經過之前幾次上去凌智聽左幾對喇叭後, 最靚仔當然係WILSON BENESCH RESOLUTION, 我自己最鐘意既聲音亦都係WILSON BENESCH RESOLUTION. 次選係GENESIS MAESTRO, 最後係ACT ONE EVO.
為左要試真依幾對喇叭, 我昨天專登走一廣州, 去[海印]聽一聽在廣州的SETUP. 以作最後決定.
在此不得不讚香港凌智CK, 原來佢已幫我通知了廣州WILSON BENESCH經銷[達聲音響]老闆駱先生.  在此再三多謝凌智CK的安排.
當我到達達聲音響表明來意, 駱先生說已準備好兩套器材給我試聽. 第一套係使用全套NAGRA CLASSIC系列+HD POWER推動的GENESIS MAESTRO. 聆聽空間大約11 X 20尺.
對MAESTRO離側牆大約尺半, 離後級大約六至八尺. 另外, 我留意到這間廣州達聲音響使用的線材都係一般幾千蚊級數. 甚至一對NAGRA HD POWER都係使用原裝跟機線. 這與香港的代理有點不同唷. 的確, 使用跟機線材可以聽清楚器材特性
而當音樂響起, 出現在我面前的是一幅[聽得見]的音場, 一對身型龐大的MAESTRO在我眼前消失了, 全個音場就剛剛在MAESTRO後面一層一層咁出現, 定位清晰, 線條實淨. 再聽耐D, 發覺這對MAESTRO的分析力超高. 我忍唔住拎左隻MUSICA NUDA LIVE A FIP出黎試機. 頂, 今次既廣州之旅， 第一套Genesis已經令我聽到好多平時在屏風裡聽不到細節。
達聲的SETTING果然令我對這MAESTRO上了一課, 我一直以為低頻係MAESTRO的強項, 原來MAESTRO既分析力可以咁高, 咁柔順. 牛筋既彈力與下潛力, 一D都難唔到這對MAESTRO. 我越聽越愛上這對MAESTRO, 因為這對MAESTRO可以擁有無限變數的可能. 好像在香港凌智的SETTING, 與達聲的SETTING正正就是兩種不同風格的表達方式.
 哈哈. 如果這對MAESTRO落入我手中, 我就可以根據自己的聆聽環境與自己口味, 慢慢調節到最靚聲境界.
聽完MAESTRO, 差D唔記得駱先生還安排另一間毒氣房給我. 我與駱先生二人上到海印商場四樓, 原來達聲音響在四樓擁有另一分舖, 這舖的環境比地下的舖位濶落好多, 大約600尺的地方, 放置了一對WILSON BENESCH RESOLUTION為主的組合, 推動這RESOLUTION後級正正就是VIOLA旗艦後級-Bravo II Power Amplifier. 經橋接後擁有高達1,200W into 8 ohms.
前級使用我最近最熟識的NAGRA HD PRE AMP.
由於這個聆聽環境實在太正, 我第一首就選了MUSICA NUDA既I WILL SURVIVE. 聽下與樓下對MAESTRO有咩分別?!
聲底大至與香港凌智出黎既一樣, 都係一聽就知真係WILSON BENESCH的聲底, 但不同的只是香港凌智多數使用NAGRA HD POWER推動RESOLUTION, 而今次達聲就使用VIOLA BRAVO推動. 而大家都知道玩音響, 聆聽環境就皇道, 達聲這間600尺房間, 使用BRAVO推動下, 其音場的豐滿度, 樂器與人聲的線條, 定位都十分出色. 當中尤以聽LIVE的表現最為令我驚嘆. 
我忍唔住又拎多兩隻古典出黎爆一爆, 嘩...
自問我玩屏風咁耐, 最強的就是聽LIVE, 但這次的RESOLUTION在空氣感, 現場感都與我屋企強上幾班. 這令我不得不承認, 器材的質素是絕對相差太遠. 這對RESOLUTION經VIOLA BRAVO推動下, 其君臨天下的氣勢, 人聲每個換氣位, 絃樂的觸絃聲, 琴腔的共鳴等等細節位, 都表現得最高水準.
EEE...咪住, 我個腦無端端RELOAD番剛才對MAESTRO出的氣勢與幼細, 其實只係與RESOLUTION相差不多, 欠的可能只是一些微動態與WILSON BENESCH簽名式中頻.
心諗如果將對MAESTRO放到四樓這間600尺試音房, 可能...我話可能與RESOLUTION在音效上表現唔會相差太遠呢...
當我聽多五六首歌曲後, 係時侯要趕火車回港了. 在此再次多謝達聲音響駱先生的招呼, 凌智音響CK的安排.
喺火車的兩個鐘裡, 我個腦不停RELOAD緊MAESTRO與RESOLUTION的聲音, 與我之後測試其他器材的方便性.
當大家都係使用NAGRA HD POWER AMP推動的時侯, RESOLUTION的解像力, 音樂感都比較強. 可惜係要推動這對RESOLUTION, 後級的要求當對要高好多好多. 這對於我第時要測試任何類型的合併機/細火數後級等等, 都唔係太方便. 情況就如我對舊屏風一樣.
其次就係ACT ONE EVO, 一樣靚仔, 尤其係佢果對紅色特別版. 可以話係人見人愛. 性格取向一貫WB的簽名式英國風. 比RESOLUTION易推動, 問題係我個聆聽環境大約230尺, 仲未計走巷位. 所以我會擔心ACT ONE EVO未必可以COVER晒我個廳.
最後, GENESIS MAESTRO, 一般網友如齋睇相片, 其造型賣相可能不及WB, 但如果見到MAESTRO真身, 可能你會對這對GENESIS改觀.
我將對ACT ONE EVO與MAESTRO拍埋一齊時, 會發覺MAESTRO在外觀上的霸氣, 比ACT ONE EVO強出很多.
而最重要係 MAESTRO係[半主動], 這極度方便我將來可以測試更多高質/但火數不大的合併與或後級. 另一方面, 我曾經擔心過MAESTRO的半主動式低音會否主道了中低頻以下的HIFI元素. 但經過這個月不斷試聽後, 發覺這半主動式低音箱對於前面果組器材極其敏感.
因為我試過使用NAGRA CLASSIC / HD, VIOLA等等POWER AMP推動, MAESTRO都能夠輕易表現出全部後級的控制力, 推動力, 彈跳力, 衝擊力, 線條與層次等等HIFI元素.
最後, 就係決定性的時刻, [比錢送貨]...最終邊對喇叭可以入主鎗王屋企? 大家等多陣啦. 哈哈.
http://www.hiendy.com/hififorum/ ... d=118064&extra= |
IP卡
狗仔卡
發表於 2018-7-26 16:21:51
提升卡
置頂卡
沉默卡
喧囂卡
變色卡
顯身卡
發表於 2018-7-26 16:33:26
