本帖最後由 kachow 於 2012-5-25 17:23 編輯
呢個測試雖然唔係等價比拼. 但係都係同一牌子入面既級數分別. 亦都係我手頭上有既器材黎一次比較. 今次用左2部Anthem機3個玩法比較.
1. MRX700 (7隻喇叭)
2. MRX700 + A5 (5條mogami 唔知乜既RCA)
3. D2v + A5 +A2 (7條mogami 3173 XLR)
我屋企喇叭係Focal Electra cc1008Be 中置, 2隻SR800,2隻SR700 surround喇叭, 2隻Revel M10 前置. 除左Revel外. 隻隻都係大件野. 尤其中置. spec要求40-200W. sub仔用JL113, 第一環節, 就係最原始亦都係最終極既測試方法, 就係用對耳仔. 
1. MRX700
最初都係得呢部. 無比較下, 真係一流. 皮幾野做到咁既鬼佬表現. Surround表現尤其精彩! 出到d弱音效果出黎, 真係同我以前用正常程序set既日本機好好多. 唯一用完佢個ARC後個中置要set大返2個db先聽得到好多細節同人聲可以清楚d. 不過咁做有時令到d效果聲又大過頭. 但係整體因為surround表現出黎既空間感吸引住. 令到呢d問題唔太覺眼. sub仔控制可以聽到我想要既初型. 我想要既首先要盡量令sub仔隱形. 亦唔好得個潛, 得一浸野顫低就算. 最終極係想低頻跟surround走..即係邊到爆就感覺到個度有低頻. MRX700我乜都唔洗搞就比到個初形. 已經相當唔錯. 整體聲音係有時去到d好極端既聲效時有d去唔盡既感覺. 例如極刺耳位, 爆炸既尾聲. 都比較難感受到.
2. MRX700 + A5
整體感覺最大分別係隻中置. 人聲再分得清楚d, 細節表現程度比就咁MRX700為高, 其餘喇叭感覺分析力高左. 細節清析度亦提高. 整體包圍同氣氛都好左. 比就咁MRX700更加覺得置身現場. 亦都感覺Anthem同其他鬼佬牌子既分別. Anthem真係無Cary, Krell, Lexicon個類既天生刺激感強. Anthem我都要用d比較加快少少既線去就就, 而每種聲效裡面可以聽到好多detail位. 而今次有d極端聲效位真係去得盡好多. 但係感覺有d失控.  , 尤其中置正常人聲背景聲都比一部MRX700分析力高. 但係當一d刺激位既聲音有時覺得over得太緊要, 有時又唔夠喉. 而sub仔改變不大.
3. D2v + A2 + A5
7隻喇叭連埋sub仔既改善真係相當明顯. 像真度相當高. 每件物件產生出黎既聲音都相當岩比例. 睇福爾摩斯中間有d烏鴉飛過由surround到前面都岩比例又細緻. 之前700或者加A5會感覺大左同誇張左. D2v既控制能力相當高. 所以亦都無再人手加減db, 而低頻方面終於做到終極想要既溶入電影中既聲音. 爆潛都無問題. 亦都改善左JL 一味大大舊得個狠勁既性格. 再加埋一D極高頻既處理. 會感覺有d未必聽得到既聲音. 亦都無700+A5咁有d失控既情況, 感受到好真實. 極刺耳既聲音係比到你好難受既感覺. 非常嘈炒既環境會比到你好豐富同detail. 飛車場面絕不會拖泥帶水. 係你則邊片過就片過. 比我感覺每隻喇叭之間既連貫到相當高. 我屋企有好多傢私甚至高櫃阻擋聲音. 但係都無任何斷開感覺. 用700時都會有少少唔夠連貫. 我初初都擔心Anthem太過強調聽歌都可以. 雖然佢分開左Movie同Music設定, 但係我自己都擔心會唔會睇戲時唔夠放? 無理由我買部AV Amp係想睇一D musical 既子彈橫飛場面掛.. 不過隨住我睇完一齣又一齣戲. 就真係唔覺得有任何同音樂味有關既聲音出現.
比試既第二回合就係用比較科學理智既Room correction圖表睇睇究竟分別左係邊. 因為我都驚因為心理上一早覺得D2v貴過700咁多. 一定好聲呢d主觀諗法. 以下係三個圖, 分別係700, 700+A5同D2v + A5. 我只放其中4隻喇叭既圖表出黎. 廢事太過複雜. 因為其他喇叭既結果都係差不多.
首先同大家講下點睇呢個圖表. 每一個表代表1隻喇叭. 每幅圖有4個喇叭做緊測試. 而聲音由低至高發生. 即係表裡面講既20-20,000Hz(Frequency), 再用Mic收音. 聽聽呢隻喇叭對所有頻斷既表現如何. 藍色虛線代表喇叭最完美出聲既效果. 祖紅色線代理我屋企度出黎既表現. 而綠色就係Anthem幫我改良左既表現. 目標就係越貼近虛線越好. 人耳所聽既通常最高係15,000Hz左右.而唔同頻段都係做緊唔同既聲效. 例如人聲大多數係500～2000左右. 而高過15,000Hz雖然唔係人人聽到. 但係聲頻透過震動會令到你感受到. 以最簡單黎講越高Hz代表越高音.
第一張係就咁一部MRX700. 雖然實際度出黎(祖紅色)都有好多山丘同大山, 但係基本上Anthem都幫我(綠色)模擬到最貼近完美(虛線)既頻段. 特別想提Anthem MRX系列只可以幫你修正到5,000Hz. 高過5,000係唔會處理. 要去到AVM50先會全頻處理. 而中間起伏位除左喇叭,Amp影響之外,最主要係屋企環境, 任何不良既聲音反射位都會做成不規則既表現, 而MRX700對所有喇叭都有個大缺點. 就係大約到10,000Hz左右就不段衰減, 呢個其實係部Amp唔夠力推隻喇叭既問題. 一係換細d watt數既喇叭. 一係要部大力d既amp先得. 其實後級都可以講一大個topic, 除左watt數, damping factor, 牛都好多因素令到夾起喇叭上黎會match D, 不過呢方面我唔係專家, 反而經常賴野. 所以都係等高人出黎講講. Subwoofer既模擬線其實都做得唔錯. 雖然都有少少起伏.
第二張係就MRX700 + A5後級. 最明顯係無晒10,000Hz不段衰減既問題. 不過因為MRX700唔會做高過5,000Hz既修正. 所以之後既表現都有d失控. 中間起伏都比較多. 睇黎加後級對我屋企真正幫助係令到d喇叭係10,000Hz以上有返d聲. 不過失控.
第三張係就D2v + A5後級. 大家都明顯睇到修改(綠色)後既起伏位明顯減少. 尤其去到200Hz後非常貼近完美線(虛線). 而5,000Hz後既修正令到失控情況完全改善. 而最正係sub仔除左開頭少少山丘..其餘都同條完美線無乜差異.
睇左呢三幅圖再同我耳仔聽後感比較. 其實都係類似. 圖裡面既山丘位點整平其實唔簡單. 最容易係換下線, 擺下喇叭. 複雜d係搬下傢私, 最大鑊係搞下d牆. 無一定標準做法. 但係起碼比到個指標你. 呢個都係我鐘意anthem既一大原因..
去到呢度. 我亦都同我記憶中聽過既Cary, McIntosh, Krell,lexicon比較. 我感覺Cary, McIntosh, Krell比較動感十足. 好容易掌握到戲院有既質素同氣氛. 而Anthem就比較精細d. 樣樣都表達得層次豐富d. 所以空間感大增. 不過如果去到McIntosh, Krell,Lexicon呢d頂級AV器材比較. Anthem既戲院氣氛感仲有改善空間. 但係細緻程度絕對有過之而無不及. 不過後天既改善都好重要. 例如喇叭, 擺位, 線材, sub仔, 呢d做得好. 我覺得係做到一等一效果. 呢方面我仲學習中. 
|
IP卡
狗仔卡
發表於 2012-5-25 17:08:09
提升卡
置頂卡
沉默卡
喧囂卡
變色卡
顯身卡
