HiFi極易功 - 成魔之路

Hifibecheap

終於寫到最終章，玩HiFi玩到入魔，要求都咪話唔高。你重停留玩高、中、底音夠唔夠，set皇帝位，夠唔夠能量等等⋯就等如有冇飯開，不是享受食材、烹調技巧。眼見大部分都是sales佬，不是HiFi從業員。用價錢配合一套糸統。以前用心配合不同特點糸統的從業員已很少見⋯⋯可能現代人聽覺已經退化。首先都係定意入魔的要求。第一，定位靚就已經没有了皇帝位，因為你在房內不同位都覺得同一個發聲位。如聽人聲，響正對面(所謂皇帝位)，會覺得有個人企響度唱，當行去喇叮叭邊，你都係覺得有個人企係同一個位唱。樂器定位不是鼓響後面，左邊有結他，右邊有小提琴。這樣和千度近視散光老花唔帶眼鏡睇野一樣，遠近都睇唔到。有定位分析是聽到不同弦線振動發聲，而且是分開的。用耳代替眼去觀察。第二，要有質感。如木魚，中間空，外面實，打落清脆得黎又有空洞的感覺。第三，場面，就是打開你的牆，冇盡的空地上響你面前演奏，冇壓力的。第四，位體感。做到一、二、三再加深度，位體感就出到。以上四點響市面上聽到的糸統連一點都做唔到，真心服，點做到咁差⋯幾百萬系統都係發聲機器，不是音響器材。(＂發聲機器＂是來自不董hifi的女士，對比市面系統和入魔後hifi系統的第一個反應)

其實最大的要求就係錢，唔夠錢屋企細，多雜物，入門budget玩書架超越神級價錢糸統的平民境界到成仙入魔境界。現實上，有錢又如何，玩得唔好便成笑話，面子問題。

實際啲，講下有乜歌易啲測試hifi效果?！阿姐，如果聽阿姐、紅線女、白雪仙唱歌唔會飄，套hifi對高音的控制力已經好好。如果重可以圓滑不減高頻， 咁就難上加難。張德蘭唱歌是有仙氣，好獨特。可能你不明，只要聽過，你就自然明白。鼓、弦樂的振動不是一致，會有一路會少少分別，聲音向外四散，一陣陣發過來，不是死力的。

咁點先可以做到?!真係漫漫長路。機是自制的，選料不是用最貴的，要夾過好聲先用，選購地方是淘寶或直接同外國廠訂。有部分是古董。香港買零件又貴又唔多選擇。好似插座來來去去wbt或古河，有少數人知的牌子我直接同廠買貨，三、五知己一齊買，可以慢慢玩，又好聲。其中好多細節位就一言難盡⋯⋯

線也是很重要，都是自己做。重點線芯選材，個人喜好紅銅，方芯、單支、多估自己試，要夾糸統。一般機內用單支，信號方芯，電多條多估(因為電源線效粗，多估軟身機尾易走位)，喇叭線多條單支。對比對像是wireworkd頂級電源和信號線、Siltech classic level 至 signature 信號線、喇叭線和電源線，全部萬元以上。

這些都容易搵，重中之重是電源，電的來源、質素，算把啦，正常牆身不要改，不想有保險問題。只好中間做手腳，用電處啦，不過不是隨便買個電處，市面上有兩種，一是用牛做的，這個超好玩，如果你套音響唔夠50Hz，可以幫你加大佢。點加?市電220V50Hz，電處隻牛放磁50Hz，直接影響成套音響出胡胡聲，也可能出不同頻率。咁冇牛點呢？唔知，都冇人會做AB比較比你聽，你要試可以，已經插好你試啦，大佬⋯冇比較便比錢，傻的嗎。最終只得一個方案，design in HK&make in HK。目標不影響其他器材情況下處理電源，做到質的改變。經過多年反覆測試同選材，終於成功，重可以叠加黎用，不用分那個插是解碼、前級，那一個是後級。重量也合理，正常男士攞起不太吃力。其實成套音響要去到成仙入魔境有一半是自制電處的效果。

最後，各位老師父、電子佬或科學家，個人觀點係人耳人腦對聲音的接收和感受是個人，所以hifi以耳聽為實，只看測試數據，唔代表人聽覺得好聲，因為唔用天生的架生，可以做個人出來嗎？人造的測量儀器可能代表人耳嗎?分享only…

racewong

這篇文章好有FEEL,  謝謝樓主.

黑膠迷

多口搭句咀!
我雖然不是hi fi發燒友,但過去幾十年來,聽過的高級音響也不少(別人家中/發燒房聽)
一套音響(加上環境)即使世界上最高級的,亦只能夠把現埸還原90%左右
首先,除了複雜的大型交響管絃樂外,最簡單的巴哈無伴奏大堤琴組曲
只用一枝大堤琴,"用真野拉奏"和經過喇叭重播出來的聲音,任何人都分辨到(聾人例外)
只要你現埸聽過馬勒的第二交響曲,我敢說當今世界上最高級的hi fi在最發燒的發燒房重播
也不能100%還原......................
這點相信不少"資深"的發燒友是知道的,但人人都想自己套音響可以"現埸一樣"
結果無止境地追求下去...................

Hifibecheap

黑膠迷 發表於 2022-7-9 17:05
多口搭句咀!
我雖然不是hi fi發燒友,但過去幾十年來,聽過的高級音響也不少(別人家中/發燒房聽)
一套音響(加 ...

講得好，最緊要玩得開心，盡力而為，唔係比人當水魚。

Hifibecheap

試吓加相，唔知得唔得

FFYX

diy最重要是玩的开心，自己开心最重要