各位師兄,其實呢套馬仔組合未搬去新漢之前,曾經係我舍下做過三日坐上客(因為D&M借機俾我地試玩時係全新開箱,從未熱身,所以果三日係負責煲機),相處咗幾日,講真;唔係賣廣告,真係唔想還機(唔信可以問吓犀牛及blurayfans會員),如果唔係太貴買唔起(因為要成30K... ),否則已經有新機過蛇年,以日系前級嚟講,真係交足功課,早前我亦問安橋借過5509前級返嚟玩,我唔可以話馬仔全面擊倒佢,不過係音樂感同密度兩方面,真係比5509優勝... ,而部後級亦唔係想像中咁差,起碼係我度推晒7隻喇叭都無腳軟問題,但係要係500呎加埋三十幾人既隔音室,又真係推唔起D喇叭呢...
我未加入HIENDY之前,都去過唔少試影會,發覺大部份都表現一般(除咗品牌Showroom例外),我都以為係負責設定既人員技術一般,又或器材本身質素未夠,但自從經歷呢兩年半既經驗,原來要係一個可以容納2-30人既場地將一套組合短時間內設定好,係一個好大既考驗,正如今次活動一樣,套馬仔星期四中午先到新漢公司,當日我同皇上下午4:00到場,基本設定用咗大約45分鐘,之後試播選定碟片,再微調、再試聽、再微調,好快已經兩個幾鐘,表現皇上仍未接受,礙於唔想新漢職員遲收工,只好約定星期六早上再搞過,到星期六活動開場前,我同皇上反覆試播所有選定碟片,微調再試音壓,食飯都係用咗20分鐘,跟住就已經要招呼早到會員,所以時間真係好倉促.
小弟自命玩影音經驗尚淺,頭搭尾唔過15年,setup經驗亦係一般,但有領教過皇上急症室既會員,都絕對唔會懷疑皇上既手藝,不過要設定一個500呎已造隔音既試音室,要照顧場內每個位置都有均一效果,對我地嚟講,真係一個大考驗,尤其係器材因品牌代理問題而唔可以改變.我地會吸收今次既經驗,以及係下次活動時抽多一d時間去準備,而同時亦希望可以邀請到一d有經驗既會員,如yuppi兄、bird兄及QQ姐等設定高手拔刀相助,令試影會可以更盡善盡美,如果今次活動令到大家大失所望的話,請受小弟一拜... |
樓主: pepsiman
IP卡
狗仔卡
顯身卡
發表於 2013-2-4 14:50:05
發表於 2013-2-4 14:54:00
我真係好想去
，真係各花入各眼，冇話邊個一定岩，邊個一定錯。。。。
