己又未去過家訪.所以 ...

ncwah兄,

唔好玩我啦, James兄這些可以叫大師, 我只是去隨團參觀咋, 多謝你比我這個鄉下佬家訪至真.  

過去我都只會閉門造車玩自己的音響, 極少去聽人家的器材的, 可以話什麼叫靚聲都未弄清楚. 這一兩年, 出外聽多左, 在言談交流中可以學習自己不知不明的東西, 所以可以的話, 我都希望可以去多d家訪, 聽多d唔同的機種, 聲音, 又可以識多個朋友, 對自己的得著是最大的.      

Jameskyc

nagramen 發表於 2012-6-27 22:54
Could you please tell what cables he is using? Thanks

最好叫華哥自己講會清楚啲

Jameskyc

Law記 發表於 2012-6-27 23:45
James兄不但補足細tec兄冇講嘅嘢，重好生鬼添
最好係大隻師兄補埋佢被人家訪嘅感覺，對 ...

多謝 Law 兄，客氣客氣

Jameskyc

細tec 發表於 2012-6-28 07:31
ncwah兄,

唔好玩我啦, James兄這些可以叫大師, 我只是去隨團參觀咋, 多謝你比我這個鄉下佬家訪至真.{:5_ ...

細tec 兄，ncwah 兄，講笑搵第樣，咪玩喇，大師？Master? Masteralain? 我尼啲小學雞俾啲真正大師會笑爆嘴㗎！ 的而且確，我聽歌年資可能短過你哋，只係將勤補拙，同埋自問都有心學嘢