我的新宿掃黑膠之旅

racewong

由於老闆對日本情有獨鍾, 每年總有兩三次去日本旅遊, 上年去完大板掃膠, 今年就去東京。

每次去旅行都係同我個仔一齊去, 本來今次的主要目的地係迪士尼, 好在老闆原來都安排左半天時間比我, 可以自己行下街, 買下黑膠。

今次東京之旅, 住喺新宿東口既Gracey Hotel. 這間Gracey hotel座落於新宿歌舞技丁內。 你地見到歌舞技丁當然會問我有無去試下日本妹, 你地唔駛問啦, Hiendy只係討論分享音響, 有關夜遊活動, 都係去番其他相關網站睇下啦。 哈哈。

講番新宿喺邊度買黑膠, 其實大家只係睇下依個地圖, 就知道今次我主力都係去Disk union行,



因為新宿有六間DisK union都係喺新宿站東口附近, 而第六間Disk union, 就係位於8樓既古典碟專賣店, 我停留得最耐既舖頭。

我CAP埋張地圖比你地自己睇睇啦.











這棟大廈就喺正UNIQLO對面. 好易搵.

這棟樓的3/F & 8/F都係DISK UNION, 3/F主要係ROCK / JAZZ, 有CD有LP, 因為日本人可能對JAZZ情有獨鐘, 所以JAZZ的LP唔係平得好緊要, 所以我今次的新宿之旅主力都係在8/F SHOPPING.  電梯出左8樓, 一直望就已經見到有間賣入門器材的DISK UNION, 左手邊就再高級D, 有金仔, 二嫂, 等等.

而我目的地就係在右手邊的CLASSIC部, 門口已擺放了很多有關古典的書籍, 入少少就係好多好多的古典CD / SACD...etc.

再入少少就會見到好多好多的黑膠. 這裡的中古黑膠中500円至幾萬円不等....大家無睇錯, 真係500円有交易, 當中仲有好多好多係好好聽的曲目. 而香港人搵的decca, 數量多到成間舖頭都係, 如果唔係太名盤的話, 一般都只係2000円內有交易.

等我分享下今次我買的古典碟啦.



仲有隻STEREO SOUND的皇舞CD+SACD.



除左古典, 我仲走左去睇佢第一間舖既BF 地庫睇下D J-POP添. 好好彩比我搵到兩隻中森明菜同一隻平井堅既LP. 每隻都係$390円...







仲有隻ROCK野, 我見係45轉, 又係$390円.



最後我就去埋賣SOUND TRACK的第一間舖既三樓. 又比我搵到三隻正野.







今次的日本掃碟之旅, 我就駛左大約五萬円. 買左大約五十幾隻黑膠. 除番條數每隻都係1000円. 最開心.

你地下次去邊度旅行都好, 見到有得賣二手黑膠既舖頭, 都記得分享比HIENDY網友呀.

Hungmo

好鬼抵喎

racewong

Hungmo 發表於 2017-4-24 16:22
好鬼抵喎

最貴果兩隻咪就係老荷果兩張LP囉.

成3000円一隻...

tanxin

3000円一隻都平

ultramanzero

所以咪話香港Ｄ CD 同 LP 價錢跟本就炒到不合理！

bigpun1975

racewong 發表於 2017-4-24 16:37
最貴果兩隻咪就係老荷果兩張LP囉.

成3000円一隻...

我真係有眼光，咁七貴

racewong

ultramanzero 發表於 2017-4-24 17:06
所以咪話香港Ｄ CD 同 LP 價錢跟本就炒到不合理！

如果計炒價, 香港應該係全世界最貴既買膠地方.

racewong

tanxin 發表於 2017-4-24 16:49
3000円一隻都平

的確, 3000円都可以話係好抵買.

racewong

bigpun1975 發表於 2017-4-24 17:52
我真係有眼光，咁七貴

咪就係囉. 最鬼貴就係你依兩隻.

不過我都買左一隻.

bigpun1975

racewong 發表於 2017-4-24 17:54
咪就係囉. 最鬼貴就係你依兩隻.

不過我都買左一隻.

咁荷老D碟又好少失望嘅，

racewong

bigpun1975 發表於 2017-4-24 18:00
咁荷老D碟又好少失望嘅，

其實佢地都係睇下隻碟HIT唔HIT, 而定價.

我買左好多大DECCA的黑膠, 全部都唔多人聽. 所以好鬼平.

bigpun1975

racewong 發表於 2017-4-24 18:16
其實佢地都係睇下隻碟HIT唔HIT, 而定價.

我買左好多大DECCA的黑膠, 全部都唔多人聽. 所以好鬼平. ...

我上ebay search , 荷老嘅碟流通量不多, 可能係貴嘅原因

racewong

bigpun1975 發表於 2017-4-24 18:22
我上ebay search , 荷老嘅碟流通量不多, 可能係貴嘅原因

我依家諗緊不如HIENDY攪番個日本買膠團, 五日四夜. 先去東京, 再去大板, 買足五日.

嘩.........諗起都興奮.

bigpun1975

racewong 發表於 2017-4-24 18:25
我依家諗緊不如HIENDY攪番個日本買膠團, 五日四夜. 先去東京, 再去大板, 買足五日.  

嘩...... ...

我仍然對東京有恐懼，酒店差，人更差

racewong

bigpun1975 發表於 2017-4-24 18:29
我仍然對東京有恐懼，酒店差，人更差

唔係喎. 好好態度喎.

一定好過大陸.

bigpun1975

racewong 發表於 2017-4-24 18:31
唔係喎. 好好態度喎.

一定好過大陸.

你試下收工時間去搭JR, 或夜晚兩三點響新宿街頭，包你改觀

1o1o

如果平均一千yen一隻，真係抵到爆

racewong

bigpun1975 發表於 2017-4-24 18:33
你試下收工時間去搭JR, 或夜晚兩三點響新宿街頭，包你改觀

我試過返工時間迫JR,

日本人既態度同香港人或大陸人都係差不多.

因為個個趕返工呢. 哈哈.

racewong

1o1o 發表於 2017-4-24 18:37
如果平均一千yen一隻，真係抵到爆

係呀, 丫....最貴唔係老荷果兩隻黑膠.

最貴應該係STEREO SOUND隻CD+SACD. 要一萬円.

1o1o

racewong 發表於 2017-4-24 18:44
係呀, 丫....最貴唔係老荷果兩隻黑膠.

最貴應該係STEREO SOUND隻CD+SACD. 要一萬円. ...

Stereo sound貴得嚟有保證