今次急症室主角阿康(網名hongtam), 係Hiendy AV 急症室首位病人居士的好友, 自從居士比我地嘅大夫調完之後, 覺得好正 .....我意思係佢套機, 便介紹阿康黎掛號, 上星期六我行動豬就聯同土皇帝殺上去阿康屋企去搞搞佢.....壇嘢!
之前已經收到佢嘅病曆, 阿康話套機啲聲左右不平衡, 人聲好似入咗山洞咁; 點知一上到去, 另一個難題又出現!!! 阿康話: 每當開AV AMP 時, 前面三隻喇叭都會有剌耳的高頻發出及電流聲, 果然一開機便有相當明顯的雜音, 咁我地估計都係訊號線或天線嗰啲作怪啦, 好喇, 一輪又甩又插搞足半個鐘, 終於都.....搞唔掂, 我行動餅主以為又會失威之際, 呀皇上冷冷地掉下一句: 係咪個魚缸泵影響呀! 阿康立即一個箭步走去熄咗個泵, 真係好似無記玩魔術節目一樣, セ聲都冇晒!!! 估唔到皇上嘅壇數又升幾個 LEV, 真係 {{ MAGIC}} 
好喇, 再搞搞 【啲聲左右不平衡, 人聲好似入咗山洞咁】, 先用軍天用將試試, 的確, 因為右手面是一個大飯廳關係, 右面的聲音特別疏落, 人聲空洞, 上唔到幕, 前面高音暗淡無光. 先由我做啲體力勞動, 將右前置由原本冇toe-in, 變為大toe-in 射向皇帝位, 中置亦用幾個bluray盒墊高, 等中置的高音單元可射向皇帝位; 然後就由皇上接手,  佢先將 AV AMP 裡的 EQ 和 Audyssey 設定全部關上, 再作音壓上的微調; 前中置的高音還是差少少, 所以皇上再以Large同Small 反覆 AB 比較, 始終覺得 Set Large 聲音較開揚, 高音較刺激. 開番隻MI4比屋主阿康聽聽, 唔.....空洞感冇晒, 再冇左右不平衡, 爽呀! 收工!
調校前
調校後
雖然今次校機都不算太複習, 但係在揾怪聲的時候都花了不少時間, 估計阿康屋內插AV器材同水族器材牆蘇為手拖手, 所以被魚缸泵所影响, 這總算是一個難得的經驗.
藥方
1. 阿康需要購入一個中置架, 使之能射向皇帝位
2. blu-ray 機需要另找更好位置擺放, 現在太可憐了!
|
IP卡
狗仔卡
發表於 2012-12-12 23:27:14
提升卡
置頂卡
沉默卡
喧囂卡
變色卡
顯身卡
發表於 2012-12-12 23:32:02
起初我仲諗住左右不平均依個先天問題都幾難解決
點左兩位大師移下隻前置同set下部機,左右不均問題真係解決左
另人聲比之前又好左
大師即係大師,另果日好在多得pinkhung大師話不如試下熄左隻魚缸泵,唔係我仲以為壞機
現時我用番舊果隻泵D(V V)聲已經冇左,最後要再一次多謝兩位大師幫忙,另小弟一次解決曬兩個問題
哎哟 佢地好挑皮㗎 走後D魚冇死嘛? 佢地其中一个係生化人。污染你D缸
