週五雄熱@新漢建業 - 花絮及討論區

chrisclw

首先多謝新漢建業提供場地和器材, 讓各位會員除了有機會再次一睹皇上嘅風彩以外, 還可以有感受一下全套Bryston AV前後級和7.1聲道喇叭的機會!

急不及待的會員


今次試用的器材








百事佬和皇上講解今晚的流程,同時歡迎各位會員参於今次活動





開始試片


新漢建業代表輪流向各位會員講解Bryston AV前級, 後級, 和全新Bryston喇叭系列







藉著今次活動嘅機會, 頒贈獎座和禮券給2013年度AV區最有貢獻會員和3月份家庭影音討論區帖王!  

2013年度AV區最有貢獻會員 --- Yuppi


3月份家庭影音討論區帖王 ---  2evo


新漢建業送出紀念品給2位幸運會員



最後, 當然唔少得大合照啦!

henrykee

第一

fm31331

勁呀!

tst123

多謝Hiendy的安排令小弟可搶先試Bryston組合

tune

Good morning.
Once again. Thanks very much for all the Hiendies for their effort and passion. Especially to "The Majety" and "Pespiman". Hey - You are the men.

The image is particular good for last night. Very clean and sharp.

Many thanks.

timmywan

皇上越來越有台型
學友終於有接班人

2evo

Thanks for the gift and wonderful arrangement! Good show anyway

4Ktv

效果小小失望啦，可能之前期望高左
不過都要多謝 HIENDY

4Ktv

可能 SPEAKER 太新未煲都未定

bmb_hd

多謝hiendy 及代理搞喱個show!

我一心諗住黎聽SP3嘅威力但有點失望，
(我坐第二行偏中間位置)
d 低音怪怪地，
中置的聲也怪，頭三段片人聲好似有啖痰咁，
Frozen 女主角家姐唱歌把聲並不動聽，
係後尾3段飛車及槍戰戲聲才正常點

相信與喇叭未run in 有關，

希望代理能在喇叭煲熟後再攪一場，

知道代理想早一點給我們欣賞新款喇叭的風采，

但欲速則不達，

可知一個不好的demo 會給人一個壞印象。

xlarge

果班大袋好有自信㗎，幾十萬器材再加埋撈左幾十年售貨員嘅經驗出來嘅效果又点會唔好声？！只怪你地唔識聽姐……

bmb_hd

xlarge 發表於 2014-5-3 16:23
果班大袋好有自信㗎，幾十萬器材再加埋撈左幾十年售貨員嘅經驗出來嘅效果又点會唔好声？！只怪你地唔識聽姐 ...

過百萬一套機都可以玩得唔好聲，

平嘅組合亦有機會玩得收貨有餘。

我都係有果句講果句，希望大會唔好見怪。

lulu

可能我太耐無用耳仔啦，回咗塘！
咁靚嘅器材我都聽唔出好响邊！
我都係返屋企聽返我套……套裝機……！

Leslie8

多謝Hiendy 及代理安排了一個很難得嘅試聽會給大家，可以初賞bryston sp3 及bryston 新出嘅喇叭。
昨日所出嘅聲多數係未煲好，小弟木耳好似聽到由第一套戲到最後一套聲音都在進步中。
除了喇叭，SP3 絕對潛力無限
超低方面我唸都是未䦕聲，再加上Hiendy 啲師兄個個唔係用JL就ML或SM，我唸要出動到雷神先可以滿足到各大師兄

kelvinchow8

先多謝新漢建業為我地Hiendy會員舉行左一次全套Bryston AV演示會 .

當日喇叭未開聲我諗大家都認同 , 主聲道同低音都明顯聲緊 . 但我反而留意到隻喇叭個動態同能量感都有返甘上下 , 套喇叭開左聲 , 起碼可以應付千尺空間 ! 低音方面 , 3隻8吋有快有量 , 但如果買得應該一對 , 空間效果更全面 !

前後方面 , SP3比我感覺聲音定位唔錯 , 戲同歌一半半 . 有動態 , 有細節 . " Frozen " 中的魔法效果非常細緻 . " 暴風 " 中的槍戰爆炸場面就勁度十足 . 後級力水大把在手 .

入屋全套效正開聲應該有千尺戲院效果 .

eosteven

套Bryston喇叭只係開聲幾日, 個隻8"低音單元條邊超厚, 肯定有排煲. 釘腳又未裝, 相信都未有時間調較過.
當日聽到喇叭高音未開, 伸延不足, 以至音場空間連貫麻麻, 低音都仲好緊, 只聽到速度, 未聽到細節同鬆容低音營造既氣氛.
其實未能聽到Bryston surround processor同amp既實力.
不過都聽到成套Bryston既質感好實淨, 子彈聲, 引擎聲最能感受到, 此乃高階機的效果.
期待套Bryston喇叭煲好既效果, 或者代理再搞場配PMC喇叭既show(小弟之前有幸聽過)

ice_man

首先要多謝新漢建業與Hiendy全力協舉辦今次Full Set Bryston AV演示會。因為套Bryston喇叭只開箱幾日，所以熱身肯定唔夠，高中頻伸延不足而低頻亦都比較緊，相信煲一排肯定會有好大嘅改善。隻十仔係未煲好嘅情況下係咁大嘅場地同埋有成三十人嘅環境吓出到咁嘅效果已經算唔錯，都係果句煲一排肯定會有好大嘅改善。另外係全套喇叭未煲好嘅情況下部SP3出黎效果都算唔錯，子彈橫飛同爆炸場面都相當不俗，令人感受到全套Bryston Amplifier雄渾有力，再爆棚都冇問題！希望遲吓有機會可以感受吓煲好嘅Bryston喇叭實力是如何...

bmb_hd

小弟一直有留意及試聽中上級鬼佬AV 前級作為下次升級目標，

Bryston SP3因為外國評價不錯 ，當然也在目標之列中，

所以代理應快d run in  d 喇叭 再攪一場欣賞會, 才能讓大家欣賞到它應有的風采!