「末日最終開箱」Entreq Silver Minimus 銀地盒

史的墳

話說之前用過舊版地盒（Tellus 同 Minimus），雖然好聲，但驚喜不大，最終都決定不長用......

但前幾日收到多年代理老友的感召 ，叫我試下新返的 Entreq Silver Minimus，試下同舊地盒的分別。跟據網上資料所示，新的銀地盒主要改變除了本身的銅沙和火山礦石外，再加多了 30% 份量的銀沙在裡面，另還將內部的線材也全改為銀線。

老友話用於接駁黑膠唱盤，效果比其他 source 及硬件來得要好，佢仲話冇效果佢「切 J」咁話........  咁我見呢幾日又放大假，咪無聊試下囉....... 但唔試由自可，一試收唔到科！！

拎到返屋企，接好晒器材（Triplaner 臂線的地及黑膠盤的地不接 Burmester 100 Phono 的地，而直接接到銀地盒上，Phono 並沒有接到任何地），安放好地盒於器材架上，讓它內裡的沙沙石石安定兩、三小時後，正式試聲！

聽返自己耳熟能詳的人聲及古典黑膠，聲音的改善程度可以話係 O 晒嘴，非常誇張，聲音分隔度大增，高低伸展更加明顯，更加立體..... 本來自認為已經靜如深海的黑膠系統整體寧靜度再度提升了，毛噪及噪音少到近乎零，可以話黑過黑洞黎形容，好自然地聽野時聽多好多細節，樂器位置更加分明，整個音場的深闊度也擴大了、深了，強弱動態對比更加強烈！！ 但最緊要最緊要的一件事，這個銀地盒居然可以帶出類似在頂級線材先擁有的高貴氣質，呢種貴氣我曾幾何時只在 Siltech 皇冠系列先感受過，真係千金難求...............

我亦在代理處當場試過如加埋最細個隻 Entreq 老鼠仔責在銀地盒上面，效果更誇張，但價錢自覺不成正比，最後放棄。

在家試左好耐（十幾隻膠有多），真係聽到唔想拆佢，在冇辦法，心力交煎的情況下，我只好乖乖咁樣俾錢科水，親自擁有它慢慢細歎。

用左呢個銀地盒後，我真的覺得這是我 2012 年買得最開心的器材（之前買得覺得最開心的是 Clearaudio Statement 黑膠唱片鎮），沒有浪費購入這物件的金錢。我覺得它不單單是一件音響附件，他直情可以當是一件音響器材看待，它的表現比起買條貴貴的線材還要好，貴線都未必有佢咁好的表現，起碼在我家是完全正面的。但要記住，它不能使到一套衰聲的音響組合起死回生，但它能使一套正路組合發揮出更好的效果。

依家覺得自己套音響真的好聲了很多，很多...........

我強力建議如之前用開舊細或大地盒而有正面效果的，務必要立即 upgrade 到銀地盒，不是吹水，表現真的超乎想象，當然如銀彈許可，直上 Tripoint Troy 富貴地盒啦！！

一個平平無奇的木包裝盒，內裡裝左 Entreq Silver Minimus   


梅花頭縲絲，要搵工具批先開到，使唔使咁神秘（多謝華哥指正，這並不是六角匙）


開了後，一堆雜草，說明書，仲未見到個盒


正面全相


背面全相


安放後之相


又再一次全家福


最後，在價錢方面，我只知道街價是舊地盒價的一倍價錢，詳細的價錢我不知道.....

mac1

原來真係有細銀地盒！

mac1

史Sir,有畝跟埋銀地線呢

ncwah

恭喜史兄, 個箱Ｄ縲絲不是六角頭,正確係梅花頭縲絲

史的墳

mac1 發表於 2012-12-29 18:21
原來真係有細銀地盒！

銀大地盒成部後級咁大！！ 比舊版仲要大五份一，嚇輪死我

史的墳

mac1 發表於 2012-12-29 18:22
史Sir,有畝跟埋銀地線呢

借左返黎同 jensen 比拼中......

mac1

史的墳 發表於 2012-12-29 18:23
銀大地盒成部後級咁大！！ 比舊版仲要大五份一，嚇輪死我  ...

我買細地盒時都見過大嘅銀地盒！真係巧鬼大！sales哥哥話大嘅銀地盒，非常毒的！用左就基本上除吾番！一直駁落去！

史的墳

mac1 發表於 2012-12-29 18:27
我買細地盒時都見過大嘅銀地盒！真係巧鬼大！sales哥哥話大嘅銀地盒，非常毒的！用左就基本上除吾番！一 ...

我呢個地盒如加埋最細個隻老鼠責上面效果更誇張，但價錢自覺不成正比，最後放棄。

mac1

史的墳 發表於 2012-12-29 18:24
借左返黎同 jensen 比拼中......

我都買左兩條jensen銀線！好底用！原裝果條好似差吾多10x的價錢！

mac1

史的墳 發表於 2012-12-29 18:30
我呢個地盒如加埋最細個隻老鼠責上面效果更誇張，但價錢自覺不成正比，最後放棄。  ...

E個細銀地盒應該一定劇毒無比！

tcflex

師兄，從 phono 接地到地盒，定從黑膠盆接到地盒，因已有地從盆接到phono

史的墳

tcflex 發表於 2012-12-29 18:51
師兄，從 phono 接地到地盒，定從黑膠盆接到地盒，因已有地從盆接到phono

我反覆試過，臂線的地直接到地盒效果最好！

史的墳

mac1 發表於 2012-12-29 18:27
我買細地盒時都見過大嘅銀地盒！真係巧鬼大！sales哥哥話大嘅銀地盒，非常毒的！用左就基本上除吾番！一 ...

mac 兄你用緊係舊地盒定新地盒？

mac1

史的墳 發表於 2012-12-29 19:23
mac 兄你用緊係舊地盒定新地盒？

我吾知呀 但我是大約兩三個星期前新買的！

史的墳

mac1 發表於 2012-12-29 19:29
我吾知呀 但我是大約兩三個星期前新買的！

下？咁有冇 silver 個字響前面？

舊細地盒如圖

mac1

史的墳 發表於 2012-12-29 19:31
下？咁有冇 silver 個字響前面？

明白！我個是不是silver 的！

史的墳

mac1 發表於 2012-12-29 19:32
明白！我個是不是silver 的！

唉屍！！快快 upgrade 啦咁

mac1

史的墳 發表於 2012-12-29 19:33
唉屍！！快快 upgrade 啦咁

巧........毒

redoctober

咁毒？冇效果就切？
師兄有冇試用在其它機例如cdp or preamp？

ac816816

精彩呀!!!

我睇好快就有好多好多二手舊地合出售嫁喇! (各位師兄準備好未呀!!!)
同時 Hiendy 又會有好多開箱文了! 哈哈~