＂盲測大比拼，估中我有醒＂競猜遊戲

newbb

A機 - Pioneer LX55
3D - 不堪入目,左右眼不協調,會閃,沒立體感, 初初我以為沒有開眼鏡呢.
2D - 好很多了, 比起其他2部不差
聲 - 沒知係唔係為左集中睇畫, 聲效沒怎麼留意, 就是不特出.

B機 - OPPO 95
3D - 比A機好很多了,畫面流暢, 夠立體.
2D - 畫面較其他2部暗(所以我估係OPPO95,因為我有93,DEFAULT SETTING好似比較暗)
聲- 包圍感不錯,夠DETAIL

C機 - Cambridge 751 ( 剩下只可以估呢部,因為以前未用過 )
3D - 跟B機不相伯仲,好難有分別
2D - 跟B機看起多光一點.
聲 - 聽起來感覺最大聲.夠包圍感, 音效最好, 但唔知係唔係感覺大聲,在猿人片中, 直昇機聲,子彈聲好似有D亂.

好想再寫多D, 但小弟第一次寫報告, 怕寫多錯多..

pepsiman

newbb 發表於 2012-1-15 12:37
A機 - Pioneer LX55
3D - 不堪入目,左右眼不協調,會閃,沒立體感, 初初我以為沒有開眼鏡呢.
2D - 好很多了,  ...

師兄,寫得很好,如果可以的話,再補充多一D就Prefect喇...

bmb_hd

死啦，我同D friends 都覺得B 機舞論聲畫都最差,

唔通我地真係老了?

P.S. 以上評論絕無冒犯·newbb師兄的意思

tontontony

"盲測大比拼，估中我有醒" 競猜遊戲

A機  Pioneer 55
聲音方面我覺得感覺OK只係低音方面唔係我杯茶~~
畫面方面我覺得,3D畫面明顯不及 B同C機咁出~

B機   Cambridge
聲音方面我覺得 低音出左~
畫面方面我覺得 色彩好正~畫面好濕~~細緻度多好多~~3D畫面都立體好多~~

C機  OPPO 95
聲音方面我覺得 低音最出最埋身係依部~我最LIKE
畫面方面我覺得 色彩好正但感覺好似冇B機咁濕~~細緻度及3D畫面既立體度與B機相近~~~

bigpun1975

分數已出, 請到以下連結參考

http://www.hiendy.com/hififorum/ ... &extra=page%3D1

bigpun1975

bmb_hd 發表於 2012-1-15 13:09
死啦，我同D friends 都覺得B 機舞論聲畫都最差,

唔通我地真係老了?

快D估啦, 可能你啱呢

qq1122yq

A機  Pioneer 55
聲音方面我覺得: ok幾好無乜凸咄
畫面方面我覺得: 2D色彩暖、濃左d但ok
                     3D又閃又窒

B機   Cambridge 751
聲音方面我覺得: 平衡清柝、包圍感強、低頻量感好
畫面方面我覺得: 2D夠通透，3部之中最光，可能係色彩無咁暖關係
                     3D計最順、舒服，但都係有少許閃

C機  OPPO 95
聲音方面我覺得: 包圍感無B機 咁好，但都有好好表現，低頻量感/punch比B機少左dd
畫面方面我覺得: 2D中性、平衡無投訴
                     3D細緻多dd，同B機差唔多



其實3部機之中，只曾經睇過55及95 1次，加上751只睇過網上評論，所以段估！
p.s 小女子坐最後排，所以聲音方面可能聽得無咁真

bigpun1975

qq1122yq 發表於 2012-1-15 14:11
A機  Pioneer 55
聲音方面我覺得: ok幾好無乜凸咄
畫面方面我覺得: 2D色彩暖、濃左d但ok

其實中後排低頻量多D, 包圍感好D,
頭排就3D效果剌激D,
我見三場坐頭排D會員睇死神來了都有個別要閃開避野

lemonstar

"盲測大比拼，估中我有醒" 競猜遊戲

A機 - Pioneer LX55
3D/2D - 最多crosstalk, 比起B/C機閃亦沒有B/C機流暢, 2D好過3D, 夠光亦完全沒有暗蒙, 畫面都幾sharp

聲音 - 薄聲, 少少剌身, 包圍不夠, 密度及低頻不足

B機 - OPPO 95
3D/2D - 順, 顏色3部機中最濃, 人物膚色顯得有少少不自然, 景深出, 看Apes時d毛毛一比A機出好多.

聲音 - 最狠的一部, 低頻量大過其它, 尾音控制有點兒'pair', 包圍ok, 聲音最細緻, 分析力也十分好

C機 - Cambridge 751
3D/2D - 同B機太接近, 畫面銳利度相約最多比B機差1分, 不同之處在於顏色, 751自然不過火.

聲音 - 最有包圍感的一部, 低頻控制/速度/收尾比B機好1-2分, 密度及細緻也相對B機相約.

Conclusion(若果估啱的話):
Pioneer55- 2D畫只係比較出眾, 便宜
Oppo95- 猛/狠, 細緻
Cambridge751- 自然但不失氣勢

以上全個人化感覺, 小弟3部機都沒擁有

史的墳

響估時想問下版主，三部機同用個條電源線煲左幾耐？因為我三部機都有過，大概知道個特性，煲左幾耐對結果影響可以好大

pepsiman

史的墳 發表於 2012-1-15 15:43
響估時想問下版主，三部機同用個條電源線煲左幾耐？因為我三部機都有過，大概知道個特性，煲左幾耐對結果影 ...

三條線基本上係全新,係呢個活動set機時先至用佢,最多都係10個鐘樓下...

jwong

本人着重畫多於聲，以下是個人睇法：
A機：
畫：3D 表現 
1）Car2 ，順暢度明顯不足明顯有窒下窒下。顏色，畫面銳利，和B機相約
2）final destination5, 順暢度明顯不足明顯有窒下窒下，似乎唔關軟件事。
畫：2D表現
Planet apes，雜訊控制最好，最小noise。畫面亦最sharp。
如果只計2D，我覺得它第一，但3D，實在太窒，不能接受。影響整體評分！
聲：base比其他兩部輕，亦好似聽小d細節聲。
 
B機：
畫：3D 表現 
1）Car2 ，順暢度比A機好，睇得好舒服。畫面銳利度和A機相約但立體感是三部最好。
2）final destination5, 同睇cars的評語大致一樣。
畫：2D表現
Planet apes，順暢度又好似掉番轉比A機差少少，（但已十分接近）。雜訊控制最差，noise比A和C機多。動態畫面有輕微拖尾。
如果只計2D，我覺得它第二，但3D，排第一。
聲：base比A機重，細節聲亦出色，整體和C機相約。

C機：
畫：3D 表現 
1）Car2 ，第一感覺：濛。順暢度和B機相約，睇得好舒服。但可惜個人覺得佢濛，唔夠高清。
2）final destination5, 依然係濛。
畫：2D表現
Planet apes，雜訊控制排中間，畫面都係唔夠sharp。
整體而言，太濛，唔啱個人口味。
聲：base最重，細節聲和B機相約。

根據之前上網睇各師兄report，我估A是LX55(因為聲比其他兩部差少少，睇用料估）。C是Cambridge audio，因為我估電影感等於唔sharp卦。最後剩番B便是OPPO。

小弟是新手，希望大家比D意見。另外，好多謝Hiendy安排如此有用，精彩嘅大比拼。如果可以加多一段2D片段和加出時間便perfect。自己參加第一場，大會唔夠時間安排埋Philip 和馬蘭士比拼，有D可惜，但本人已十分滿意此活動，多謝！

curtis9797

A機 - Pioneer LX55
   好明顯係55先鋒，畫面偏光，缐條鋭利，
顔色好搶，景深都不錯，聲音連貫不錯，底頻收得太快同實，
冇乜彈性，noise都好少，我係以2d黎講，3d就
不用講，根本閃到不能睇，好明顯係，hdmi線or同
Projector唔夾

B機   Cambridge 751
   畫面顏色自然舒服，好有電影感，缐條平滑，
Noise好少，聲音比較c文,連貫性都好，底頻都不錯，但不埋身，
聲音及畫面好像修飾過咁，如果有得張sharpness + 1 or 2,
同DNR一樣加+1 or +2我想畫面一定win
3d層次感不錯，比較自然舒服，如果有得改setting會好好多

C機  OPPO 95
   畫面顏色都好自然舒服，畫面好有電影感，
聲音連貫性很好，底頻好有力及實在，但比較
埋身，engine聲震哂出黎好正，如果鐘情底頻及
刺激一定選擇這一部，雖然我之前冇聽過95,但好多
師兄都話95睇戲刺激及底頻很好，咁好sure依部係95，
3d放面層次感很好，都好舒服

bigpun1975

jwong 發表於 2012-1-15 17:44
本人着重畫多於聲，以下是個人睇法：
A機：
畫：3D 表現 

真係要對參加第一場的網友講聲對唔住，因為有一些突如其來的意外，令到昨天的流程有些小延誤，希望各位唔好介意，不過師兄都唔需要太擔心，黎緊我地都會不停舉辦活動，期待下次再見面，多謝支持Hiendy !

laam

"盲測大比拼，估中我有醒" 競猜遊戲

A機 - Pioneer LX55
   我係睇第一場 一開始顏色一舊舊 不能接受 但睇第二次好明顯睇得清楚好多 畫面比較光，缐條顔色同景深都睇到唔錯既層次，但聲音方面包圍感好明顯冇其它兩部咁好 但畫質noise好少 但係2d好過3d好多 唔知係唔係hdmi線或 Projector唔夾 因為我係其他地方睇呢部機有好明顯既不同 如果佢真係LX-55 咁就真係要同佢平反一下 2D畫面我覺得佢係3部最好 3D 未能作準 有待測試

B機   Cambridge 751
   畫面一開始就睇到有層次同景深分明 好有電影感 睇得好舒服
但聲音比較冇咁埋身 但包圍感同層次較A機好 但低頻較C機差
但2D表現較A機差但比C機好 三部中比較中性 如果佢真係Cambridge 751
我會覺得相當符合佢既過性

C機  OPPO 95
   3D畫面顏色同B機類似 但雜訊控制係三部之中最差
但都好有電影感 聲音低頻有力埋身 包圍感強但分折力較A機好但輸俾B機少少
鐘意口爆同中出既師兄一定會非常滿意佢既音頻表現
但2D畫面真係強差人意 太暗同唔夠其他兩部有層次同分折力
如果佢真係95 係冇乜調較底下出咁既質素 我會覺得係相當令人失望

laam

bigpun1975 發表於 2012-1-15 14:20
其實中後排低頻量多D, 包圍感好D,
頭排就3D效果剌激D,
我見三場坐頭排D會員睇死神來了都有個別要閃開避 ...

我咪就係其中一個個條女俾野插個時要避開同嚇左一跳囉
因為我未睇過呢套戲 個一野真係好鬼嚇人

10bucks360

首先多謝hiendy團隊抽出私人時間搞活動，正所謂台上3分鐘，台下10年功

A機 ﹣ P記55
先講講第1部試既機，一戴上3D眼鏡，好似冇開3D眼鏡咁
來回check左幾次眼鏡都係咁，總之好似對唔到焦，睇得有點辛苦
聲聽左一陣都估到應該係P記部55
因為高低頻伸得好小同音域較窄，聲音細節不足同層次感不足

B機 ﹣ 751
一開就拋得A機好遠，3D好自然立體
再開聲，高低頻伸得比A機多好多
聲音細節清晰立體，層次感足之餘亦聽得幾舒服
呢刻己經好肯定第1部機係P記55

C機 ﹣ OPPO 95
聽完B機，再聽C機， 其實好難講到邊部係OPPO，邊部係CAMBRIDGE
因為兩部機不論聲音細節，層次感，環繞聲效果都好近
聽左幾轉覺得係同級機
都花左一段時間先估到邊個打邊個
最後係聽出B機音樂感比較出色，聲音細節過後有餘韻有尾音
C機低頻有力聲音快速但呆板，似足屋企部93，所以推斷C機係95

畫面來講3部顏色同光位唔差十分遠，係暗位睇得出B／C機有更多細節同立體
3D來講A機唔知點解會咁，達唔收貨級，B／C機就VERY NICE

聲來講，A機如果真係55都交足貨，收兩三千冇咩要求
反而B機如果係751就有驚喜，聲音細節，層次感，環繞聲都好好
最正係比較完C機之後夠晒音樂感又有餘韻，屎啦有小小心動

如果我要3揀1來買，B機係好值得考慮，有機會要再試

thomas12345

"盲測大比拼，估中我有醒" 競猜遊戲答案

A機  Pioneer 55
聲音方面我覺得 聲音交足貨
畫面方面我覺得 3D畫面不夠立體感

B機  Cambridge 751
聲音方面我覺得 聲音十分好
畫面方面我覺得 3D畫面夠立體感

C機  OPPO 95
聲音方面我覺得 聲音十分好,但都不夠B機好
畫面方面我覺得 3D畫面有些noise

yuppi

"盲測大比拼，估中我有醒" 競猜遊戲

其實我睇完第一段 3D Cars 已經估到邊部打邊部 ( 有錯吾好打面 )，反而 2D 果段我隻老花眼搵吾到太大分別。

A機 - Pioneer LX55
Picture：好明顯有 Pioneer  的滲紅現像，紅色都會有一層層的斷層出來，我睇咗五秒已然認定佢係 LX55。3D 畫面好浮，好多 Ching 吾鍾意覺得好暈 (不過我 Like)，畫面缐條鋭利。
Sound：聲音連貫及空間感不錯，不過分析力較其他兩部差。
整體表現我俾 7 分

B機 - Cambridge 751
Picture：畫面顏色係三部之中最有電影感，好討人喜歡，自然舒服，缐條平滑及冇咩 noise (可能呢個就係咁多 Ching 買佢既原因)，不過畫面暗咗少少。
Sound：聲音比較斯文，空間感好好但分析力及低頻比 C 機差少少。
整體表現我俾 8 分

C機 - OPPO 95
Picture：畫面顏色都好自然舒服，冇咩突出但又冇咩出錯，冇味精及好有電影感。
Sound：聲音連貫性，分析力及空間感係三部之中最好，底頻比較埋身，但尾音收得比較快，整體聲音表現好適合 HD Sound。
整體表現我俾 8 分

qq1122yq

係咪寫得越長越大機會得奬？