自從上次YAMAHA RX-A3010 Show多次近距離與毒氣王Patrick一齊set機之後，係佢身上學咗唔少調校秘技，一於趁住幾日假期，閉關調好對雙sub，兼且同大家分享一下我嘅調校心得。
我參照咗毒氣王選用嘅調機片段＂變型金剛 3＂Chapter 20，狙擊手從大廈偷襲狂派果三吓槍聲，先係部BDP度 set 定 A/B repeat，因為呢幾o野好狠，可以好容易咁分出超低音嘅細微分別，好適合用嚟調校 Phase、Layout、Level 同埋 EQ...
第一槍
第二、三槍
擊中
先睇睇圖了解一下我家居的器材擺設.... 
註：睇戲時先會將梳化移去中間位
準備好試機片段之後，先熄咗後面隻Revel sub 嘅 power，點解唔直接係部AMP度set呢？因為實地試過，只係部AMP度set某隻sub off的話，其餘果隻sub會大聲咗，即係話訊號唔係獨立俾兩隻sub嘅，所以一定要熄咗其中一隻 power 嚟教。以下落嚟嘅調教除咗Layout之外，全部都係先熄一隻 power然後獨立調校另一隻，而兩隻sub都係將音量調至12點位置做參考。
先熄咗隻 Revel 試 MK 嘅 Phase，聽一聽隻 Normal 定係 Reverse 會實淨d
之後再熄咗隻 MK 試隻 Revel
反覆嘗試幾次之後都係覺得兩隻同時set normal會實淨d... 
跟住落嚟就係set EQ。由於我兩隻 sub 各有所長，MK出名夠狠，而Revel墊底不俗，所以我利用EQ調校將佢地嘅特性盡量發揮！因為Y記中階AV AMP係可以獨立調教兩隻 sub 數據，而佢嘅 EQ 設定亦甚有彈性，當中有三個唔同嘅設定，包括(1) 設有四段band可供調節 (band)，而每段 band 可以+6db又或-20db，甚至將兩段band重複一個 Hz 加至12db或減至40db；(2) 四段 band可以隨意微調 Hz (Freq)，仲有 (3) Hz 同 Hz 之間可以調校 Q 值嚟減低band與band嘅影響力，總之就好玩；同埋好難玩啦...
因為MK主打Punch打心口位，而墊底可以完全唔洗預佢交番俾Revel做，
所以先將第一個band改到最低嘅31.3Hz將佢-8db，再將Q值調到2.520減低影響隔離個band
第二個band我將佢調校到49.6Hz，呢個位打心口已經開始感覺到，
所以重+5db，Q值維持1.00與之後個band保持線性
第三個band調校到62.5Hz，+4.5db延續心口位，Q值維持1.00
最後一個band調校到125.0Hz，因為唔希望同前、中置設定之低頻(80Hz及90Hz)重疊，
所以將Q值調至1.587加強滑落位，然後一直減至-1.0db為止
大致滿意 MK 嘅 Punch... 
搞掂完隻 MK，就輪到炮製隻 Revel。Revel特性墊底量大，所以唔可以俾佢同隻MX-250重疊太多，否則果段好易會矇！
要將最低果浸帶起，所以先將第一個band調校到最低嘅31.3Hz將佢+2.5db，Q值唔郁維持1.00
第二個band調校到39.4Hz，+2db已經足夠，Q值維持1.00與之後個band保持線性
第三個band校至49.6Hz，呢段已經開始同MK嘅頻段重疊，
所以只+1.5db讓佢開始滑落，Q值亦跟隨調至1.26
最後個band教至78.7Hz，Q值大幅加至4.00令此段直線下墜，之後再將佢減至-4db
校好兩隻sub試聽一下，果然三吓槍聲幾大分別，
MX-250 "櫈櫈聲"，而Revel"轟轟聲"，正...
最麻煩嘅EQ終於set好，跟住落嚟嘅就比較簡單，就係調校Layout。Y記有三種唔同嘅擺位設定，分別係Left + Right；Front + Rear；同埋 Monaural x 2，由於我兩隻sub擺位係一前一後，所以我一直都係參照部AMP嘅預設去設定為 Front + Rear，但毒氣王話超低頻變數好大，好易被家居佈局同家俬擺設影響，所以都係耳聽為實。
開晒兩隻sub邊聽邊轉設定，估唔到三個設定裡面，Front + Rear係最無料嚟，
唔好問我點解，可能係互相抵消咗d低頻都未定。
反覆係Left + Right 同埋 Monaural x 2 之間不斷A/B 比較，
原來Left + Right低頻係最實、最行...
到最後Level一欄，呢part真係好講求用家嘅喜好，小弟初玩AV時認為只要超低夠"行"、夠狠、夠勁就代表套器材堅，不過玩得多聽得多，先發覺黃金比例先至係最重要。超低頻調得太多會蓋過好多細節位，影響成套器材嘅整體表現。到呢個位，我建議大家用多幾隻經常試聲嘅BD去調校，我就梗係攞番隻試機天碟＂功夫熊貓＂試幾段啦！邊睇邊聽調校音量就可以了。
話雖然靠自己口味嚟教啫，但點都有少少技巧嘅，都係先熄咗隻Revel齋聽MK，
調到支槍可以"行、狠、勁"，但唔可以變咗支炮。
跟住開埋隻Revel同MK一齊聽，調到墊底接住punch位出就啱晒。
原本兩隻係要加多3db，不過唔想部AMP太大level輸出俾兩隻sub，
所以直接扭大兩隻sub嘅音量至1點位置。
大炮踏腳果吓好有質感
爬上去攞炸彈時"boom..boom..Boom"夠狠
天橋對話時心跳聲出番嚟
正...，得咗...
調校好睇戲subwoofer設定，當然要set多個俾睇演唱會用啦！或者你會問，乜聽演唱會同睇戲有需要唔同嘅設定咩？當然有啦！睇戲講求刺激、埋身，但聽演唱會就希望舒服、耐聽、像真。而我隻MX-250因為太punch太硬嘅關係，演繹鼓聲時都幾難聽，所以要係EQ同Level作出相對性嘅調整。
先將前、中置由原來嘅small轉為large，增強前面音場嘅質感。
將隻MX-250 EQ大幅度減低，令難聽嘅Punch聲降低。
Revel墊底聲相對較適合聽演唱會，所以會擔起大旗，而EQ亦比較線性。
最後Level都係同調校睇戲一樣，
互相配合之下聽多幾首歌就好易搵到合適音量，
我就攞咗隻Hitman Return嚟試喇！
今次的Subwoofer調校篇，只是憑著小弟累積玩AV的十多年經驗；
使用過四代Yamaha AV AMP過來人身份；
以及從毒氣王中偷師後而編寫出的，
當中可能有不少謬論請大家千萬不要見怪。
而所有設定及數據只是透過小弟套低級器材調校得出，
絕對不可以完全套用於閣下的優質器材，謝謝...
係唔係我所講咁堅？信不信就由你喇！ | 
IP卡
狗仔卡
發表於 2011-11-22 01:31:03
提升卡
置頂卡
沉默卡
喧囂卡
變色卡
顯身卡
發表於 2011-11-24 14:07:02
有機會來參觀下學下野就好啦