有睇開我有關屏風報告的老友都知道我自己對於膽機推屏風有一份情意結。
今日收到風添置五樓, 膽皇音響擺左對Analysis屏風出黎 , 使用Rogue 180推動。
我作為屏風Fans, 無理由唔出去旺角八卦下啦。
入到膽皇, 已見到老闆Mark哥喺度擺緊位, 咁有Mark哥出馬, 我就唔駛擔心啦。 我一個屁股就坐正皇帝位等開聲。
等我分享下D相片比你地啦。
這ANALYSIS屏風最吸引之處, 齋睇個LOOK已經贏晒啦, 再睇埋佢後面的喇叭端子, 可以玩BI-AMP, 可玩性更高.
今次膽王使用ROGUE 180推ANALYSIS, 由於對喇叭真係全新開箱, 我本不存期望. 不過聽左兩三首歌, 發覺佢都幾易玩, 全新喇叭經過180W推動, 已經有板有眼, 佢除左擁有屏風的空氣感與飄逸高頻外, 由於佢使用木框木腳, 所以在中至低頻方面較MAGNEPAN厚暖.
今次聽這ANALYSIS, 我一聽就聽左兩個頭, 試左好多首歌, 最終估計如果依對ANALYSIS開晒聲的話, 三頻平衡度會比我對喇叭更高.
更可惡的是, 這對咁全面的屏風仔, 由原價十幾萬, 由於貨尾超筍價, 只售: $38000. (只限DEMO).
各位想試下屏風的網友, 又係時侯去執筍野啦. |