續上
8.siltech explorer 180ix：簡單D講，就好似迷你版既signature咁，平凡中帶一點siltech味，當然由於siltech出品，乜嘢尖硬薄都唔會出現既，但如果你想好似signature咁既表現，當然冇乜可能啦！整體上平平均均都唔錯既，如果唔想搞甘多野既話，又無需要各方面既表現都好出色的話，只想安心聽歌，基本上系冇乜不足，但系對於有要求既人士，可能哩條線又唔會俾到D乜嘢你。
9.vdh integration：系一條幾有音色既線，高貴華麗聲底，以佢既價錢來講，有咁既高貴音色，都幾超值既，人聲來得都幾順滑，幾甜，無奈平衡度差少少，低頻比較輕身，我想大喇叭會比較適用，或者是低音比較肥既都合用。
10.mogami 3173：哩條線用系數碼同模擬傳輸方面，聲底都系一致既，分析力夠，細膩，系覺得聲音太過工整，冇乜出錯既位置，感覺就好似“架仔”西裝起曬骨，非常之整齊，而我則比較喜歡西裝可以唔攝衫，條tie可以松翻D嗰隻，雖然條線系好靜，但系就靜到好似有D焗咁，令我想起一條電源線，都系類似咁既聲，就系belden有屏蔽嗰隻，而我就喜歡冇屏蔽嗰種感覺，生動活潑咁就最好啦。
11.canare L-2t2s：哩條線有樣野，大家多數都估唔到，就系高頻伸延同空氣感，雖然冇乜貴氣，但起碼都做到哩份感覺，不過佢既中低頻比較薄D，所以人聲感覺上都比較薄，不過哩個價位既線，都冇乜可以要求，如果平靚正要用佢既話，最多只可以用一對，用埋要夾厚聲既組合。
12.canare L-4e6s：哩條線既平衡度都幾好，樣樣野都平平均均，可以系同一個組合裏面用幾對都得，由於系錄音室線，速度同奔放度都無需要懷疑，無奈系比較吵D，同埋偏明位多少少，不過如果你聽下電吉他，你會發覺佢D彈跳力都幾好，平價中值得一用。
13.canare da206：系用佢做數碼線既時候，都幾超值，D聲正路過正路，真實、直白，有類似link direct s 既感覺，但系如果用佢來做信號線，性格同數碼線差唔多，惟獨有一個重點，就系泛音唔夠，D聲太乾淨，過死，所以我覺得哩條要來做數碼線系比較適合既。
14.analysis plus digital oval：哩條又系極之超值既數碼線，音場、泛音十分之好，整體上有音色之餘，都可以保持到個平衡度，干同硬都唔會系哩條線身上搵到，系一條正宗既hifi線，而用哩條線既時候，只系需要留意一樣野，就系如果你本身套機系低頻偏少，咁就不宜用佢。相反用佢就最正確不過，其實個落差都系差少少噶啫，要求高D既人，先至留意哩點都未遲。
樓主: AS881
IP卡
狗仔卡
發表於 2012-9-29 22:46:23
顯身卡
呢个世界原來真係有好人！哈哈！
