香港音響市道係咪好差？

ultramanzero

自己係數字網買買賣賣，見呢一年來二手市場靜到得人驚，承接力超薄弱，器材二手價低處未算低，正一賤物鬥窮人！係咪因為少咗大陸二手水貨客就咁差呢？本土需求去哂邊？
咁落去，連帶一手市場都肯定冇運行！

kkkiu

有d咁既事??有無咩平野分享下??

woodbine

觉得差就去帮衬咯，我这五年买的hifi设备都是英标港行，骏韵的creek，spendor，威达的剑桥，naim，最起码买了5万，一年一万

DIO

好多人放二手價係base on行貨個水魚價list price去定價,
有心買二手就會格價，發現同全新水貨差唔多，比你你點揀?
唔係話物主有錯，總之就多謝代理啦。
講價多又比人X,仲可能開post公審，又有好多人根本唔鍾意講價，
唔買或買水貨或外國二手水貨就是。
求其例子如chord mojo dac,行價4600,二手行貨我見最平都3300,
英國直寄全新又係3300,點揀?

kkkiu

DIO 發表於 2017-1-9 15:05
好多人放二手價係base on行貨個水魚價list price去定價,
有心買二手就會格價，發現同全新水貨差唔多，比你 ...

面就mark個天價，但問落就另一個價呢個玩法一直都係咁，代理有幾多水位我唔知，但二手價好多時根本貼近一手價......話代理搵傻仔，其實好多人攬住件貨要放二手都係咁既心態吧~我覺得無乜分別~!

frankyching

R33 人太雜，又有立場又有偉大抱負，唔去了。記得幾年前仲有去，都有買買賣賣二手野。賣得唔夠人地心目中平，就俾人話搵老襯、搵水魚、搵傻仔，想買嘢，問吓可唔可以平啲，就俾人話二手狗、大陸收買狗，雖然我個頭像係一隻狗，算啦，唔換咁多嘢喇，不去也罷，留番啲時間享受下好過啦。而且Hi-Fi從來都係小眾玩意，價格再低都唔見得會多幾多人玩？係玩嘅人，價錢再高亦都唔影響得幾多，尤其現在呢個年代，可以玩嘅嘢越來越多，就如電影卡拉OK都越來越少人幫襯一樣，冇乜大不了。我自己用響Hi-Fi嘅錢都係每一年比每一年少，用響其他嘅地方多咗，可能多咗去旅行，可能買多咗隻錶。

DIO

kkkiu 發表於 2017-1-9 15:16
面就mark個天價，但問落就另一個價呢個玩法一直都係咁，代理有幾多水位我唔知，但二手價好多時根本貼近一 ...

一直係咁唔等如一直可以係咁，時代唔同格暈全世界價都好易。
講價即係唔尊重別人個定價，代理喜歡不被尊重講講價成交，
但唔係個個人都鍾意唔尊重別人，尤其hifi這類身外物。
Iphone為何香港二手轉手交易流量是全世界最高咁制，
就係價錢公道(唔係話平)差別只在於稅項，
香港冇銷售稅公司稅又低，自然好易定到令全世界都吸引又接受到的二手價，
自然易放。
Hifi完全相反。Hifi面價好重要但咁水魚，好多人一見已冇購買慾，
你話面價會減，玩得耐的老馬當然知，但新手如何?
新手衝去唔知要講價，直接睇面價話買一部，你估鋪頭會自動減價?
冇新手入得老馬玩唔靜才怪。
Base on水魚價的二手價亦是。

chakat

從前我也間中會在數字台買二手線(貪唔使煲),但太多假嘢!其它嘢又怕講價,有些機種真係唔覺平過街價好多(好多數年機都用係代理價打七至八折),當然間中有跳樓價,但因為真係全無管理,真係有點怕買到壞機或改裝機....現在只會賣買配件玩下算了.
樓主的主題話現在市道差, 但音響器材還不是年年加價...換一換代理又加兩三成....減的總是Mark高再弄低的小把器..連馬Sir都話要加價, 便知道市道多好呢!簡直有價有市啦!所以話市道差, 但音響商的回應卻相反!
其實只是焦點轉了, 中至下價器材已經不再是他們的重點, 購買中低價器材的用戶, 絶對唔係佢哋的目標...他們的客戶是指著數萬元一條線, 數十萬一對前後級的客戶群, 所以已經冇心搞活個中低價市場吧了!

kkkiu

chakat 發表於 2017-1-9 15:59
從前我也間中會在數字台買二手線(貪唔使煲),但太多假嘢!其它嘢又怕講價,有些機種真係唔覺平過街價好多(好多 ...

認同丫~現在市場上，閒閒地買條入門線都萬萬聲，音響展人山人海，上年重有2個音響展添!!

分分鐘係多左人玩~!!不過旺X音響果類擋次已經無人追棒咁解~你睇二手網果d平線邊有人要架~然後又睇下kondo、Siltech、Odin、農夫.....幾咁旺場~!!

king

岩岩放走對喇叭線，前後花左近半年時間，痛苦！
分享少少經歷
其實都唔怪得mark市價七八折，因為d人講價真係全無人性架！！
我都想爽爽快快，mark個合理價放出去唔駛煩
但
你mark 8k，d人會問你可唔可以5k
到你mark 7k，又會問你4k得唔得
我有時嬲嬲地覆：樣樣野有個底價，講價唔係搶錢呀ok？

所以，個面價點可以mark得低？

好在最後都遇到位好師兄，成功完成左個交易

AS881

係, 所以有時放野都只係得閒re 下佢就算, 再冇諗過會出到手!

ultramanzero

king 發表於 2017-1-9 17:01
岩岩放走對喇叭線，前後花左近半年時間，痛苦！
分享少少經歷
其實都唔怪得mark市價七八折，因為d人講價真 ...

我自己最近放出過兩件閒置嘢！
Elac 247 當年全新兩萬，現八千放出
Rogue Audio Magnum Cronus 當年全新萬七，現七千放出。
以上全部新淨企理，仲有單添！
好彩自己都係二手番，輸少當贏！

king

AS881 發表於 2017-1-9 17:19
係, 所以有時放野都只係得閒re 下佢就算, 再冇諗過會出到手!

最弊有幾日忙緊，連re都冇re到
就係果幾日有位師兄問我價
到幾日後發現，位師兄已經買左另一款線了

激到我

ultramanzero

最近見到有人放 Toy Tower $6000, 死未？

king

ultramanzero 發表於 2017-1-9 17:29
最近見到有人放 Toy Tower $6000, 死未？

等＄駛？

ultramanzero

king 發表於 2017-1-9 17:31
等＄駛？

佢係一路減落黎，越減越平！
另外有對 B&W PM1 連原裝腳架 $11,000
呢Ｄ例子有留意開其實唔難揾到。

mark38

ultramanzero 發表於 2017-1-9 17:29
最近見到有人放 Toy Tower $6000, 死未？

會不會是假盤

hksarac

已經少了年青人玩音響，退了休的又要留錢生活，而有少少名氣的牌子都開天殺價，點會唔差。

Hungmo

香港開間舖, D租都唔少錢, 賣件嘢俾你都要加返租金落成本
有D代理又食水深
加上匯水兌Yen, Euro, 英磅今年又抵玩, 物流又方便, 香港自己入水貨又簡單
就算二手嘢都係外國買.
其實香港稅低, 做得好真係其他國家玩家爭住嚟香港買啦

我有朋友床褥都係英國Black Friday時訂返嚟, 死未?

woodbine

DIO 發表於 2017-1-9 15:05
好多人放二手價係base on行貨個水魚價list price去定價,
有心買二手就會格價，發現同全新水貨差唔多，比你 ...

推荐几个英国直寄，唔该，暂时就知道个futureshop