＂盲測大比拼，估中我有醒＂競猜遊戲

glife8

首先真係要好多謝咁多位師兄，攪活動絕對係唔講得笑，仲要分三場由中午一路踩到夜晚，真係辛苦哂你地!！
好記得百事佬講果句，一日睇足咁多次～仲要係死神5果段咁既嘢，如果換我好睇都睇到想嘔啦～呵呵～真係幾辛苦下

講返少少我自已背景先～因為我乜都未買， 又未出去試過～真係新手都唔新手～～
乜都唔駛的.....不過為了支持下，都要出黎整返個報告啦～

A機  Pioneer 55
聲音方面
無比較就好地地，但一比較就覺得乜都唔多夠～包圍感又唔多，分折力不夠～
我唔識聽的都覺得比另外兩部機低了班

畫面方面
我覺得3D方面好似唔多夠立體，但返到2D時就問題無咁大了對我自已黎講
起碼係我可以接受的～

所以跟據價錢， 呢部應該會係LX﹣55

B機  OPPO 95
聲音方面
一播完A機再播B機， 分別就真係好大， 特別係CAR2 果段賽車掟灣果D低頻
呢部機既低頻都幾猛，有少少標～同尾音收得快，另外包圍感都好強
去到猿人直升機果段最後果D沙石都幾DETAIL，但感覺上唔夠C來得多同仔細
畫面方面
我自已都幾滿意，特價係3D效果，覺得好夠立體感，其他色彩方面，我唔係好識得睇了
所以都唔多講～

C機  Cambridge 751
聲音方面
到C機，CAR2果度賽車低頻同B機一樣咁勁，但感覺上仲要搶多少少，我自已FEEL到架車真係好惡～
但猛得黎相對較B多少少細緻位～特別係猿人直升機果段最後果D沙石，感覺上多D嘢聽到， 當然包圍感都好強啦～
畫面方面
3D來得都好自然， 其實呢方面我自已覺得B同C係差唔多的～

總括
聲音方面
因為A機聲音上同3D立體感真係會同B及C機有點距離，所以好自已然會覺得係LX﹣55
至於B機同C機聲音方面真係好強～CAR2果段低頻我而家都仲係個腦回憶緊
不過因為我覺得CAMBRIDGE的機分析力係幾好，我自已又感覺C機分析力會比B機高少少少少少，所以會覺得C機係751，B機係95

畫面方面
3D效果都係A機同B／C機有少少分別的～至於2D效果，我自已3部機都收貨～但其實講真的。。。。。我自已真係唔係好識得分，好多仔細位，黑位，等等，我都唔識分辨，所以。。。。我都係靠聲音去分佢地既真身～畫面我都係唔講咁多了

仲有少少題外話，由於我自已第一次參加呢D活動，仲要比分，真係有好高難度，由於時間太少，其實我當日有少少亂咁填的，同埋呢個REPORT我過了兩日先打，唔知道有無記錯呢

仲有，其實播放邊段會唔會早少少會講架？ 定係話發燒友多數都已經睇咗？ 因為死神5我之前未睇過，特別係百事佬講到咁恐怖，攪到我都有D驚，影響咗我睇效果的心情～ （講笑）於播第一次時，我諗我係睇套戲多過睇部機既效果囉，哈哈～小弟諗到D乜就講乜，我唔識的～講錯千祈唔好打～～～頭！！

好心急想知道結果～各位師兄以上全部都係小弟的感覺～講得唔好唔好打～～～頭呀～～

bigpun1975

嘩.....勁呀!!! 各位會員寫D野都好有質數, 仲好睇過我寫嘅交流室

bigpun1975

glife8 發表於 2012-1-16 16:47
首先真係要好多謝咁多位師兄，攪活動絕對係唔講得笑，仲要分三場由中午一路踩到夜晚，真係辛苦哂你地!！
好 ...

因為比拼會實在太受歡迎, 由原本兩場加至三場, 所以時間實在緊迫, 希望師兄唔好介意
Anyway, 都好多謝你的參與同意見, 下次再玩過啦

粟米湯

首先好多謝"hiendy"搞呢個藍光機比拚會,可以方便各會員購得自己喜愛嘅藍光機
＂盲測大比拼，估中我有醒＂競猜遊戲
我冇墨水都要參與吓先...如我估唔中就即時撞頭埋牆..唔玩AV.
     A機  Pioneer 55  
     B機  Cambridge 751
     C機  OPPO 95
Ａ機聲畫都次少少,但係呢個價位
B,C機3D畫面冇乜高底,但睇凱撒猩猩王企喺車頂回望個大頭B機好似比較清晰有層次,C機聲音狠,勁,有啲尖,唔耐聽,B機聲音冇咁狠,勁,但平衡,都唔錯.

canon.hk

粟米湯 發表於 2012-1-16 18:43
首先好多謝"hiendy"搞呢個藍光機比拚會,可以方便各會員購得自己喜愛嘅藍光機
＂盲測大比拼，估中 ...

估錯撞頭埋牆 你話架

粟米湯

canon.hk 發表於 2012-1-16 18:49
估錯撞頭埋牆你話架

唔係估錯咗啞....

canon.hk

粟米湯 發表於 2012-1-16 19:10
唔係估錯咗啞....

遲下你就知

粟米湯

canon.hk 發表於 2012-1-16 19:11
遲下你就知

咁就保持神秘,唔好公佈結果喇,我唔想撞頭同冇得玩AV啊

lulu

我就覺得係...............嗰部好嘞！
                                          呢部呢樣唔多得嘞！

Gary33

唔知點解我同大部份師兄的意見唔同 ..........我......又龍又盲 ，但係都比小小當日感受，大家唔好見笑，我坐前排第二行側二。
首先......唔知係唔係坐位問題，我總覺得當日後面喇叭比前面的細聲咗少少 ，所以聲音連貫性方面打咗折扣，所以我唔比意見只比底頻。這只是個人感受......唔好打面 ！

A機  OPPO 95
聲音方面: 底頻量比較多，但高頻燥。
畫面方面: Cars2-可能我對眼未熱身，畫面閃，但立體感都OK。
                   但播死神5，我就覺得佢係最好的一部，好立體又冇閃，重好鬼嘔心 。

B機  Cambridge 751
聲音方面:我覺得底頻量比A機較少但有層次 。
畫面方面: Cars2-車身都令啲，顏色最自然及立體，又唔閃，751強項該係咁 ！......如果估錯就.........
               但播死神5，我就覺得佢冇A機咁立體，但顏色就好的。

C機  Pioneer 55
聲音方面: 我覺得.........冇樣得，飯飯得少少......都係唔好再講.....驚估錯.....
畫面方面: 評語同聲一樣.........

pepsiman

粟米湯 發表於 2012-1-16 18:43
首先好多謝"hiendy"搞呢個藍光機比拚會,可以方便各會員購得自己喜愛嘅藍光機
＂盲測大比拼，估中 ...

為保我嘅栗米大哥人頭，
我惟有將個答案永遠埋藏心底

粟米湯

pepsiman 發表於 2012-1-16 21:41
為保我嘅栗米大哥人頭，
我惟有將個答案永遠埋藏心底

好感動啊

pepsiman

canon.hk 發表於 2012-1-16 19:11
遲下你就知

牛牛，你好似嚟咗唔夠十分鐘喎，
點解好似乜都知咁嘅

canon.hk

pepsiman 發表於 2012-1-16 22:01
牛牛，你好似嚟咗唔夠十分鐘喎，
點解好似乜都知咁嘅

因為十分鐘已經足夠時間比我睇住你地打碟囉

小小Pat

唔好意思，自己打字較慢，現補回評論：

A機 - Pioneer LX55
畫面方面我覺銳利之餘雜訊少，紅色較突出，膚色有點偏紅但效果討好，2D光度最足。

聲音方面我覺得其聲底較薄, 密度、包圍感明顯不及B/C機！低頻量亦較B/C機少，賽車引擎聲不夠到肉。

B機 - OPPO 95
畫面方面顏色較濃, 人物膚色不及A討好，猿人數毛毛我覺得比A機少喎！

聲音方面我覺得是猛最狠的一部,高低頻伸延展最盡，高音去得盡亦有機會令人覺得刺耳，低頻量高於A
、C機, 包圍ok, 聲音細緻而分析力高，感覺最兇猛，拳拳到肉，但較為原汁原味(較raw)，不加修飾，有點粗枝大葉！

C機 - Cambridge 751
畫面方面C機底子同B機接近, 銳利度差少許，但飽和度較高, 2D畫面在三部中相對較暗。

聲音方面我覺得， 高低頻伸延方面多了控制,做到能放也能收，加了修飾，聽起來感覺較舒服。包圍感、其密度、細緻度也跟B機相近，
但取向較斯文，有韻味，少了B機那份兇猛野性。


結論
個人覺得B機與C機屬同級但取向各異，之前自己都是用較入門級機(Philips 9500、Oppo BP-93)，不像部份師兄已/曾擁有兩部名器，
未真正同場接觸、細聽 95/751，所以只是單憑聲音取向不同而猜B、C機身份，如果加入演唱會/音樂會片段作比試，可幫助入門級用家如我分辨兩者。

而A機如真的是LX55的話(?)，以其三份一B/C機的身價其表現已無愧，以畫面計部份地方更勝過後兩者，但聲音方面就輸得較明顯。


引用百事佬在活動上講過的金句，獨樂樂，不如眾樂樂！
再一次多謝各版主在此次活動上的努力，以及借出場地、器材的解樂堂，Epson及各師兄。

SmallEar

D機小評：百士佬
Auto set:平時冇 gel 頭，不論外型，聲底
都來得自然，平較少音染(畫染)
連貫性亦有很好既表現

Manual set:gel 頭後，今人回憶番，小時候
放咗學唔番屋企，走咗去踢波
一身汗晚飯前趕返屋企，入門口前撥囗下頭髮
(今次仲過唔到骨，嘿嘿)

呢個新look，相信煲番3，4百個鐘

乜野751，95 ，55
想望到d 機既車尾燈都難！

lemonstar

睇左咁多位師兄既評語, 真係淨係B/C機未分別到
A機除左3d爭d, 同冇得玩files外, 以三份一既價黎講play bluray已經算係贏左
仲有一日就有答案, 考整爭呀~~ 睇埋答案去買機架喇

呢種blind test都幾好玩, 辛苦曬各位背後做arrangements既師兄, 等小弟呢d又食又拎既大食懶有份參予

補充: 唔知前排同後排係咪好唔同, 坦白講, 小弟坐前排發覺B,C機既低頻有, 但就總係比前面既front/centre/front height搶晒, 同時亦覺得surround & surround back不夠聲.... 睇黎可能要清清d耳屎

yuppi

點解冇人加我分既.......我係咪寫得好差

粟米湯

點解冇人加我分既.......我係咪寫得好差x2

chrisclw

SmallEar 發表於 2012-1-17 00:12
D機小評：百士佬
Auto set:平時冇 gel 頭，不論外型，聲底
都來得自然，平較少音染(畫染)

又飲大咗