玩地盒真係好麻煩, 玩有源地盒就更加煩....
喂喂喂...依篇既主角係有源地盒喎, 咁快倒自己米?! 咪嘈住啦, 等我講個真人真事比大家知啦.
大家有睇開我D報告, 都粗略估到我自己唔係太鐘意用地盒, 嗱嗱嗱...你地唔好誤會, 我只係話我自己唔鐘意用地盒, 但唔代表我唔認同地盒的功能功效. 至於我點解唔鐘意用地盒, 咪就係因為屋企已經無晒位擺放地盒了. 其次當然係"無錢"啦, 好似富貴地盒咁, 我都想要啦, 靚仔到爆. 不過大拿拿十萬八萬, 對於我這打工仔來說就好似個夢一樣.
所以我一向都比較少寫地盒, 記得上一個報告有關地盒已經係TELOS第一代GNR了, 當時由於第一次上玩主動式地盒, 聽感上好特別, 決定介紹比網友們. 而今次的V3.1 GNR MINI, 改善之大, 大到顛左. 最緊要係依個咁勁既地盒仔只係賣萬鬆D蚊. 我自己就覺得超值肋!!  至於點超值? 你地睇埋落去先啦.
首先要講下GNR V3.1與之前既MODEL有咩唔同. 其實之前都有講過, 我COPY番之前果段比大家睇下先...
今次的V3.1, 最主要的UPGRADE係----- 所有的電容電阻, FUSE等等都換晒. 佢再三強調, 今次安裝喺V3.1的所有零件都經過最貼心的篩選. 點貼心法? 佢地全公司使用左成年的時間, 每粒每粒電容/電阻/FUSE, 咁用人耳試聽, 去揀選最優質, 穩定的零件, 大約10電容只能揀選兩粒使用, 其他不合格的都不要. 所以攪下攪下就攪左成年時間.
當然, 上次喺LABKABLE已經小試了V3.1與V1.1的分別, 不過如果要試得清楚D, 當然要拎番屋企慢慢試啦.
今次拎到手的是比較易入手的GNR MINI V3.1, 點解比較易入手, 一來SIZE夠細, 放左喺機背都無人知, 唔駛驚屋企隻老虎問長問短, 二來就是價錢比較易入口, 講真以萬三蚊買個地盒, 有人話貴有人平. 但喺我試機的經驗裡, 貴與平, 抵唔抵, 在乎改善多少吧.
大家先睇睇依部GNR MINI V3.1的相片吧.
精美的厚身黑色紙盒
打開後, 就見到部GNR MINI V3.1真身. 機身下就放左兩條跟機地線. 大家唔好睇少依條跟機地線, 佢使用純銅線芯, 外包黑網. 睇見佢咁既設計, 估計佢的特性是可以是平衡為主. 收靚全頻線條.
以我上次玩這GNR大盒V1.1的經驗, 我先不用任何釘墊去放底, 丫...差D唔記得講, GNR MINI V3.1與之前既型號一樣, 都係無跟機腳, 機腳都係用家自行配搭. 至於這主動地盒的電源線方面,
一定要比D有質素的PC比佢, 所以, 我使用了SHUNYATA PYTHON CX比GNR MINI V3.1. 地線當然使用番佢的跟機地線啦. (大家記得要駁好晒地線, 先好插PC比電), 我用兩條地線分別接駁我部CD8 與MSB ANALOG DAC. 之後就搵左隻2017原音精選出黎, 聽左唔夠一分鐘, 我就好頭痕?! 你無睇錯, 真係好頭痕, 點解全頻的聲音壓縮得咁勁? 
立即打比代理問下咩事?! 點知代理老闆話, TELOS設計師小林哥會過幾日來港, 不如到時叫小林哥去我屋企睇下咩事啦. 
結果, 三日後, 小林哥與LABKABLE老闆PETER就到訪我家, 同行仲有一個好八卦既網友, 佢話想了解GNR MINI的威力, 所以佢就跟埋PETER上黎我家.
一上到黎, 小林第一件事就係甩左我用開果條雞線(條雞線插緊部FURUTECH消磁器), 用"他錶"度一度我屋企的"電位差"數據, 之後就再用他錶接駁GNR MINI. 大家睇睇圖片先.
先用他錶度條雞線的電位差.
他錶一邊接駁雞線條"地", 另一條就接駁到GNR MINI V3.1.
大家睇圖可以見到當我本來的電位差是0.926, 但接駁GNR MINI後, 電位差的數值大幅下降至0.008. 這說明了GNR MINI V3.1正在"正常運作"中. 因為使用了GNR MINI的目的就是要提供最靚的"地" 給用家, 將器材不必要的雜訊引導離開.
小林CHECK完我個GNR MINI後, 佢叫我個報告記得記得寫清楚, TELOS GNR 接駁器材的位置, 一定係機殼最靚聲. 至於邊口縲絲位先係最靚聲, 就要你地慢慢試, 因為每個縲絲位都可以出到唔同的聲音, 佢仲即場示範左接駁我部CD8頂蓋的縲絲 與接駁RCA輸出位置.
的確駁左去頂蓋縲絲時, 個背境黑得好緊要, 所有音樂細節都出晒黎. 但當佢將條地線接番去RCA輸出時, 背境一樣黑, 但全個音場像被壓縮了一樣.
勁大分別. 所以如果你地都用緊TELOS GNR的話, 依家就要起身CHECK下你接駁器材的位置是否使用機殼或是RCA插座了.
當然小林既然黎到我屋企, 我仲有好多野要問佢啦, 好似依個GNR MINI V3.1, 係咪只可以接駁兩件器材呢? 接駁四件又得唔得呢?
答案係: 最好唔好啦，如果單以器材來說, 一部GNR mini 最好接駁2件器材, 但如果屋企器材又多, 但家中財政大臣又只批准買一部的情況下, 小林都有建議在接4部器材時必須要緊記Analog 及 Digital 的器材不要一齊接同一個位置, 這樣可以防止Digital 器材的訊噪干擾Analog 器材。而且, GNR 最神奇係連機架都可以接. 只需要將條地線接駁到機架釘腳的鏍絲位(金屬外露位置), 咁你個SOLIDSTEEL都會可以受惠.
即係話一部GNR MINI V3.1, 可以接駁四部器材及兩個金屬HIFI架. 共六條地線就可以.
講完後小林仲即場試左機架接地與否的分別, 雖然分別無器材咁大, 但一樣聽得到背境更黑左DD.
丫. 仲有講埋依部GNR使用的電源線, 只會改變你套機的音色, 並不會改變音效方面. 簡單D講, 你比條ODIN比佢, 佢都只會出左ODIN的音色, 並唔會令你套機的音場濶左深左, 線條唔會因為條ODIN而靚左.
後記~
我屋企不嬲都無用地盒, 就算之前試過既GNR V1.1都吸引唔到我. 但依部GNR MINI V3.1....
當我甩番部GNR MINI出黎, 入盒比番LABKABLE既時侯, 套機的背境又回復番咁多雜噪. 聽多兩首歌都唔想再聽. 咋咋冧拎番部GNR MINI出黎接駁番部PHONO同CD8. 背景即時黑晒...好銀毒呀!
我依家決定唔還部GNR MINI啦. 比錢了事吧.
代理: LABKABLE
GNR MINI V3.1: 實價$12800, 送兩條地線及原裝電源線. (小林話依條原裝電源線係佢試過最平衡的電源線, 用條跟機電線已經有好好既效果了)
http://www.hiendy.com/hififorum/ ... read&tid=108752
|
IP卡
狗仔卡
發表於 2018-1-25 09:36:05
提升卡
置頂卡
沉默卡
喧囂卡
變色卡
顯身卡
發表於 2018-1-25 10:26:20
