一代線王Hintel的家

pepsiman

Hiendy 家訪交流室 ( 2010年9月號 之二 )

編輯&圖片:  Pepsiman
文字:   豬賓賓

    大家好，賓士兄弟(百士佬&豬賓)又同大家見面.... 本應家訪交流室係每個月同各位見面一次，但係反應實在太熱烈，Pepsiman個電話比人打爆咁濟.... 為咗答謝大家嘅支持，依家每個月我哋會出勤兩次.... 到訪各位影音愛好者家中交流一下，如果未輪到嘅朋友，我哋會盡快安排，再次多謝各位捧場...  
    言歸正傳，眾所周知，屯門有位T姓影音大師開班受徒... 但其實......呢樹仲有位隱世猛人，人稱線王(網名 hintel)所在，今次家訪交流室好榮幸可以訪問呢位高人，好讓我哋揭開線王呢塊神秘嘅面紗....


一個線王的誕生!

     其實在讀書時期嘅hintel，已經係一個非一般嘅學生，雖有點胖，但玉樹臨風... 外表不算俊朗，不過心思細密... 朋輩愛聽四大天王，他獨愛蔡琴；男同學愛溝女唱K，佢偏玩HiFi ..... 因年青時銀両不多，所以hintel就經常到深水埗一帶搜羅一啲平價而且C/P值高嘅線材，例如: Mogami、Canare、Gotham、 Northwire、Belden等等.....，買回家後就自己DIY... 久而久之，對線材嘅結構、聲底、以至特性都有深入嘅了解，從而產生濃厚嘅興趣，朋友間對於線材有什麼問題，都第一時間揾佢問一問，所以就被朋友冠以線王之美譽了....

     要訪問hintel 呢位猛人，唔多唔少會有啲緊張... 可能係咁嘅原故，訪問當日，筆者竟然落錯車，搞到要步行二十分鐘才到目的地... 而另一邊廂，三個儍佬(Pepsiman、kleehkg、hintel)，就從荃灣抬隻重六十幾磅重嘅 JL110 到主角屋企作一個十仔PK 戰... !!!


公仔佬嘅JL十仔慘被倫為汽車喇叭



高佬KEN一手攬住隻JL孔武有力



為咗保住隻JL十仔，出動三個大漢一齊抬



     一行本應四人，期間兩位屯門之友daken和stanley2468聞風而至，令是次家訪更加熱鬧...

   既然稱上線王，線材方面一家唔會馬虎，等我同大家介紹一吓...


器材列表

TV  ：Panasonic 42PY800 Plasma (PC:古河314AG II)



AMP：Pionner VSX-LX51 (PC:Oyaide 2.0, HDMI: supra HF100)



BDP : SONY S370 (PC:原裝Cable, hdmi: saec 810) (家訪後購入)



POWER AMP: Adcom 7400 (PC:原裝Cable ,RCA: oyaide pa02)



MEDIA PLAYER : M3 (PC:nanotech 301, hdmi: supra hf100)



SPK ：Monitor Audio BR5 + BRLCR + BRFX

BR5剪咗個箭豬頭好有型



BRLCR中置放o係地下以木腳墊高射向皇帝位，聲畫合一



BRFX後置擺放在皇帝位兩側，包圍感不俗



喇叭線選用敏力線行Double run bi-wire



SUBWOOFER ：SunFire HRS-12 (PC: AET HCR EVO, RCA: taralab rsc sub)

識得用pepsi-pizza，高手中嘅高手



STB ：MTV3000 (PC: 古河314AG, hdmi: supra hf100)



POWER BAR:  Oyaide MTS-6 (PC: Northwire double run)



Game centre: Xbox360 (PC: nanotech 4003, hdmi : qed reference)



超低音之擺位

      測試以M3作訊源，此機俾到筆者初步嘅感覺係操作反應十分之快，而且菜單及wallpaper亦很美觀... 首先播放末世天書和蜘蛛俠3，一貫 Monitor Audio 嘅爽快聲底，中置出人聲亦十分圓潤，音場亦很連貫。試末世天書Chapter 11攻打木屋一段，清楚聽到手動機槍聲在屋內轉了一圈...而蜘蛛俠3 主角與小綠魔追逐一段，襯底嘅管絃樂聲亦十分好聽... 使到成段戲嘅氣氛都有所提升，聽得出hintel很用心去調校。試完呢兩段，Pepsiman與kleehkg都覺得低頻有啲焗促同帶點朦... 拍檔立即提出改變超低音之擺位，由原先左後方牆角，改為右前置旁邊，再將原先前後擺放嘅前置，擺回在同一距離。



從新再試以上兩段戲，聽出嚟啲低頻係開揚兼生猛番... 但係就變得冇咁實淨；咁點做好呢？拍檔走近超低音將相位作每45度之調校，由0、45、90、180 度，每個相位聽一次，得出嚟嘅結果係45度相位低頻最實淨，力感最好...{:5_528:}
Pepsiman表示：一般玩家認為相位係從十仔嘅擺放位置而設置度數，不過實際環境往往會影響出嚟嘅效果。而我認為要調校好一隻十仔，最好就係搵個兄弟幫手，一邊聽一邊調校相位，直到低頻最實嘅時候，就係最佳嘅設定...
調校好位置及相位後，已經冇晒之前朦同焗嘅感覺勒!!!


超低音PK戰!!!







       今次嘅主角係Sunfire HRS-12及JL 110。其實响今次PK戰開始之前，筆者嘅心情的確有點忐忑... 何解？筆者都係Sunfire Subwoofer嘅用家，一直對佢嘅表現都非常滿意；亦聽過某大師講：佢未曾聽過一隻表現好嘅JL Subwoofer... 冇錯…上次响公仔元老度聽呢隻JL110確實感動唔倒我！咁今次嘅比試，會唔會比身價低一半嘅Sunfire偷雞成功呢???
       首先出場係Sunfire HRS-12，試機片段轉為28週後和 Iron man2，喜愛 Sunfire嘅朋友會欣賞佢營造氣氛嘅強項，低頻一浸浸，無打心口嘅感覺；唔鍾意佢就覺得佢又肥又慢。好勒，試完大家就記住HRS-12呢個感覺.....
      
       再到JL110，放好位之後hintel就用JL Subwoofer嘅收音咪，插落隻JL110 度作一次自動音場校正.....





       大家都屏息靜氣，等待着JL110發功。都係試番28週後，一開聲，已經感覺到同响公仔元老度聽好大分別，隻JL速度快，包圍感强，雖然唔係打心口feel，但亦令人感受到一份狠勁，成個音場都變得豐滿起來；此時眼見Hintel目瞪口呆... 時而雙眼反白... 經各人診斷之後，相信都係中咗JL 之毒... 當大家都沉醉於JL乾淨、收放快、迅變力高之低頻中，已經唔知道跳到邊一段戲，到筆者有番啲知覺嘅時候，已經係播緊龍虎門，火雲邪神大戰王小龍一段。當時王小龍嘅一句話，令我非常深刻，他道着：火雲邪神，你好慢呀！....  彷彿隻JL110向隻HRS-12講一樣，亦可能係在坐各位嘅心聲。至於結果，我諗都唔需要我多講喇掛.....




方便與質素之取捨

        席間，大家都認為新一代嘅Media Player無論畫質以及方便程度都比以往的更加進步；但係穩定性和音效質素始終是一大弊病...daken曾經試過有晚想睇戲，但係部Media player開極都開唔倒，真令人為之氣結...所以最後都係買番部入門Blu- ray Player以便不時之需。再者，雖然現在的Media Player大都能夠對應Dolby True HD及DTS MA等高清音效，但之前拍檔都作過一個詳細比較，發覺無論聲音嘅高低伸延，又或者音效細緻度，甚至包圍感，都同一部正正式式嘅BDP有一段距離。hintel之前部Pioneer 51-FD已經離開佢差不多一年，而佢亦漸漸習慣咗部M3嘅音效質素，近排亦諗過upgrade套器材。經我哋分析之後，認為hintel如要提升聲畫質素，首先係需要買番部BDP，其實個頭(訊源)做得唔好，就算升級喇叭、Amp，或者Subwoofer都唔會有好嘅效果。經我哋忠告之後，hintel終於在家訪後幾日，買咗部Sony BDP看門口。經hintel在A/B比較之後，發覺兩者嘅分別頗大，終於發揮到自己套機應有嘅威力，當唐開心番晒...

後記.....

       在家訪嘅時候發生咗一段小插曲，當試緊隻JL110嘅時候，突然跳制，成套器材冇晒電。後來發覺，可能隻JL110太過勁及太過震嘅關係，連拖板電源線嘅IEC尾都震鬆埋，所以呢隻10吋嘅超低音真係唔講得笑。



今期家訪交流室又要同大家講再見喇，請各位密切留意下期啦，拜拜...

kachow

原來線王個名係咁黎既

Sunfire同JL 110個價又真係差成倍. 不過就可以帶黎另一個層次既av享受..

maner394

豬賓賓......篇文好正.....好生動睇完好似親身經歷一樣.........

Hintel

原來線王個名係咁黎既  

Sunfire同JL 110個價又真係差成倍. 不過就可以帶黎另一個層次既av享受.. ...
kachow 發表於 2010-9-23 01:38

kachow兄,
個名是大家抬舉我{:5_99:} 這裡有好多真真正正線王(我只是玩啲入門線材{:5_99:} )

bigpun1975

覺得線王係咪玉樹臨風呢!

Hintel

THX Pepsiman, 豬賓賓同KEN兄家訪

andy88

就算只影高佬既背影 依然感受到其俊朗

bigpun1975

回復 6# Hintel


嗰晚玩得好開心, 隻JL 真係好勁, 真係要對佢重新評估

ki45

座地嘅 Monitor Audio
我屋企放唔落

cyberken

hey.....cool!!!!!!!!!!!!!!!
remember that my JL not fully run in yet...
may i ask where is my JL now?

cyberken

fat boy, time to upgrade your subwoofer la.......

pinkhung

回復 10# cyberken


    今晚用嚟玩煲臘

chrisclw

回復  Hintel


嗰晚玩得好開心, 隻JL 真係好勁, 真係要對佢重新評估
bigpun1975 發表於 2010-9-23 01:52

又唔叫我去聽!

kachow

hey.....cool!!!!!!!!!!!!!!!
remember that my JL not fully run in yet...
may i ask where is  ...
cyberken 發表於 2010-9-23 02:12

我諗你隻subwoofer已經打散左..長期放係公眾地方比人瞻仰..

bigpun1975

hey.....cool!!!!!!!!!!!!!!!
remember that my JL not fully run in yet...
may i ask where is  ...
cyberken 發表於 2010-9-23 02:12

I think in    R 33

bigpun1975

又唔叫我去聽!
chrisclw 發表於 2010-9-23 02:15

    唔係我約人架

cyberken

I think in    R 33
bigpun1975 發表於 2010-9-23 02:17

   

kleehkg

cyberken 發表於 2010-9-23 02:27

    借得出得嚟玩，預咗唔見同唔還.........

kleehkg

我諗你隻subwoofer已經打散左..長期放係公眾地方比人瞻仰..
kachow 發表於 2010-9-23 02:16

    R.I.P.

cyberken

借得出得嚟玩，預咗唔見同唔還.........
kleehkg 發表於 2010-9-23 02:35

damn! where is my Eso? ur place? report lei?