香港最高領人人選

frankyching · 發表於 2015-2-25 12:17:15

本帖最後由 frankyching 於 2015-2-25 12:22 編輯

"我" 是你們唯一的選擇！！

ultramanzero · 發表於 2015-2-25 16:13:35

我覺得曾鈺成 OK 喎，尤其呢幾年做咗垃圾會主席之後，無論出黎講嘢定處事都幾 Buy 佢！
任總都 OK!

ultramanzero · 發表於 2015-2-25 16:31:34

本帖最後由 ultramanzero 於 2015-2-25 16:41 編輯

其實我真係好唔明，Ｄ人點解咁憎 689？好似比佢殺咗全家咁！講做嘢佢好過 Donald 曾多多聲啦！只不過香港而家Ｄ政治環境令政府吋步難行！

有時真係陰謀Ｄ諗，有Ｄ香港人就係唔想政府做到嘢，政府越想做嘢佢地就越反你！最後政府既無能就突顯呢班人既存在價值！

希望唔好比我講中！

tonyx · 發表於 2015-2-25 16:44:14

ultramanzero 發表於 2015-2-25 16:31
其實我真係好唔明，Ｄ人點解咁憎 689？好似比佢殺咗全家咁！講做嘢佢好過 Donald 曾多多聲啦！只不過香港而 ...

689我除o左覺得佢古惑/陰濕和唔買鏡俾個女之外, 我都唔係太僧佢

ultramanzero · 發表於 2015-2-25 16:57:17

tonyx 發表於 2015-2-25 16:44
689我除o左覺得佢古惑/陰濕和唔買鏡俾個女之外, 我都唔係太僧佢

做得呢Ｄ位點可能唔古惑同陰濕，只係 689 包裝得差露哂出黎！董伯伯夠忠直啦咪一樣死！

ivanchan · 發表於 2015-2-25 20:06:39

ultramanzero 發表於 2015-2-25 16:31
其實我真係好唔明，Ｄ人點解咁憎 689？好似比佢殺咗全家咁！講做嘢佢好過 Donald 曾多多聲啦！只不過香港而 ...

如果僭建、陳戌波、HKTV丶UGL、未富先驕論、14k收入論、港大學苑、陳文敏、卡羅琳學院⋯⋯等等事件都冇問題嘅話⋯⋯

frankyching · 發表於 2015-2-26 13:28:34

本帖最後由 frankyching 於 2015-2-26 17:32 編輯

香港人究竟想要一個點樣樣嘅特首呢？我覺得香港人需要調校一下佢哋嘅思想，特首係一個處理政治問題嘅崗位，並唔係處理一般文書工作、上司下屬關係嘅職位。
好多人以為，特首需要係一個謙謙君子、正直、要係一個好人。但係一個咁樣嘅人，絕對無辦法處理政治問題，香港並唔係需要一個能幹、大方嘅人黎做特首，唔係需要一個馬英九。而係需要一個有政治頭腦，能夠籠絡各方面權力同平衡各方面利益嘅人，咁樣嘅一個人，响一般自以為受過高等教育嘅家長，文藝氣息重嘅香港人眼中，就係一個蠱惑奸詐嘅人，以一個政客嘅標準呢D叫做圓滑、叫政治智慧、政治手段，雖然梁振英嘅手法同程度，與理想距離有相當之遠，但無可否認佢的確係呢一類人。
好多人話曾鈺成、任志剛係一個好選擇，但我完全睇唔到佢地有以上需要嘅特質，佢地只係一個好人，反而葉劉淑儀我覺得如果佢做仲稱職。
香港人往往用揀上司嘅心態黎揀一個特首，一個會保護下屬嘅好上司，以為選一個好似好上司嘅特首，就可以解決自己响社會上不如意嘅問題，選一個好特首就可以壓低地產商既利潤，可以壓低大財團嘅利潤，可以提高打工仔嘅收入，如果有一個咁樣嘅特首，我作為地產商、財團股東、老闆，我又會唔滿意一個咁樣嘅特首同咁樣嘅地方咩？大家需要明白，有錢人佢地少咗啲收入最多就係買小一兩部車，買小一兩間別墅，大不了我可以揀過一個地方繼續做我嘅生意，因為我有錢我有得選擇。但係打工仔，香港冇咗呢啲職位，你可以唔做嘢幾多個月？你唔係香港工作，你可以去邊度工作呢？
好多人覺得政府偏袒財團，偏袒做生意嘅人，但係我有錢做生意我為乜嘢事要揀香港先？香港無天然資源，唔靠咁樣做，香港人會有乜嘢工作機會？所以無論選倒邊一個做特首，佢嘅工作同責任都係一樣唔會變。
講得再白D，要做一個特首好、政客好、說客都好，必要兩面討好，甚至乎三面四面，面面都討好。試問一個能夠面面討好咁樣樣嘅人，向一般腦筋死古古嘅香港人眼中，會係咩人？有唔同特質嘅人，適合唔同嘅工作，對一班腦筋死古古嘅人黎講，係一件佢地唔能夠明白嘅事，佢地嘅世界非黑即白，只要係一個正直無私，問心無愧嘅正人君子，無論任何工作都可以勝任，又點會容忍一個佢地認為係蠱惑嘅人去做特首呢？如果唔係，佢地又點會信有 "真普選"？
對歷史有少少認識嘅，都知唔會有一個成功嘅政治人物，向一般人眼中唔係蠱惑。但呢樣野就係作為一個政治人物必須要嘅性格同條件，唔好再咁天真純情，幻想要一個大好人黎倒做特首。

ivanchan · 發表於 2015-2-26 20:32:52

本帖最後由 ivanchan 於 2015-2-26 20:39 編輯

frankyching 發表於 2015-2-26 13:28
香港人究竟想要一個點樣樣嘅特首呢？我覺得香港人需要調校一下佢哋嘅思想，特首係一個處理政治問題嘅崗位， ...

“一個有政治頭腦，能夠籠絡各方面權力同平衡各方面利益嘅人⋯⋯
圓滑、叫政治智慧、政治手段⋯⋯必要兩面討好，甚至乎三面四面，面面都討好。”

你唔係講緊思歪掛⋯⋯冇様中喎，撥火佢最叻。大孖沙、建制、泛民都冇朋友，連親生女都唔妥佢，人間極品！

radhk · 發表於 2015-2-27 00:10:34

ultramanzero 發表於 2015-2-25 16:13
我覺得曾鈺成 OK 喎，尤其呢幾年做咗垃圾會主席之後，無論出黎講嘢定處事都幾 Buy 佢！
任總都 OK! ...

曾鈺成近年的確公正0左好多. 不過, 佢講到明唔會玩.

radhk · 發表於 2015-2-27 00:19:50

tonyx 發表於 2015-2-25 16:44
689我除o左覺得佢古惑/陰濕和唔買鏡俾個女之外, 我都唔係太僧佢

佢除0左古惑/陰濕, 最大問題係將好多人放0係敵對面, 又唔會聽其他人意見, 做一間公司老細可能問題都唔係好大. 但0係現今政治環境, 唔係你一個話晒事, 就行唔通.

商界唔妥佢, 自由黨唔妥佢, 泛民更加一句都無得傾. 建制派都係上面出到聲, 先頂硬上要支持, 咁樣政府施政可以點行.

hksarac · 發表於 2015-2-27 22:05:29

本帖最後由 hksarac 於 2015-4-13 15:46 編輯

AV76仁做凸手，64呃錢仁做財政司，小三卿做正務屍，逃緊生做慄正屍，基佬全做~~~衛生

澳門客 · 發表於 2015-3-12 14:29:27

劉德華好

		自動登錄	找回密碼
密碼			新用戶註冊

[請教] 香港最高領人人選

評分