Sugar K - 音響電容雞尾酒

TonyLam@FB

一直以來我都有用開地盒同埋處理電噪嘅補品，從農夫、jitter bug, Intona, Uptone 到 active 地盒Taiko Audio Setchi D2。到近排用咗好得的ASI static cable (可以參考我之前的報告）。一切以為好完美，冇得再進步。作為發燒友，沒有進步就是退步，所以又係時候要尋找進步啦。

有一天在Facebook上看到由香港人發明嘅Sugar K，心諗又係類似嘅補品可以不理會，但抱着尋找最好聲音嘅精神，既然去音響展就順便睇下佢哋嘅示範。

Sugar K 是一隻由用不同發燒級電容組合而成嘅低Volt 援充器，透過USB （A或B插）連接電路板去過濾電子噪音及提升電子零件的工作效能，從而特顯器材本身的特性，發明家解釋這個產品是經過500種不同電容不停反覆測試調製出來嘅最佳組合，佢哋稱之為音響電容雞尾酒線路，可以對應吾同頻段而作出效果優化。

Sugar K 有兩種型號：一個係單支mini,另外一個大盒版，裏面有3支mini並聯加小型地盒。




經過發明家現場示範之後，我就拍板買咗mini 同大盒回家，作左幾日嘅反覆測試。

1）2 channels 方面

以下是我的2 channels 系統:

MAC MINI > jitter bug > SOTM USB ULTRA > Xinger DDC > DAC > McIntosh C2300 Pre-Amp > McIntosh MC275 power Amp

首先我放咗一隻Sugar K mini 去DAC, 因為係電容,所以要5分鐘才optimal, 所以可以慢慢聽得出人聲慢慢地變得溫暖自然，線條收得更幼細，輪廓更加清晰，梵音真加。好像換了一條好靚嘅訊號線，現在才發覺原來以前嘅人聲未去到最清晰，最重要係清晰得來暖潤。

之後再插一個大盒去mac mini，哇一聲，人聲進步最利害，去除咗CAS 人聲較乾的通病，同時感覺到歌者同背景分離得更開，聲音密度增加，唱每一句歌更有氣有力。最明顯係聽現場錄音的track，變得更有現場氣氛。另外音樂感更強，樂器還原度增加，鼓聲更有彈跳力，聽管弦樂最大分別。

我覺得這一次最大嘅改進係人聲嘅清晰度同時變得溫暖自然。我本身冇toe in 喇叭，因為我喜歡音場闊，但係取捨就是口型比較大，人聲冇咁結實，但用咗Sugar K好似toe in 左對喇叭一樣，同時音場變大了，呢隻USB果然係為電子器材（特別係CAS)而設。

我本身用咗不同嘅地盒，可以說是沒有衝突。Sugar K 有一個好處，就係並沒有好似其他地盒或jitter bug一樣會cut 走高低或者加味道。Sugar K 取向中性，所以唔怕溝埋用。

2）AV 方面

以下是我的AV 系統：

Player > McIntosh C2300 Pre-Amp (passthrough) > Denon AV AMP (Pre-out) > McIntosh MC275 power Amp

Sugar K同其他地盒消燥產品唔同就係可以用喺AV 上，我放咗一隻大盒去電視(非4K)上，清晰度立刻提升，我見到有至少60%-70%提升，每一條皮膚紋理更出，對比度增加，黑更黑。最神奇嘅係，本身電視只係連接畫面信號，但係聲音竟然有改進，尤其是係低音實淨左，梵音増加，聲音嘅量感増加令到包圍感增加。可能因為本身電視(大型電路板）對AV Amp 係有干擾，所以降低電視嘅電燥可以同時還原AV Amp 嘅工作效能。


然後我再接一部大盒去播放器，這次嘅進步和電視上嘅進步有不同，清晰度進一步增加，灰階度增加，黑位更黑，尤其是當畫面非常複雜嘅時候，例如爆破場面（變形金剛香港取景嗰套），可以看到每一個碎片很從容地爆開，大廈樓埋爆開，可以清晰見到每一個窗花、石牆每一部份爆開，而唔係未用之前一"劈"野。最利害都係顏色上嘅處理，以前睇落去嘅片段原來係有一層灰，現在顏色變得清晰鮮艷。例如The Shallows開頭係下午沙灘，之前天空是淺藍（小小偏白），用咗sugar k後見到天空變回藍色帶有一小小赤紅，另外畫面泛着一片片陽光下的金黃色。樹林又一片淺綠色變成見到有深有淺，皮膚光澤更自然，呢個先係原本嘅畫面。總括來說令到我的普通非4K畫面變成4K HDR。





最後想分享嘅係使用心得，zero zone出咗音響魔氈,抵抗EMF,消除干擾波，放兩塊喺Sugar K 想即時提升20%效力，Sugar K 本身用咗不同的電容所以對干擾波係非常有反應，下次有機會再寫寫zero zone 這塊神奇魔氈。

racewong

好熟口面, 邊間做代理?

IDWORKS

有興趣的朋友可以约個時間上黎我地觀塘showroom 睇示範, 有現貨可供選購

如想參考更多用家分享可以到此Fun Club 睇睇：
https://www.facebook.com/groups/427133084293869/

racewong

IDWORKS 發表於 2017-9-3 18:09
有興趣的朋友可以约個時間上黎我地觀塘showroom 睇示範, 有現貨可供選購

如想參考更多用家分享可以到此Fun ...

原來係ID WORD.

史的墳

jitter bug 乜會 cut 高 cut 低咩？？

TonyLam@FB

jitter bug, Intona 都會，有取捨。農夫都是，所以要試唔同位置

TonyLam@FB

史Sir，我試過同時間用jitter bug 同Intona，音符同音符之間缺少了什麼。分開獨立用問題不大。地盒就要看位置同數量，我依家正在使用農夫海神，三隻銀地盒，一隻Olympus 10。另外有九條ASI static cable，兩隻Taiko Setchi D2 box。所以特別容易打交。Sugar K 無論插邊個位效果都正面，所以我稱之為冇cut 頻。

sugargar

TonyLam@FB 發表於 2017-9-5 16:16
史Sir，我試過同時間用jitter bug 同Intona，音符同音符之間缺少了什麼。分開獨立用問題不大。地盒就要看位 ...

Tony 兄真係解释得非常祥細，果然係Pro 玩家

kmg

現在GNR有接到電視跟機頂盒
如果Sugar K就有效果
希望可以把GNR從AV系統拿走,哈

TonyLam@FB

GNR 同 Sugar K 應該可以共用，最後兩樣都拆唔走

kmg

想讓GNR單純只連接HIFI系統
畢竟我想效果會好一點

當然,萬一 1+1=2又另當別論

TonyLam@FB

我而家幾種地盒一齊用，真係好有效。各自有唔同嘅功用。我最想係試 Telos QNR。佢嘅作用係釋放訊號來抵抗雜訊，好似同其他地盒原理不同。

Surevin

Ching please PM price

TonyLam@FB

你可以搵 ID works