超牛家訪4:有氣勢, 有架勢的音響組合

supercow

又係超牛出動家訪好友的時候。今次目標係西貢大屋，大喇叭，大擴音，以及頂級ＣＤ系統而成的超級有氣勢, 有架勢的音響組合。

呢位師兄正是一位新一代青年材俊，又靚仔，又有為的RUMOR師兄。先多謝師兄名車接送（佢架車真係毒到無朋友，仲有我地一面座車，佢一面放毒，驚死我唔死。。唉 ）就是這樣，　我們便從旺角，不出半小時，去到RUMOR師兄位於西貢大屋，一聽當今最先進ＣＤＰ／ＣＡＳ系統，已及巨型ＫＨＡＲＭＡ的氣勢。









器材分享篇:


CDP: ESOTERIC K-01 / G0s

今次係小弟第一次家訪ESOTERIC K-01 CDP/CAS. 呢部係ESOTERIC在2011年全新旗艦大作, 有齊當今人類最先進CD科技, 包括頂級VRDS轉盤, 32BITS解碼器..再加上都算係當今世上最頂級的時鐘ESOTERIC G0S...我可以講, 呢個SOURCE, 係我聽過最為先進的... ...(唔計加洲兄的ESOTERIC P01/D01, 因為係舊MODEL, 而且當時佢無鐘).

ESOTERIC CDP我聽過的有X01D2, X03SE, X05, P01/D01, K03以及K01, 的而且確, K SERIES 同以往P以及X SERIES有相當大的分別....先講音場, K01+G0S音場係我聽過所有ESO機中最大最深...其次, 佢比到我以往在ESO機感受唔到的音樂感, 雖然同好多歐洲機相比, 音樂感依然有所不及, 相反來說, 佢比好多歐洲機更加冷靜, 更加精準....而講到分析力...佢當然不及P01/D01..但亦係當今世上數一數二高分析力機種.....如果相比小弟用的1531A, 分析力同音場明顯不及...唉....新ESO..的確令人眼前一亮...亦很讚賞日本人對音樂的堅持, 努力的改進...在這一代的ESO機看到他們的心血...

好..唔多講, 先去片.









CD 機裡面係也東東....

上面

下面

1.K-01是Esoteric新一代SACD/CD旗艦盤，配有最新 VRDS NEO鐳射拾音系統，每聲道用8枚32bit AK4399 DAC，時鐘精準度達±3ppm超高水準。



2. 完全承襲D-01單聲道的雙組單聲道數位類比轉換器 K-01的數位類比(D/A)轉換電路承襲ESOTERIC高級單聲道D-01 D/A轉換器，每聲道提供並聯/差動方式工作，八組電路輸出，達到最理想的線性及超低的失真因素。經長時間反覆測試音頻和系統的可靠性，D/A的核心電路採用ASAHI KASEI Microdevices Corporation頂級32-bit AK4399晶片



3.厚鋁合金製造低諧震機箱，重達30.9kg；設RCA及XLR模擬輸出， 數位有光纖及同軸輸出，還有USB輸入，配6N-PC6000高級電源線。
4.新VRDS-NEO轉盤系統，裝有強釹磁鐵馬達、重量級鋁實心底座；上設橫樑，壓碟覆吸音物，頂班之軸折動式鐳射頭，能正確輸出原始數據。
5.移開機箱底板，可見電源及轉盤驅 動電路；四個大環型變壓器，分左右 聲道負責數位、模擬及控制電路供電 ，承載底板特厚，以防震動。
6.高級分離式緩衝電路擁有高電壓的電源供應



6. 多種D/D轉換功能，支援許多來源類型
7. USB輸入支援非同步傳輸以及電腦中的24bit/192 kHz來源再生高音質





AMP: ASR Emitter II 超級發電機:

來自德國的ASR是由電聲學專家Friedrich Schaefer先生於1980年創立。 ASR生產的音響器材款式不多，今次試聽的係廠方最高級擴音機型號與Emitter II。

EMITTER II 採用一拖三方式機箱結構，在設計、結構、用料、以至製作上具備了以下各項特色：主機箱中的各級放大電路，全採用了至優質的元件製作，結合無磁性的半阿加力膠製機箱結構，放大器淨重47Kg (103．4磅)。另外....EMITTER II需要三台電源供應器共重逾200磅...確實係唔野少....其中一台供前級使用...佢係可以唔插市電...用自己的電池供電給主機箱中的前級使用, 另外二台電源供應器供給左右聲道後級使用...我可以說....佢係實實在在的一體機前後MONO BLOCK...唔可以當佢係一部合併機看待.

今次試聽EMITTER II的感覺係...力水充足, 好冷靜, 亦係走比較冷的路線的一部擴音...佢推KHARMA絕對沒有腳軟的感覺, 同時, 由於佢係分體電源關係...使到音場立體,夠深而靜..當背景靜的時候, 你會聽多好多細節弱音...呢個係我覺得EMIITER II的特色...亦同時為我帶來一分飽滿, 力量雄渾與及全頻具能量感的音響效果...

好去片先..











ASR 機裡面係也東東....











喇叭: KHARMA　Grand Ceramique Midi series 座地式揚聲器:

當我第一睇見到呢對KHARMA...話..點解會禁大隻....實在係好大隻...佢係11"低音, 同FOCAL JMLABS SCALA一樣...但佢比起SCALA實在大不少....當時我在想, 到底ASR能否推得好呢對巨物呢...

講返對喇叭....佢係KHARMA Grand Ceramique Midi series 座地式揚聲器, 高音為1吋FOCAL高音, 中音係7吋土池, 而低音為AVALON預用的ETON 11吋大低音...對喇叭淨重170KG...係..300幾磅..都米話唔利害..

一向以為...KHARMA係賣鑽石.....所以禁發...呀唔係..係賣鑽石高音.....今次係第一次聽FOCAL高音在KHARMA喇叭上..感覺都幾特別....我對呢對喇叭整體感覺係"有氣勢, 有架勢"..無錯..前文提到, 呢對喇叭做出來的音場, 空間, 低音的氣勢...相比我以往聽過FOCAL NOVA UTOPIA 的 13 吋低音有過之而無不及....聽古典真係一流享受.....如果同勁人兄的MINI相比...你唔話我知...我真係以為係唔同廠....勁人兄對黑鑽KHARMA玩KHARMA極高貴氣音質..低音量較少, 氣勢亦較少.....RUMOR兄對KHARMA就係玩氣勢, 音場, 強而有力的說服力...我覺得, 大家在自己的空間都選對了喇叭...如果RUMOR兄家中使用MINI, 一定太細...音壓同空間感肯定不足....相返勁人兄就無可能放對....GRAND CERAMIQUE MIDI...因為太大隻....

講住禁多, 去片時間...














整體分享篇:

前後已經約左RUMOR兄三次, 就係好希望聽下K01, ASR以及KHRAMA威力...不過因為緣份的安排, 頭兩次都無機會到訪RUMOR兄家..直到上星期, 終於有機會, 同日, 亦見返一位好久沒見的師兄...超級黑毒王KEN兄(KYU888). 我同佢都係FOCAL用家, 小弟亦去過KEN兄屋企幾次, 次次都差D買黑膠..可惜小弟家有小孩..唔係一定跟KEN兄學野, 進運黑毒世界.

講返RUMOR兄有氣勢, 有架勢組合...呢個主題, 係我第一時間想到的...當日一開始試聽...(HE...你知有黑毒KEN在, 一定係試古典先)...結果係利害....好利害的音場...的而且確...由於RUMOR兄大廳大約有300尺...再加上佢對好大的KHRMA喇叭...一聽古典...氣勢的確一時無倆...音場之大亦係小弟難得一聽...K01做出來的音場非常廣闊, 空間感非常大...在這麼大的空間下, K01亦保持極高的分析力, 呢一點我係比好高分...另外, ASR雖然係一部合栟機, 但確實係推對KHRAMA推得非常好, 夠力水, 夠細緻....唔怪得之呢期呢部AMP禁紅...實在有佢原因.

整個試聽過程中, RUMOR, KEN和我都認為器材是選對了...不過....有些地方...有少少問題.

1. 中音過出, 高中低有少許不平衡.
2. 高音註波好多, 令到高音有毛躁感.
3. 低音還未完全離相.

當大家都好頭痛之時.....超牛從背包中買出一條神線出來...比RUMOR兄試下..點知一插即係出事...

1. 高中低平衡好多...完全解決中音過出問題.
2. 高音毛躁感差唔多無曬.

呢條神線要多謝加洲兄借出...佢係SILTECH G7 RUBY HILL 2 WITH FURUTECH FI-50.



就係插左佢比部ESOTERIC K-01



當整個系統平衡返..我地又再試好多唔同的CD...當時已經係10:40PM...試下試下..大家都唔想停, 聽完一隻又一隻....到11:40PM時..RUMOR話.....仲唔走..明天唔洗返工呀...當時我同KEN都停一停...HE...原來真係好好聽..同剛入屋真係差好遠..最後KEN哥加多句.."呢條線加入你系統後, 真係可以座低聽音樂啦, 現在還要努力只係將其新CD, AMP同SPEAKER, BURN IN...使低音更離相...做到耳聽舞台, 不見音響的景界...





總投資:

器材篇:

CDP: ESOTERIC K01 + G0S HKD238,000
AMP: ASR EMITTER II HKD138,000
SPEAKER:  KHARMA　Grand Ceramique Midi series HKD240,000

線材篇:
HKD 0.00000 (唔計住)...師兄想BURN IN後再選擇線材..呢個我又係好認同.

架:
SolidTech X 3 HKD18,000

總投資達:HKD634,000元


最後, 帶著愉快的心情..離開:

OldHenry

見到個數字都驚呀

hifiuser

回復 1# supercow


羡慕死人既大空間，大喇叭 ，勁器材

gogogo633

300尺廳聽古典開心死，我都好羡慕

kingyan

但想問吓點解D家訪唔係應該放係, 家訪世界既咩

wingchow

但想問吓點解D家訪唔係應該放係, 家訪世界既咩
kingyan 發表於 2011-5-12 10:05

    新家訪我諗大家都想多d人睇, 所以放係主區會容易被人見到, 大家亦可以咁做. 到家訪Post 沉底後. 我會轉去家訪世界.  再一次謝謝大家的精彩家訪Post. 令到Hiendy越黎越多野睇!

kingyan

新家訪我諗大家都想多d人睇, 所以放係主區會容易被人見到, 大家亦可以咁做. 到家訪Post 沉底後. 我 ...
wingchow 發表於 2011-5-12 10:09

    哦...

藤原拓海

不過 d 價點錯位, 等我以為咁平

skykids

Chan206

不過 d 價點錯位, 等我以為咁平
藤原拓海 發表於 2011-5-12 10:19

對Kharma比我想像中抵玩

喬峰

如果喺木板地會唔會好啲呢？

Jameskyc

如果喺木板地會唔會好啲呢？
喬峰 發表於 2011-5-12 11:24

    呢個也是我一個 concern，  磚頭地板已成定局， 改不了，  但如換一張羊毛地毯一定有驚喜； 畢竟 Kharma 有陶瓷中音， 而地板又系陶瓷，  可能有 D 撞。

rumor

多謝超牛兄既光臨同給予意見.  好彩超牛兄亦"筆下留情", 以小弟玩hi-fi既功力, 比起其他師兄真係唔見得人  

其實每件器材在我家中都唔多過9個月.  一切都仍在磨合階段中.  多得呢度既師兄幫助, 慢慢地找尋了一個明確路線去令器材發揮佢應有既表現.

係呢過去幾個月我都不停面對唔同難題, 每當解決一個問題後隨之而來又有另一些挑戰.  原來有些問題一直潛藏係系統入面, 要經過一定既調較先顯露到出嚟.  過程當中領悟到唔少原理同一些平常察覺唔到器材與器材之間既微妙關係.  我仍在努力學習中.

rumor

如果喺木板地會唔會好啲呢？
喬峰 發表於 2011-5-12 11:24

喬峰兄, 我亦相信木板地會好些, 但為了7隻小婑人, 我只有放棄改用磚了.

sinner

Rumor兄有大量狗毛彌補磗地問題，所以靚聲，是應該的

rumor

Rumor兄有大量狗毛彌補磗地問題，所以靚聲，是應該的
sinner 發表於 2011-5-12 12:07

老友, 你真識講笑, 我度一d都唔好聲.  講好聲有排都唔到我.

JanHau

有心去SETUP一定會好聲

kingyan

有心去SETUP一定會好聲
JanHau 發表於 2011-5-12 12:22

    咁你快D幫Rumor搞搞佢啦真餅主

JanHau

咁你快D幫Rumor搞搞佢啦真餅主
kingyan 發表於 2011-5-12 12:29

你試下借d odin比佢補下可能得~

rumor

有心去SETUP一定會好聲
JanHau 發表於 2011-5-12 12:22

有一段短時間曾經想放棄, 不斷問自己:"係咪玩大咗呀?", "個amp係咪推唔掂對11吋呀?", "係咪間屋唔arm玩hi-fi呀?", "係咪d綫材唔夠班?", "係咪個人樣衰唔arm玩hi-fi呀?"

其實諗番起好彩堅持玩落去, 唔去懶三懶四.  去問同去家訪學習別人既心得, 攪吓攪吓就發覺自己既擔心大部份都係多餘既.  唔去面對就死話自己套野唔得咁到頭來可能會死得好唔低.  橫掂都比咗錢買咗番屋企, 幾大都玩盡先賣.

宜家雖然未解決所有問題, 但比起之前已經好大進步.  但睇番由買咗套器材到而家要用多咗既錢唔係好多, 對於"又要威,又耍戴頭盔; 又冇錢, 又要玩hi-fi"既我, 都真係好滿足啦.