本帖最後由 hkp1196 於 2010-7-1 12:07 編輯
呢期俾幾條蛇輪住咬, 真係命都唔長, 以下係小弟對呢幾條線的用後感, 不過大家唔好攞嚟比較, 因為呢幾條線級數唔同, 唔可以攞嚟直接比較.................
Kharma KPC-M-1a
Kharma 的入門線, 本來係設計出來俾 Kharma 套家庭影院用的, 所以與 Kharma 傳統的電源線的聲底會有分別, 但仍不失歐洲的 HiFi 味, 線身其實好幼, 單看外表已經估計到唔適合插 Power AMP, 拖版等大電流的器材. 試插部 Denon, 人聲變得很潤, 非常通透, 華麗, 不過力水明顯力有不逮, 低頻減弱很多, 再試插 Player, 人聲一樣好潤, 空間感好大, 而最神奇之處係成個音場升高咗, 人聲會變咗喺屏幕中間出嚟, 非常適合用於 Player.
NBS Omega Extreme III
NBS 線身好硬, 呢條新版, 頭尾已經軟咗d, 方便插落部機度. NBS 出名好力, 低頻強勁, 一插落部 Denon 度, 就好似裝咗 Turbo 咁, 低頻下下拳拳到肉, 低頻的衝擊力非常狠勁, 睇戲真係一流, 不過聽歌的話, 人聲變得好硬, 背景唔夠靜, 可能呢係只係 NBS 的中階線, 感覺就好似少年郭靖的降龍十八掌, 剛勁有餘, 但火喉未足. 當日, lulu Sir 即場攞條傳說中的頂級型號 Black Label 出嚟, 大有一夫當關, 萬夫莫敵的氣勢, 就如喬峰的降龍十八掌般, 功力深厚, 一瞬間就將你打至重傷吐血, 毫無還手之力, 聽歌時雄混有力, 亦唔會覺得人聲會硬, 強烈推介用於 Power AMP.
DIY 氣浮電源線
沒有牌子, 全DIY 氣浮電源線, 只知用了醫院頭, 古河 FI-15 尾, 其他一切都係一個迷. 插落部 Denon 度, 感覺非常平衡, 高, 中, 底樣樣有, 空間感非常大, 睇戲時無 NBS Omega Extreme III 咁狠勁, 但聽歌音色比 NBS Omega Extreme III 明顯柔順, 沒有多餘的造作, 比 Northwire Triple-run 更全面, 而最重要係價錢相當吸引, 性價比奇高.
BMI Hammerhead MK4
當日 lulu Sir 千叮萬囑, 叫我千祁唔好試呢條線, 一見到呢條鯊魚就要避之則吉, 點知西毒見我新傷舊患, 即時放呢條鯊魚嚟咬我. 一試真係不得了, 試過插 AMP, Player, 發現插 Player 的變化之大, 非筆墨所能形容, 如果 NBS 係降龍十八掌的話, 呢條 BMI Hammerhead MK4 就係張三豐的太極拳. 佢係剛中有柔, 柔中有剛, 佢的柔勁可以綿綿不絕咁送出, 令你內傷而不自知, 真正含笑七步釘, 死咗都唔知乜嘢事! |
IP卡
狗仔卡
發表於 2010-7-1 11:57:54
提升卡
置頂卡
沉默卡
喧囂卡
變色卡
顯身卡
{:5_528:}
