Hiendy影音俱樂部不經不覺已經開咗四年有多,
因為大廳位置要安放家庭影院同埋兩聲道組合, 所以無可避免兩聲道設置上有一啲相就.
但係撞聲以及音場定位問題都係多年來令鎗王好頭痛嘅問題.
直至最近, 鎗王話以上問題已經解決晒, 連資深會員Thomasli都話俱樂部大廳兩聲道組合聲音有顯著進步!
唔.....真係要返俱樂部行一轉先.
原來俱樂部引入咗dB Acoustic調聲部件,
分別有擴散板, 以及吸擴一體屏風.
其中我最欣賞吸擴一體屏風, 好似我屋企咁, 組合一邊係走廊, 將喇叭大toe in去避左佢, 就會搞到音場變形, 但係有左呢個屏風就可以解決左呢個問題, 而且仲可以走鬼, 真心覺得正.
而重點一定係塊擴散板, 只係九佰蚊一塊, 鬼咁大塊都只係九舊水, 而且安裝十分容易, 將附上嘅鐵片安上牆, 然後勾上去就搞掂, 連鎗王呢個少爺仔都係一個人搞得掂, 勁易!
至於效果, 鎗王真係冇吹水, 嘴型, 音場, 撞聲問題全部解決晒, 以前開大聲會boom, 依家點炸都冇問題, 如果你搵緊同類産品, 我強烈建議您約個時間上俱樂部聽下喇.
|