上次去尖咀SAVAUDIO玩完果對全頻喇叭仔, 心思思又想搬對書架喇叭返屋企玩. 結果? 自己睇相片啦.
點解咁多對喇叭仔唔拎, 係要拎隻三千蚊既喇叭仔?! 咪又係品牌效應囉. 上次見到依對MPS GOLF-205的單元使用Atohm單元, 但價錢只係三千蚊唔駛, 心諗買單元都差唔多依個價啦, 咁鬼抵玩, 咪拎對返屋企試下有無料到囉, 如果真係有料到, 當然要介紹比HIENDY會員啦.
而你地見到依個報告, 就知道這對GOLF-205已通過我的要求. 你唔駛好X住, 因為對喇叭仔只係賣三千蚊左右, 我當然會將要求調低至幾千蚊水平啦.
不過話時話, 我真係好少聽幾千蚊既喇叭, 我只能以上次對全頻喇叭仔來作個小小比較.
今次測試這對三千蚊的喇叭仔所使用的器材, 根本不成比例, CDP使用ARC CD8, MSB ANALOG DAC, ARC REF5SE前級, BRYSTON MONO 後級. 哈哈. 其實我都驚對BRYSTON會唔會大力過頭, 推到對單元跳鬼埋出黎.
由於我無腳架, 所以我只係將對GOLF-205放喺對SPENDOR D7上面開聲. 聽既曲目都係MUSICA NUDA隻LIVE.
哈哈, 喇叭仔果然好玩, 求其放喺對D7上面開聲, 全個音場已經可以喺對喇叭仔後面出現, 至於對GOLF-205比我的第一聽感係佢既中高音好滑, ATOHM單元果然有料到, 其次係佢既低音的抽擊力超強, 小小一對MPS喇叭GOLF-205, spec. 88dB 6ohm, 竟可以承受到我對BRYSTON 7B 600w@8ohm 的衝擊, 睇住對中低音單元彈彈下, 好鬼過引.
至聲音方面, 我唔知佢個喇叭箱係用咩木材, 不過佢可以喺600w輸出的BRYSTON後級狂抽下, 都無咩點失真. 依一點我又真係估佢唔到.
講真, 我用這喇叭仔聽左一隻碟, 比我既聽感好鬼全面, 起碼唔會得個中高呱呱嘈. 全頻都好平均, 以價論聲, 又係一對好好玩既喇叭仔. 不過考慮到佢可以頂得順我套機咁大火數既抽擊, 我決定將對GOLF-205比埋百事佬, 等佢去試下放喺AV系統上會有咩驚喜先.
代理: CAS
價錢: $2800一對.
|