Franco Serblin 同好會

MetalNuts

一休大師

Kraftwerk2 發表於 2012-4-30 16:43
I think your place have stronger義大利氣氛than mine with your Franco Serblin Accordo.  ...

I hope so............

ensemblefai

一休大師 發表於 2012-5-3 20:07
I hope so............

大師,
Accordo 要比玩一般書架有耐性 先有好的音場,低頻

一休大師

ensemblefai 發表於 2012-5-3 21:09
大師,
Accordo 要比玩一般書架有耐性 先有好的音場,低頻

oh!!!!!I see!!!!!!thanks!!!!!!!!

tofu

其實煲500hrs係咪當真？

ensemblefai

500個鐘其實好小,係啱 啱有嘢聽的基本

一休大師

ensemblefai 發表於 2012-5-3 21:43
500個鐘其實好小,係啱 啱有嘢聽的基本

煲喇叭既歷程系真系幾辛苦，但亦系一種享受。

一休大師

      好啦，Accordo來左我屋企接近一個月了，系時候講講關於佢既野啦。

    系開箱既時候，發覺佢既手工除左靚之外，就連包裝，附件都好細心照顧周到。系安裝既過程當中，組裝不算太困難，唯一麻煩既地方系喇叭同埋腳架連接既地方，需同時接駁喇叭線之餘，仲要收螺絲，將喇叭同腳架組合一起。講起螺絲，不得不提的就系，真系連螺絲都好靚架。而底板同企柱連接方面，同以往SF一樣，都系用四口鋼牙螺絲連接，問題不大。完成整個組裝過程后，只要裝回原裝釘墊，咁就完成架喇（釘墊都系好靚架 ）

     組裝完成后，先看看佢既外表，哇！！！！！真系好靚！由底板至企柱，再到喇叭，每一個位置都充滿著藝術細胞。例如喇叭身既木紋，呈豎琴狀既面網，喇叭面既皮革，電鍍既配襯，每一個位置都配合得天衣無縫，而且不同既角度同弧度更突顯這對喇叭的風格。

     系材質方面，只要用手輕敲喇叭箱頂部和側邊，不難發現厚度會有不同，而頂板和側板之間夾合了一塊鋁板，雖然我唔明白點解要咁做喇叭箱，但明顯系經過精心調配既。企柱系選擇木質，而中間系空心既，內側旁邊貼滿了吸音棉。而底板方面都系用翻類似鐵既金屬去製造，再電鍍一層chromium上去。

     系聲音方面，小弟暫時已將佢煲了大概120個鐘，感覺同以前SF喇叭比較不同的，就系中性了不少，高中低平衡度，都做得好好，尤其是低音方面，冇左以往累贅的感覺，從容有層次，有分析力，系一個非常靚既低音，雖則下潛力同重量感仍不能與座地式喇叭比較，尤其Ktema添。如果同Ktema比較既話，你會發現佢同Ktema低音既表達方式系唔同既，而中音方面琴聲既木質感，系做得非常好。而分析力方面，系樂器既表達上，亦做到幾高既還原度，例如鋼琴，小號，長號，大提琴，中提琴，小提琴，長笛等等，都做得非常之好。有好多人系留意銅管方面，只留意佢既金屬感，但系質感就比較少留意，而哩方面佢都系做得比較好。當然，例如大號，低音大提琴同埋定音鼓，哩類低音樂器，Accordo明顯系基於書架所限，未能完全還原，但亦已經做得很好。系人聲方面，雖然冇以往咁甜美，但就多左一份傳真度。至於高音，感覺非常之幼細，分析力好不在話下，就連流暢度都系非常之好。Accordo我最欣賞佢就系一個自然既分析力，佢做既野唔需要刻意話俾你知，而系可以輕鬆自然地感覺到，令到你聽歌不是一種壓力，而系一種享受。音色上，大體都包含著古典既華麗感，而音場方面，Accordo亦系做得非常之好，深而且大，俾到你一種好grand既感覺，自從803D離開左我之後，已再冇聽過哩種感覺，而Accordo來左我屋企之後，就令我有翻失而複得既感覺。速度方面，雖未達至很高速，但亦夠表達演繹著既意思，如果有聽開古典既朋友，應該知道，其實系速度方面，對於古典來講系好重要的。系定位方面，由於暫時擺位方面未測試到最佳的效果，所以感覺佢唔算系D針點式既定位。至於透明度方面，由於Accordo體積比較小，所以都非常之容易做到！而整體上，Accordo系比較適合聽古典類型，Jazz，同人聲，如果大家想聽rock，大爆棚之類，咁就唔好搵佢喇！

    系調教方面，普遍螺絲收上去既力度，都系以緊就算既方式，而擺位方面，說明書系要求大內傾，但系地方尺寸方面，如果要跟足佢，系香港寸金尺土來講都算幾難，而實際測試方面，我也嘗試過大內傾的玩法，效果真不是味兒，系哩個情況下唯有自己動手去調教一個適合自己既內傾角了。釘墊方面，我嘗試過唔用佢原裝釘墊，效果又系我不喜歡的，尤其系聲音上，感覺有點兒雜，所以，我都系暫時用翻原裝釘墊先。由於佢既腳架系用三點釘設計，所以調教平水既時候真系非常容易和方便，值得大贊！！！！

參考器材如下：
Accustic Arts Drive II
Accustic Arts Tube-DAC II se
Accustic Arts Pre I-mk3
Accustic Arts Amp III
Franco Serblin Accordo

deserts

一休大師 發表於 2012-5-4 16:28
好啦，Accordo來左我屋企接近一個月了，系時候講講關於佢既野啦。

    系開箱既時候，發覺佢既手工 ...

代理現在冇現貨，想試都冇得試!

tofu

入會鳥

一休大師

tofu 發表於 2012-5-4 17:48
入會鳥

恭喜哂 !

tofu

一炮雙響
別蕉早今晚肯定pat pat開花，成班野獸排住隊招呼佢

benfsy

tofu 發表於 2012-5-4 17:48
入會鳥

功起功起

benfsy

一休大師 發表於 2012-5-4 16:28
好啦，Accordo來左我屋企接近一個月了，系時候講講關於佢既野啦。

    系開箱既時候，發覺佢既手工 ...

大師
你ga報告非常精彩

tofu

大師,有幸拜訪貴府,獲益良多,小弟體會到你所形容的聲音

















好很毒

一休大師

多謝各位收看，不過對accordo真係幾正架，依家好少喇叭唔走音效性架啦！相信老人家投放左唔少心机 !

一休大師

tofu 發表於 2012-5-4 18:42
一炮雙響
別蕉早今晚肯定pat pat開花，成班野獸排住隊招呼佢

一次過買左兩對? 是否當晚一同與你上來我家的個位型男?如果係....我想同別蕉分番D佣呀！嘻嘻嘻…

tofu

一休大師 發表於 2012-5-4 22:01
一次過買左兩對? 是否當晚一同與你上來我家的個位型男?如果係....我想同別蕉分番D佣呀！嘻嘻嘻 ...

條粉腸咁都叫型
我呢D叫乜

一休大師

tofu 發表於 2012-5-4 22:06
條粉腸咁都叫型
我呢D叫乜

叫做俊男囉 ! 同我走嘰路線一樣

tofu

一休大師 發表於 2012-5-4 22:11
叫做俊男囉 ! 同我走嘰路線一樣