「討論」- 如何set 好超低音相位？

jackt

fishbone8822 發表於 2017-6-15 13:31
平均 即係睇curve, 如果十仔位得一個, 度curve  支mic 放係皇帝位出來唔平均, 相當唔理想
但支mic放係廚 ...

平均係指 有高有低、不快不慢、唔多唔少，唔係完全睇曲線，不過曲線通當要平直，但平直唔一定最好，都要睇自己口味。

如果一個不常座嘅位置好過皇帝位，最大問題唔係喺個位度，因為個位係死嘅，最大原因係過唔到自己 (或者其他人) 心理嗰關，平

bigpun1975

fishbone8822 發表於 2017-6-15 13:31
平均 即係睇curve, 如果十仔位得一個, 度curve  支mic 放係皇帝位出來唔平均, 相當唔理想
但支mic放係廚 ...

魚骨兄平時調subwoofer 都係先用mic cal. ？

fishbone8822

jackt 發表於 2017-6-15 14:40
平均係指 有高有低、不快不慢、唔多唔少，唔係完全睇曲線，不過曲線通當要平直，但平直唔一定最好，都要 ...

通常家居無一個十仔位置係完美(係家居,  唔係影音房), 如果有等同中左六合彩

其實這類十仔死位個案接觸過好幾個, 見效又不做成十仔大壓力, 能提升質素的方法就係玩雙十..加多一隻十係其他位置互補不足
當然依個方法存在唔少問題, 應該用兩隻咩野十仔? 夾唔夾? 設定上配合到嗎?...等等....

如果真係唔加得, 只得一個死位, 你都去過我度...由於兒童天地問題, 隻十現處於相當差的位置..現在做法是把夠量/過量的頻段減, 玩減法, 自然可以強化返先天較差的部份...即都係玩EQ, 也希望可以學習到其他方法

jackt

bigpun1975 發表於 2017-6-15 14:29
嗯，你講到delay就已經解決到好多問題，相對2ch 加subwoofer 難度更加高

以前玩兩聲道加超低都係冇乜可靠嘅方法，主要都係靠擺位來完成，依家有AV前級，當然用前級嘅功能去做啦！

jackt

fishbone8822 發表於 2017-6-15 14:50
通常家居無一個十仔位置係完美(係家居,  唔係影音房), 如果有等同中左六合彩

其實這類十仔死位個案接觸 ...

我覺得係玩個人EQ多啲，都係等中六合彩啦！

fishbone8822

bigpun1975 發表於 2017-6-15 14:41
魚骨兄平時調subwoofer 都係先用mic cal. ？

除了用不同軟件實聽外, curve可以有數據反映到十仔位置是否理想
如果有條件..通常都會開支mic 睇睇風水...

加上依邊大部份較熱血的師兄也轉用A牌, ARC對依方面數據/調試實在方便, 省下不少時間

bigpun1975

jackt 發表於 2017-6-15 14:51
以前玩兩聲道加超低都係冇乜可靠嘅方法，主要都係靠擺位來完成，依家有AV前級，當然用前級嘅功能去做啦！ ...

呢個做法好聰明，用av amp set 完個phase 用落兩聲道多數中

bigpun1975

fishbone8822 發表於 2017-6-15 14:54
除了用不同軟件實聽外, curve可以有數據反映到十仔位置是否理想
如果有條件..通常都會開支mic 睇睇風水.. ...

Woofer 距離會唔會自己執？

fishbone8822

bigpun1975 發表於 2017-6-15 14:57
Woofer 距離會唔會自己執？

距離, 相位, 分頻一向全手動
題外話: A牌的距離直頭係無AUTO..返來要全手動自己key入去
其實相位/距離(delay time), 分頻依D已是好基本AV AMP設定, 討論左幾年已無咩新意


上幾個貼我提過: 在只開十仔,分頻direct, 不開其他聲道(已bypass晒 相位, 分頻問題)低頻在皇帝位不理想...廚房才理想...即係先天擺位問題, 如何解決? <---這正正才是很多用家發生緊的事

fishbone8822

jackt 發表於 2017-6-15 14:53
我覺得係玩個人EQ多啲，都係等中六合彩啦！

如果中到六合彩, 第一時間買個單位..搞緊毒立房先再講la

至多我中左頭奘..預一間150呎比你

jackt

fishbone8822 發表於 2017-6-15 15:08
如果中到六合彩, 第一時間買個單位..搞緊毒立房先再講la

至多我中左頭奘..預一間150呎比你  ...

咁好呀！多謝喎！

bigpun1975

fishbone8822 發表於 2017-6-15 15:01
距離, 相位, 分頻一向全手動
題外話: A牌的距離直頭係無AUTO..返來要全手動自己key入去
其實相位/距離(de ...

係，其實我想帶出用最普通方法，唔用EQ, 唔落咪，都可以set subwoofer 嘅方法，當然要set 到完美又係另一件事，呢樣亦唔係樓主（那位心急人）想要嘅野

jackt

bigpun1975 發表於 2017-6-15 15:40
係，其實我想帶出用最普通方法，唔用EQ, 唔落咪，都可以set subwoofer 嘅方法，當然要set 到完美又係另一 ...

乜工具都唔用，唔係唔得，要好有耳力先得。
舊時有方法，係用不同頻率嘅 CD tracks，用耳仔去聽大細聲，但都係要調校超低嘅相位、分頻點同大細聲先得。

bigpun1975

好喇，都一地瓜子，不如分享一下我平時嘅做法，事先聲明，我嘅做法一定唔係最好，亦唔會係完美，只係想分享一下經驗，大家交流下。

其實上面有位師兄講用隻mono碟捉個節奏然後去擰個phase 制係好方法，亦易於掌握；不過有兩個問題，第一：如果隻woofer沒有無段相位調教，第二：自己一個人擰完個制再返皇帝位聽，兩三轉你已經頭暈⋯⋯
要知道woofer 入面的相位制，亦即調教聲音延時，令到subwoofer可與其他聲道喇叭出的聲音可以銜接起來; 大家可能好奇怪，有時 av amp auto cal. 出來subwoofer 的距離與現實落差很大，好可能大家覺得支mic 唔準，其實呢個係美麗的誤會，查實佢都係做緊相位制嘅功能，控制啲聲早啲出，定係遲啲出，亦解決了woofer冇無段相位制的問題。
我自己嘅方法：用一隻節奏強嘅演唱會，我自己習慣用Michael Jackson - This is it, 歌曲最常用 Billie Jean, 一下一下，一凹一凸，個低音比較易捉；盡可能開大聲少少，依家好多av amp 有得一路聽一路調呎數，試下兩呎加/減一路聽，開頭可能會聽到超低一地都係，可能響電視嗰邊woo woo 聲，散唔到咁，慢慢轉呎數之後你會感覺低音開始到個皇帝位，再校落去會有個位特別實淨，此時可以停留響嗰個尺數，此時開番個畫面一路聽一路睇，睇下個低音有冇甩，有冇唔夾畫面，咁其實已經大致上完成，反覆試多幾次，應該已經掌握到，至於調EQ那些不在此例......

其實我反對坊間有說法出現第一帖那個情況就換woofer, 換缐，加配件等等，我覺得首先應該嘗試去調教（其實唔係想像中咁難），成工與否，總好過洗左錢而越走越遠，家庭影院好多地方比大家調教，亦係其好玩之處，希望大家唔好浪費，共勉之

chhanthony

其jackt兄已經講晒要點出嚟。

room mode係每個空間嘅特性，
果位朋友唔可以換位唔或唔可以加subwoofer，
咁真係要問高人點攪。

bigpun1975

chhanthony 發表於 2017-6-15 17:46
其jackt兄已經講晒要點出嚟。

room mode係每個空間嘅特性，

咁又唔好無限loop嚇怕人，唔試又點知得唔得呢，下下要高手咁真係唔洗玩架喇，
將av/hifi 呢件事神化並不是好事，樓主只係要求個皇帝位有低音嘅卑微訴求乍，佢唔想知什麼room mode 這樣那樣.....

fishbone8822

bigpun1975 發表於 2017-6-15 17:01
好喇，都一地瓜子，不如分享一下我平時嘅做法，事先聲明，我嘅做法一定唔係最好，亦唔會係完美，只係想分享 ...

讚同豬版主分享這方法相當易明白, 有效果及基本設定是常規必需要半人手做的事

但這方法只係解決設定錯誤的問題, 如果先天十仔擺錯位, 皇帝位聽有D野係無左或質量差, 單靠同步/分頻設定, 只係乾淨, 同步返, 但原先問題係無解決到

就好似常見個案, 去呀A家訪, 佢隻十仔好理想, 為何係B家同一隻十仔表現唔一樣, 那麼差?
如果十仔有好的擺位, 基本上已達標7成, 3成都係後天設定及發輝

其實我反對坊間有說法出現第一帖那個情況就換woofer, 換缐，加配件等等<---相當認同, 因十仔擺錯位, 換咩十都係差, 頂多量感/速度/表達方式唔一樣, 身邊不少朋友為左十仔擺到更"有效果"位置, 成套打散由頭安裝過...大換位, 係0成本, 但得來最正面的改善

所以如果樓主是這個問題, 後期AV AMP 那三項基本設定(距離, 音壓, 分頻)係解決唔到

之前才提出, 先試只開十仔, 不開其他聲道, 先排除同其他單元抵消問題, 只用十仔播低頻, 如果係皇帝位係差, 廚房位係好...求証是否十仔擺位出問題, 點樣解決依個問題才是治"根"

bigpun1975

fishbone8822 發表於 2017-6-15 18:44
讚同豬版主分享這方法相當易明白, 有效果及基本設定是常規必需要半人手做的事

但這方法只係解 ...

認同呀，擺好位再有基本設定一定事半功倍，我怕佢係有土地問題或者完全冇做基本設定啫

fishbone8822

bigpun1975 發表於 2017-6-15 19:05
認同呀，擺好位再有基本設定一定事半功倍，我怕佢係有土地問題或者完全冇做基本設定啫  ...

不如眾版主直接去家訪搵原因解決問題, 再分享出來最好

唔洗大家估估下

bigpun1975

fishbone8822 發表於 2017-6-15 19:16
不如眾版主直接去家訪搵原因解決問題, 再分享出來最好

唔洗大家估估下  ...

都好，不過好似有高手pm約左佢喇