過往咁多年, 我從不談論邊間房好聲/衰靚。 因為我深知每年音響展, 全港各代理都已經盡了最大努力去展示佢地的器材, 為到場的發燒友提供三天夢幻一般的音響旅程。
過往咁多年, 我沒有分享過AV SHOW的感想, 因為每年AV SHOW我都要做到仆晒街! 每次行過二,三,四樓, 與好多老友, 網友見到面都來不及打個招呼, 我這肥大的身軀已像鬼魂一般飄過, 在此, 向所有老友說聲對不起。
咁今年點解我會開個Post分享? 因為今年我第一次有機會參與其中, 令我對這個一年一度的音響展有更深的體會。
在此必須要多謝主辦單位音響技術, 與一眾代理們對Hiendy的支持。
為期三天的[鎗王嘆世界]首次喺音響展出現, 這三天裡我到訪了很多很多房間, 使用了代理們辛辛苦苦Setup的器材來分享我所愛的曲目。 我第一次喺咁大型的音展講SHOW, 的確有D拗底. 有咩不足之處, 請各網友與各代理多多包涵.
為左今次的鎗王嘆世界, 我們HIENDY團隊除了安排左HIENDY BABY在會場派發印有HIENDY 或 HEADFIDY LOGO的電話扣外,
我仲專登向風行唱片老闆借左兩張玻璃CD, 一張就係之前我喺代理EVENT都比過你地聽既玉佬-酒紅色的心
, 另一張就係風行唱片出的發燒專輯SAMPLER VOL. 2.
每次做SHOW, 我都好鐘意拎D 玻璃CD出黎比大家一齊欣賞現今CD最高制式, 可以去到咩境界, 靚聲到咩地步. 所以好多時我都會拎埋D原版CD與玻璃CD比併. 咁先能夠比到場的朋友清楚了解兩者之距離.
要數世最受香港發燒友喜愛的CD, 玉智浩二的酒紅色的心一定名列前茅. 我自己就只有佢一張普通版的CD, 本想買入這張的玻璃CD作以後HIENDY做SHOW之用, 可惜這張天碟價格高達$12,800, 非我等窮L可負擔.
而然可幸的是我每一次要求借碟, 我老友都永無SAY NO.
講番今次的鎗王嘆世界, 當我每次拎出玉智浩二這張玻璃CD, 在場大半朋友都雙眼發光, 餘下小部份的朋友雙目閃出一絲迷網. 從他們的眼中, 我估計他們還未知道甚麼是玻璃CD, 當然, 我會簡略介紹一下, 當我講到這部玉智浩二的售價後, 他們才知道這張玻璃CD的珍貴之處. 哈哈.
記得我第一場在駿博音響播這張天碟時, 當播完第一, 二首比到場朋友知道普通CD與玻璃CD的分別後, 我就拎另一張REFERENCE SAMPLER VOL. 2玻璃CD放入CEC TL2N的CDT入, 當時我播放的曲目的第十一首甄妮的奮鬥.
音樂響起一分鐘後, 我的聽感講比我知, 這張玻璃CD必須擁有. 實在太靚聲, 痴Q線的人聲水份, 質感, 密度, 甄妮當年把聲既穿透力一一出現, 當全首奮鬥播放完畢. 我的心情勁激動 , 從在場廿多人的眼中, 我同樣睇到佢地與我同樣地激動.
跟著我對大家說了以下一番話:
玉智浩二的酒紅色的心被譽為當世天碟之一, 每個發燒友都總有一隻或以上的不同版本喺屋企.
剛才你地聽完甄妮首[奮鬥], 與之前[酒紅色的心]相比, 邊張碟才配得上天碟呢? 相信你地自己已經有左答案.
錄得咁靚聲既甄妮奮鬥, 係咪個個發燒友都要買番張擺喺屋企聽先?!
當然, 這張REFERENCE SAMPLER VOL. 2 玻璃CD售價高達$8000, 的確唔係咁多人捨得. 但佢有隻UHQCD都出左, 都係賣二百幾蚊, 你地完左SHOW之後, 自己去風行唱片購買啦.
講完這番講話, 就完結了駿博這場SHOW.
一直去到下午, 我在銀聲做SHOW時, 見到有朋友拎住隻REFERENCE SAMPLER VOL.2既玻璃CD到場支持我. 我勁感動囉. 當然, 我在銀聲都有玩比併, 除左用隻酒紅色的心 VS SAMPLER VOL.2外, 去到銀聲玩比併, 我當然唔會只係比併CD啦, 我見KEN SIR咁啱有隻舊版既甄妮奮鬥黑膠, 就即刻叫KEN SIR玩場玻璃CD VS 舊版黑膠.
銀聲使用的CDP名為EMT已停產的EMT 986 CD PLAYER, 黑膠方面就使用MY SONIC LAB頂級唱頭及EMT頂級金版PHONO.
MY SONIC LAB + EMT既配合, 在連貫性, 質感與音樂感方面, 都輕易取勝, 而玻璃CD則只能在背景寧靜度與線條有著明顯優勢.
在場的朋友個個都玩得好開心, 雖然玻璃CD已經出左好多年, 但原來仲有好多人未聽過玻璃CD既聲音. 今次我除左安排左普通CD VS 玻璃CD外, 仲可以喺銀聲比併埋玻璃CD與舊版黑膠, 加上HIENDY安排的電話扣小禮物, 到場的所有朋友都好滿足. 每次當我的SHOW完結後, 好多到場朋友都回饋大力的掌聲與滿足的眼神.
總括來說, 今年2017音展, 鎗王嘆世界的節目我自己都好滿意, 希望下年可以安排更多的不同組合, 更多比併, 令鎗王嘆世界這節目更豐富.
|