本帖最後由 raymond430 於 2011-9-5 14:13 編輯
回復 77# Manson
分別真係好大,畫面有好明顯提升(歸功於HQV1900 chips),我個女一望個畫面已經話:靚咗喎,d色都深咗(鮮艷實淨)!
聲音方面,暫時用Auto setup已經有好好表現(對我個人嚟講),不論密度,前後左右包圍感,連貫,弱音細節,力水......總之整體有大幅度提升!
試功夫熊貓: 大豹逃獄一段,眾弓箭手舉箭時由左前->左後->右後->右前,還有箭射入牆身時所產生嘅震盪回音好明顯,細微嘅聲音都聽得清清楚楚.
Hits Man David Foster : 聽Michael Bubble 唱 Home 呢段,人聲好自然從容,感覺好耐聽,舒服.
Stevie Wonder : 聽Part Time Lover 及Superstition, 節奏感及現場感好正,觀眾和唱聲來自兩旁,唔係前置喇叭兩旁,而係前後置之間嘅兩旁,真係好興奮(估唔到5.1都出到7.1聲效......自欺欺人)
星期六晚睇阿朗的故事,尾段電單車比賽時d引擎聲好迫真,梳化都感到有dd震(十仔只係用Energy M8),及至炒車爆炸嗰一刻.....插曲也許不易......好正好感動,整個廳都充斥著歌聲.....再加上小弟及太太嘅淚水和伸鼻涕聲.....嗰陣都唔知係套戲內容還是部機嘅感染力所致.
今次升級令我感到好後悔.....後悔點解咁遲至升級,工欲善其事,必先利其器嘅道理,原來真係永恆不變嘅定律! |