砍掉重練！想用Esoteric的SACD Player做埋串流Transport的DAC..

shankircheis

本身只玩CD（純粹因為串流嘅器材五花八門，唔知點揀，加上財力有限，唔想經常揀唔啱就換換換…所以寧願唔玩住），串流暫時只用手機聽Spotify。
諗緊重新建立信源系統，想同時有CD/SACD, 和串流（始終係大勢，係時候要好好擁抱佢）。

已用緊ESOTERIC嘅K-05XD，好滿意佢嘅聲音，所以應該都係鎖定返同廠嘅SACD機。而家想：
升級成K-03XDSE or K-01XDSE（原因係DAC Module 再高一級）。但呢兩款Player嘅數碼輸入只有 ［［［同軸; 光纖；USB］］］ 3種，打算主力用USB（能接收DSD File）。

再另外買一個串流Transport，經USB cable > K03xdse /K01xdse當作DAC出聲。

串流Transport方面考慮.
1）ROSE RS130
2）Lumin U2
3）Innuos pulsar (only USB Output, 應該會落足心機做好佢，最適合用於K01/K03）
4）Rockna Wavelight Server

暫時諗到係咁多，後面嘅乜嘢 洗水 光隔….等開咗聲之後再諗。唔知大家有乜嘢意見？ 冇嘅請直接無視🙏 打擾各位，唔好意思🙇🏻

racewong

4）Rockna Wavelight Server

最多野玩, 最齊.

INNUOS就最受歡迎.

其他果兩部我未玩過, NO COMMENT.

shankircheis

racewong 發表於 2025-9-6 14:49
4）Rockna Wavelight Server

最多野玩, 最齊.

好的👌咁要搵返你啲舊片睇睇先😁thanks.

banjo

見到你有能力升到K-01XD se, 我有另外一個睇法, 既然會主力玩串流, 不如升去N-01XD se, 留返部K-05XD, 當CD轉盆, 輸出訊號俾N-01XD se解碼, 咁咪可以一雞兩味囉, 如果想聲音再上一層機, 加多個G-05, 就可以玩埋時鐘同步.

shankircheis

banjo 發表於 2025-9-7 08:50
見到你有能力升到K-01XD se, 我有另外一個睇法, 既然會主力玩串流, 不如升去N-01XD se, 留返部K-05XD, 當CD ...

先多謝意見☺️ 一雞兩味確係好吸引👍我都諗唔到😄 但係我詳細睇咗K-05XD份User Manual，清楚講明當播放SACD嘅時候，佢會硬性關閉咗數碼輸出。即係唔俾用家把SACD訊號輸送出去！估計是為了杜絕所有Hi-Res盗錄的可能性吧。

但無可否認，你嘅提議確實係好實際，符合效益！只要調整下心態，全面擁抱串流，唔好太執着與CD/SACD. 換取回來嘅便利性與樂趣都係好吸引☺️

但係如果玩串流嘅話，呢個價錢有太多配搭太多選擇！！有排諗.. 內心交戰中😣

racewong

shankircheis 發表於 2025-9-7 09:36
先多謝意見☺️ 一雞兩味確係好吸引👍我都諗唔到😄 但係我詳細睇咗K-05XD份User Manual，清楚講明當播放S ...

題外話, 點解仲玩SACD呢?

shankircheis

racewong 發表於 2025-9-7 12:34
題外話, 點解仲玩SACD呢?

又唔係特別鍾情嘅，只係CD/SACD Player 系統設置起嚟簡單。唔似得串流系統，又Streamer 又Music Server。OS方面又有Roon,
JPlay, 又有用Linux 裝snake oil…到買咗部player之後，後面又光隔又洗水，又要加兩個Switch… 仲要呢類產品多餘繁星，實在搞唔清究竟應該揀邊款。
好啦 都落足心機設置好晒咁多嘢啦，出嚟效果都可能只係 “唔差得過CD/SACD”…. 其實我只係想聽歌，享受啲令我感動嘅音樂啫😅..

呢十幾年睇住串流系統由剛起步至越嚟越多廠家加入戰圈，所推出嘅器材越嚟越貴，但仍然每隔幾年就會更新型號，呢啲器材比我嘅感覺，與其話係音響器材，更多似係電腦產品，係貴價嘅電腦！幾年更新一次電腦係好合理嘅～ 花費得起就得啦😆

當然，Esoteric 嘅CD Player 都係幾年就更新一次.. 所以，可能我以上講嘅都係廢話～

我唔係抗拒玩串流，我好欣賞而家嘅串流系統嘅便利性添。其實十幾年前我都投入好多精力玩CAS, 當時市面上仲未有現成嘅串流產品，又或者已經有，只係數量少，唔覺眼啦。

只係相比起已經好成熟，比較容易出到好聲嘅CD系統，目前我唔想花太多錢落仍然喺起步階段嘅串流產品啫。

我而家只係希望可以安安靜靜咁聽10年…7年都OK啦..好音樂，到時再諗系統更新啦🙏

以上意見，純屬係小弟以個人嘅偏見，同狹窄嘅視野 所堆積出嚟嘅個見，小弟獻醜了。如有令各位師兄感到不屑 或 不快嘅地方，請隨意指正，等正確、健康嘅玩音響觀念得以伸張。🙏🙇🏻

ConstantK

投票Innuos。音展佢地高層現場打碟，又好聲，音樂都好有品味。玩sacd都幾好㗎，起碼一部機可播cd同sacd，唔駛煩。自己係水皮嗰種，覺得洗水，renderer等等太複雜，攪唔掂

TChan

師兄其實分別是基於什麼原因選擇以上四款串流機呢…..

racewong

shankircheis 發表於 2025-9-7 14:07
又唔係特別鍾情嘅，只係CD/SACD Player 系統設置起嚟簡單。唔似得串流系統，又Streamer 又Music Server。 ...

嗯, 你誤解我的意思了. 我意思是不需執著SACD, 只要靚錄音, CD已經夠靚聲了.

我成日話, SACD既數據幾高都無用, 都係要輸比玻璃CD. 這是鐵一般的事實.

玩CD也可以, 簡單好聲.

反之串流就麻煩少少, 但優點係網上音樂成千萬首比你聽.

依家有好多初燒玩家, 我都會建議佢地玩串流, 聽到好聽就買CD支持下. 儲夠咁上下CD就可以買部CDT.

黑膠都係一樣.

racewong

TChan 發表於 2025-9-7 16:18
師兄其實分別是基於什麼原因選擇以上四款串流機呢…..

其實仲有好多款呢...哈哈

pclai2000

我同你見解一樣都係鍾情CD機多啲。用緊ESO KO3XD.因為家裡買落吾小SACD,CD.仲可以用嚟播MQACD.自己早幾年用開部電腦仔搵朋友裝咗個snake oil.跟住Lumin興起就買咗個Lumin U1 Mini經USB去部KO3XD度當解碼用。聽串流係方便聽吓新歌。啱聽嘅就買碟。玩到早幾年就開如學人玩黑膠，原來黑膠可以好靚聲。由其聽翻啲8-90年代廣東黑膠(你喜歡呢個年代啲歌的話)聽古典原來啲動態可以好勁。依家主要都係聽黑膠同CD多。串流都係好小攪佢了

shankircheis

TChan 發表於 2025-9-7 16:18
師兄其實分別是基於什麼原因選擇以上四款串流機呢…..

首先基於佢哋都係純數碼輸出，唔會將成本消耗喺Analog輸出嗰part，理應有更好嘅Digital輸出。
其次係考慮價錢相若。

TChan

shankircheis 發表於 2025-9-7 17:30
首先基於佢哋都係純數碼輸出，唔會將成本消耗喺Analog輸出嗰part，理應有更好嘅Digital輸出。
其次係考慮 ...

是的，選擇器材每個人嘅目的或者慾望都唔一樣。
我自己選擇純串流機就主要三個方向：
1. 數碼輸出一定要齊，AES、同軸、usb、IIS都𣎴可少，因為我個人非常喜歡玩不同線材；
2. 可以對應的播放軟件一定要方便好用；
3. 最後就係考慮自己個荷包。

shankircheis

racewong 發表於 2025-9-7 16:33
嗯, 你誤解我的意思了. 我意思是不需執著SACD, 只要靚錄音, CD已經夠靚聲了.

我成日話, SACD既數據幾高 ...

哦～明白了。醍醐灌頂！！真係冇思考過點解玻璃CD夠膽賣成皮嘢！仍然有咁多人肯埋單..
得槍王親自確認玻璃CD嘅價值，44.1Khz / 16bit 都好夠玩！👍

racewong

pclai2000 發表於 2025-9-7 17:25
我同你見解一樣都係鍾情CD機多啲。用緊ESO KO3XD.因為家裡買落吾小SACD,CD.仲可以用嚟播MQACD.自己早幾年用 ...

我以為依家大部份燒友都係串流與黑膠

racewong

shankircheis 發表於 2025-9-7 18:13
哦～明白了。醍醐灌頂！！真係冇思考過點解玻璃CD夠膽賣成皮嘢！仍然有咁多人肯埋單..
得槍王親自確認玻 ...

玩好44.1 CD先係皇道..

說穿了其實我只係唔鐘意SACD太少選擇...

bigpun1975

racewong 發表於 2025-9-7 18:48
我以為依家大部份燒友都係串流與黑膠

你講我呀

racewong

bigpun1975 發表於 2025-9-7 18:53
你講我呀

ME TOO

pclai2000

racewong 發表於 2025-9-7 18:50
玩好44.1 CD先係皇道..

說穿了其實我只係唔鐘意SACD太少選擇...  ...

串流太繁複。要攪好多關口先會靚聲。一來吾識，二來冇心機研究，三來播CD落部機就播到簡單得多 但玩咗黑膠之後連CD都好小買。有新歌就係揀黑膠嚟買