|
前幾日收到KEF電話, 叫我上去SHOWROOM聽下佢對新R11喇叭, 仲SENT左幾幅相片比我睇添..
當我睇到依兩幅相片, 真心覺得好靚, 唔係靚在外型設計, 係佢既頻顏色配搭簡直一絕. 木色襯上香賓金, 天衣無縫.
咁靚既喇叭, 我當然第一時間上去聽下啦. 自從KEF搬左去"都一"後, 個裝修真係靚到爆, 可以話係HIFI界最靚既SHOWROOM. 而大房入面, 一套GOLDMUND正推動著今次的主角R11.
大家見到依對R11比之前既R系列, 最大分別應該係個喇叭面罩. KEF今次的喇叭面罩特薄設計, 聽鐘哥講依個設計主要係減少因面罩而帶來的失真問題.
而除左面罩改進外, 最新一代的UNI-Q及中低頻單元更作出多方面改良.
我坐左一個鐘頭, 聽左好多首歌, 發覺這新一代的R11比之前無論係REFERENCE系列或舊R系列更順滑. 前一代既UNI-Q, 用家成日都話要用膽機先可以順滑番既中高頻, 喺依代既R11改進得最多. SHOWROOM使用一套GOLDMUND石機推R11, 係我聽咁多對KEF最順滑, 流暢既一次. 四隻中低頻單元收放速度與下潛力都輕易填滿這四百多尺既試音房.
初次聆聽這KEF新一代R系列, 我覺得佢已經贏晒咁多代UNI-Q. 估佢唔到既幼細與順滑第一次在KEF喇叭聽到.
如大家有興趣一齊聽下依對R11既話, 記得留意HIENDY. 因為好快我就會在KEF有EVENT, 而使用的喇叭當然係本文主角R11啦.
丫. 唔記得講新R系列仲有對書架 & 中置. 比埋D相片比大家睇睇啦.
|
|