找回密碼
 新用戶註冊
搜索
熱搜: hifi av 音樂
查看: 16651|回復: 44

[分享] 關於volent泰來音響之澄清, 本人有以下幾點補充

[複製鏈接]
發表於 2017-4-7 14:08:57 | 顯示全部樓層 |閱讀模式
本帖最後由 gary9413 於 2017-4-7 18:23 編輯

呢個係volent對我指控的澄清
https://m.facebook.com/story.php ... ;id=213407742041004

呢個係主持人在whatapp覆我之對話

在主持人whatsapp說忙碌後, 我當佢真的忙碌,不即時打擾佢,  我是第二天再致電找他,
但cut左我線,

呢個係我一個月後在此短暫post之指控



在此post 出後10分鐘後,  主持人致電給我, 第一句就是可否給予$5000作補賞, 刪除此帖, 我說不用我只想解決問題, 他承渃幫我焊回, 我即時要求版主刪帖

之後我放二手賣,因不想呃人, 說明甩過焊,代理已焊返,但主持人又要求我改字眼


亦無乜所謂,你叫我改我就改啦!最後我對買家說明問題我只是當零件賤賣, 亦得到主持人承諾日後有問題可上去攪, 其實到最後我問題仍未解決, 只是我厭倦唔想再將對喇叭車來車去, 自行賣出而解決問題, 亦想講我之前試過哂將左右聲道換轉, 換線, 用av amp試都仍是個一隻低音有問題, 而賣出後我用書架聽了一星期, 換了新喇叭都完全無問題, 其實主持人之前真係好專業地幫我check足好多日又拍片send比我, 我是認同的,亦無否認, 但結果返來第二日問題是嚴重左,被發現甩焊是事實, 之後真心你想唔想幫我跟, 真係要問一問你自已,但無可否認在我post帖後,主持人對我態度是積極的, 亦由始至終從未拒絕幫我維修, 有時玩hifi就是邪, 可能係我到有事, 新買家返去可能無事,


本帖子中包含更多資源

您需要 登錄 才可以下載或查看,沒有賬號?新用戶註冊

×

評分

2

查看全部評分

發表於 2017-4-7 14:17:17 | 顯示全部樓層
回復

使用道具 舉報

發表於 2017-4-7 14:19:03 | 顯示全部樓層
ben sir對客人我作為用家是認可的…我覺得ben sir在我的經歷和購買中是有盡力去服務
師兄也不用多想,新的喇叭用得開心就是,前事不用記
一起享受音樂吧
回復

使用道具 舉報

發表於 2017-4-7 14:28:14 | 顯示全部樓層
"用家好評" 呢啲嘢,睇吓咪算囉,做咩信以為真呀?
回復

使用道具 舉報

發表於 2017-4-7 14:31:28 | 顯示全部樓層
唔好意思, 多口問一句, 因喇叭一般唔會太多問題. 我想問下你用左對喇叭幾耐才發生低音有呢個問題?
回復

使用道具 舉報

發表於 2017-4-7 17:49:21 | 顯示全部樓層
maniacQ_Q3 發表於 2017-4-7 14:31
唔好意思, 多口問一句, 因喇叭一般唔會太多問題. 我想問下你用左對喇叭幾耐才發生低音有呢個問題? ...

應該唔關用幾耐事,樓主已講左係出廠時焊接已經問題。
這品牌的代理即係自己,真係要小心處理!
回復

使用道具 舉報

發表於 2017-4-7 19:41:26 | 顯示全部樓層
唔知係樓主唔好彩, 定係喇叭品質有問題, 以現今焊料焊工來計, 對喇叭用到壞, d焊錫都未甩得
回復

使用道具 舉報

發表於 2017-4-7 20:05:14 | 顯示全部樓層
uncleseven 發表於 2017-4-7 17:49
應該唔關用幾耐事,樓主已講左係出廠時焊接已經問題。
這品牌的代理即係自己,真係要小心處理! ...

絕對有關係, 因為一般接低音線好粗, 一定會落好多錫, 好難話自己甩錫. 而且單元個contact 位係固定, 一般唔會有力量扯甩接在contact既線. 而喇叭運作時, 內裡溫度唔高, 鍚又唔會溶.  如果係有問題, 接得唔好, 用左一陣就有問題, 唔洗等好耐. 所以我想知用左幾耐lor
回復

使用道具 舉報

發表於 2017-4-7 20:10:28 | 顯示全部樓層
2002年 我响代理(尖沙咀)買Mark Levinson No.31.5 CD transport

開箱後數碼輸出有問題,於是致電代理,

即日,位Sale放工後上我家查証問題,

經他當面測試後,

結果,三星期後,代理送過另一部給我,

而期間,他更借陳列室的一部比我用住先!


優秀的服務!Thank you Rex MA.
回復

使用道具 舉報

發表於 2017-4-7 20:32:40 | 顯示全部樓層
carson 發表於 2017-4-7 20:10
2002年 我响代理(尖沙咀)買Mark Levinson No.31.5 CD transport

開箱後數碼輸出有問題,於是致電代理,

我睇返 Volent facebook, 唔知邊個arm.

對喇叭VL-3  樓主 2015年4 月買,  今年樓主2 月投訴,  Volent 同對喇叭測試左4 日, 搵唔倒有問題, 咁我又唔覺得間廠唔盡責.

樓主上個月再發現問題, 應該俾Ben 睇, 唔好自己睇, 因為如果你拆開過, 而且對喇叭又買左一年以上, 變左死無對證, 因為個condition 唔同左, 可以話係客戶自己整過, 多左因素involve 係裡面.
回復

使用道具 舉報

發表於 2017-4-7 20:46:52 | 顯示全部樓層
shooter 發表於 2017-4-7 19:41
唔知係樓主唔好彩, 定係喇叭品質有問題, 以現今焊料焊工來計, 對喇叭用到壞, d焊錫都未甩得 ...

我都是客戶, 我明白買Hi Fi 有問題好難受, 但就算乜原因都好,喇叭甩條線, 仲要用左年幾, 其實要再拎去返人睇, 或叫人上門睇, 其實都好平常.

我近期部後級壞左, 70lb 重, 兩個月內都拎去鴨記2-3 次, 整好又有其他問題. 最後整第3次先整好返晒聽左一個月.

機器就係咁, 無可能唔壞. 有問題都可以當有個機會俾自己了解下D 結構, 咁玩Hi Fi 會正面D.
回復

使用道具 舉報

發表於 2017-4-7 21:59:15 | 顯示全部樓層
所以當樓主唔好彩, 莫講話買hifi野講彩數, 買層千㡬萬新樓都要執漏
局外人咁睇, 睇翻樓主同店主對話, 似乎店主冇耐性彩佢, 售後服務真係唔掂, 冇系統
以一d有規模既代理, 有一套售後服務收費, 過保後收幾多檢查費, 運輸費 or 上門費用......等等, 而唔會唔show個客人囉
回復

使用道具 舉報

發表於 2017-4-7 23:24:35 | 顯示全部樓層
shooter 發表於 2017-4-7 21:59
所以當樓主唔好彩, 莫講話買hifi野講彩數, 買層千㡬萬新樓都要執漏
局外人咁睇, 睇翻樓主同店主對話, 似乎 ...

其實你話Volent 唔彩佢, 我睇法有D 唔同, 我覺得俾我, 如果Volent 叫send 返 過去, 我真係就send 返過去, 搞清楚乜問題. 睇住佢試喇叭, 再叫佢打開單元, check 下D 錫焊成點, 三口六面講清楚有乜擔心, 叫檢查清楚. 去前做個check list 俾自己, 諗晒試乜乜乜, 唔洗再自己擔心D 乜quality 問題, 但係又未試過去check! 唔好只係講呢單, 整機最好咁做, 唔洗走多轉.
回復

使用道具 舉報

發表於 2017-4-8 00:08:59 | 顯示全部樓層
其實我覺得冇需要玩到出完post 又出post,得罪都係咁話。

Ben sir打開門口做生意當然有需要聲明下,唔可能任由客顧批評唔出聲唔回應吧。

而且Volent的喇叭,雖然唔多但都有一班用家,有關hiendy 有用家對喇叭嘅投訴,唔知lee 單算唔算第一單。相信都係個別事件,亦唔能夠一單case 就完全否定了廠家。

Lee個世界花生友好多,抽水嘅人亦太多,這樣公審是不公平的。做法也不能苟同。

如今喇叭都賣左,過去左就算啦。對喇叭應該唔算好耐就出左,咁即係有師兄欣賞Volent 喇叭啦,你賣左就唱衰,咁接左果位師兄咪好慘慘豬。

Ben sir俾掩口費,你可以解讀為心虛,但我可以解讀為有誠意解決事件。錢都出埋,出錢出力,廠家大可以以用家私自拆開過喇叭內部而唔保。而家總算整好,整好你唔like 賣係師兄的選擇。你唔收錢係有骨氣,但爆人大鑊就唔多君子了。
回復

使用道具 舉報

發表於 2017-4-8 00:24:39 | 顯示全部樓層
kinder989 發表於 2017-4-8 00:08
其實我覺得冇需要玩到出完post 又出post,得罪都係咁話。

Ben sir打開門口做生意當然有需要聲明下,唔可能 ...

我認同你既睇法! 但有一樣唔認同, 我覺得買果個都唔係傻, 應該評估左風險先會比錢買. 樓主無講賣幾錢, 但都應唔送既價錢. 我覺得如果有個大折扣已經好慷慨了.
回復

使用道具 舉報

發表於 2017-4-8 01:23:18 | 顯示全部樓層
本帖最後由 wantf1 於 2017-4-13 22:27 編輯

回復

使用道具 舉報

發表於 2017-4-8 01:39:43 | 顯示全部樓層
提示: 該帖被管理員或版主屏蔽
回復

使用道具 舉報

發表於 2017-4-8 02:04:28 | 顯示全部樓層
本帖最後由 maniacQ_Q3 於 2017-4-8 02:17 編輯
wantf1 發表於 2017-4-8 01:23
以上各自各在各途徑地方,或者經各人表述,如果樓主如實報導的話,賣家經多次驗查後都找不到甩焊的初級原因,似 ...


老實講, 科學性咁睇, 焊接如果好容易甩, 我相信好大機係樓主第一次拎去整時可能已經甩左( 因為運輸時好多時會訓低). 而且, 試幾日, 用大音壓應該亦會震甩左. 一個固定既contact 位, 你要整甩佢唔係咁易, 理論上唔會自然發生.

如果用既線同焊錫含銀度夠, 尢其喇叭接線係鍍銀的話, 其實落少少錫都會痴得好實. 我焊工好差, 但呢個機率係極難.


其實要呢個世界好多人好hea, 包括我. 我工作遇到D 鬼佬( 係歐洲) 每日可以4:30 pm 收工, 不過我都唔會話佢hea.
回復

使用道具 舉報

發表於 2017-4-8 02:28:02 | 顯示全部樓層
wantf1 發表於 2017-4-8 01:23
以上各自各在各途徑地方,或者經各人表述,如果樓主如實報導的話,賣家經多次驗查後都找不到甩焊的初級原因,似 ...

其實我覺得你講得好正確, 其實如果對喇叭用左成年, 又已經再檢查過. 叫做付過下責任, 我覺得一毫紙都唔應該比. 原則上賣家可以斷尾. 因為商業社會, 生意運作成本高. 如果成日做好人, 無合理收入, 最後被迫結業, 到時香港又少一個生產商了.
回復

使用道具 舉報

發表於 2017-4-8 06:39:48 | 顯示全部樓層
wantf1 發表於 2017-4-8 01:23
以上各自各在各途徑地方,或者經各人表述,如果樓主如實報導的話,賣家經多次驗查後都找不到甩焊的初級原因,似 ...

如果甩左焊,就直頭冇聲出啦,根本就唔駛check。唔駛check 就唔存在hea 唔hea check 啦。但如果唔係甩左又有聲出,check 起上黎師兄又如何知道是否被hea check?  如果hea 的話,有幾hea?

師兄你網上亂up 一句不需負責,但卻累人找數。

加上,什麼"護航者"的說法也顯得師兄不大器,任何事都有黑白兩面。加上中間有好多灰色夾層。都不能以非黑即白來判斷。

事件上,樓主的確是有不爽的地方,這不能不否認事件的存在性,但過經,細節,縱使有諸多的資訊能組織歸納,不是旁觀者能完全明白及知道。

無論過程怎樣,事件都已經解決,喇叭都有已經到另一位欣賞它的師兄家中。

事件上對品牌形像有一定的損害,lee 個係無疑,大家何必再鞭屍?
回復

使用道具 舉報

您需要登錄後才可以回帖 登錄 | 新用戶註冊

本版積分規則

Archiver|小黑屋|聯絡我們|刊登廣告|Hiendy.com 影音俱樂部 一個屬於音響愛好者的家

GMT+8, 2024-3-29 17:16 , Processed in 0.043120 second(s), 20 queries .

Powered by Discuz! X3.5

© 2001-2023 Discuz! Team.

快速回復 返回頂部 返回列表