本帖最後由 kelvinchow8 於 2012-11-17 22:14 編輯
汽車及汽車音響討論區正式成立
HIENDY為慶祝兩週年大日子,內容都嚟過大革新!因有會員提出意見,都對汽車及汽車音響有好狂熱既興趣,特意增加多一個討論區俾大家交流同分享。汽車及汽車音響種類凡多,相對家庭影音產品種類都不相佰仲,多姿多采音響車機,林林總總喇叭同低音,仲有種種車上有趣玩意,都有好多討論空間!希望係HIENDY裡面有更豐富內容同資訊帶俾我地親愛既會員。如果各會員有咩問題同分享,都可以互相提出,交流指教一番。另外;各會員如果有自己既愛車音響設備同感受,可以多些發佈,同我地大家一齊分享各種喜悅同樂趣。先同各會員說一聲 :" 請多多指教 ... "
先介紹一下我自己,我現職汽車音響行業已有十多個年頭,從未間斷,由初初出道學師安裝汽車音響,直到現買賣相關汽車音響產品,都有相當認識,希望可以幫到各HIENDY會員解決汽車音響上的各種疑難。小至安裝燈泡問題,大至汽車音響組合特性同取向,都可以提供意見俾大家,希望大家係HIENDY玩得更開心、更盡情!我會為大家發佈更多有關於汽車動向、音響資訊、汽車趣聞與及最新科技,希望大家會鍾意及支持!我暫時諗咗兩個環節會同大家不定時更新,包括有"車天車地車大炮",呢個係為大家介紹汽車低音炮最新動向同種類;"大改特改之本地最強汽車音響改裝",呢個我會四出尋找呢類勁改音響車介紹俾大家,如果大家都有其他類型題目,可以俾d意見小弟,開闢更多相關討論環節!
Gentlemen!Start Your Engine! |