星期六(10/07)中午,我帶同相機與一班hiendy師兄戰戰兢兢踏入觀塘區,
為的是"尋找一個壞人的故事",一直流傳著壞人的影音組合是比陳列室更強,
到底是怎麼樣的影音境界呢?希望能夠在最客觀的情況下告知大家.
~ 待續 ~
~ 續 ~
(家居及器材介紹篇)
2010/07/12
我地一班AV師兄弟步入壞人住所,發覺地方非常合適家庭影院之用,
面積有11.5呎 x 21呎黃金比例,在場各師兄弟都投以羨慕眼光...
但壞人兄說道: 唉... ,你地唔知咋,我每次睇戲都要將張飯枱搬去廚房度,
隻幕先至落得到,之後再要另轉張梳化嚟坐,睇次戲都要好大工程o架,
好在之前有幾位師兄幫我將o的喇叭裝晒上牆度,否則睇戲仲慘過做'尖'呀...
邊講邊與師兄搬走飯枱準備開場
之後再將梳化移位,造成前後座供六人觀賞
家庭影院初步完成
隻屎超活120"幕亦可順利下降
壞人再拿起一卷膠紙忙碌著將窗簾布貼好避免漏光
壞人 : 由於呢度窗口漏光非常嚴重,每次都要用膠紙貼真麻煩...
cannon.hk : 你可以去瑜伽傢私買一度卷廉,睇戲時咪可以拉落嚟唔洗咁麻囉... 
壞人 : 有時間去瑜伽睇睇先,唔該... 
當壞人忙於事前準備時,我發覺隻18"超巨大十仔竟倒臥於牆角,而且角位已有爆裂現象,
同時與擴音機距離非常遙遠,壞人兄是怎樣接駁呢?
壞人 : 呢個位係經我多次以耳仔試聽及以儀器量度出o既最佳位置,
由於要遷就隻幕o既關係,只好將佢瞓低啦... 
可能瞓得多,所以隻角咪爆咗囉... 
至於點樣可以駁到咁遠?咪就係用加長線囉,無計啦,鬼叫呢度係最佳位置咩.
開場前先看看器材實物:
前置Dali Ikon 1
中置Dali Ikon vokal 2
後置Dali Ikon on wall
十仔Velodyne HGS 18
壞人器材全面睇(再加多一個靚仔)
投影機JVC 350
hdmi線材
經過一輪熱身後(搬傢具),戲肉終於開始,大家都很緊張到底壞人的傳說是明付其實,
或是明過於實呢,一時間各人屏息以待,110"大銀幕正式亮起...
先以一套十仔殺手"北極快車"卡通揭開序幕......
~ 待續 ~
~ 續 ~
(北極快車篇)
2010/07/14
今次家訪交流室第一集,而且由小弟親自操刀,當然不會錯過試盡器材的機會啦,
這套北極快車卡通片,相信有不少會員都領教過,特別親臨過小弟舍下的會員,
嘗試過火車埋站十仔MK MX-250的低頻還原本領,一定會留下深刻印象,
更有會員為一試家中十仔實力而特地選購,可想而知這隻只有D.D聲效的籃光碟確是利害.
Chapter 2
嗚~嗚~.....嗚~嗚~.....,o隆~o隆~o隆~o隆~o隆.....
充油式電暖爐發出的嗚嗚聲,非常鳴亮,Dali Ikon喇叭系列的鋁帶高音加震膜高音雙劍合壁下果然利害,
繼而發出火車的o隆o隆聲,在埋身衝擊力確與MX-250有些少距離,
但是;18吋低音單元仍能造到很多十仔未能造出的氣勢,而且速度絕非想像中慢,只是欠缺一點點壓迫感.
而壞人兄面部流露出滿意的表情說:
Velodyne HGS18, 用左超過10年,夾過無數组合,從不脚軟,鬆容深潛,收放快,但少左打心口feel.
Chapter 5
跳到第五段,電影描述到一張車票從車卡中飄走,繼而有雪狼及火車從左邊畫面迅速駛往右邊,
由靜止到劃破寧靜在一秒中發生,動態非常大,亦是考驗喇叭及擴音機的實力,
而這套器材能鬆容地演繹出來,壞人兄則有以下的說法:
好多人話onkyo聲矇,事實係我度就唔覺,力猛同音場出,我鍾意聲效推前先有壓迫感.
而Proceed power amp力猛dyanmic勁,聲底似Mark仔.
車票最後從火車底中經過,聲音從前中置伸延至後置,是無間斷的,是考驗擴音機分析力的場面,
但今次壞人的器材在這方面有點兒不逮,表現只屬一般,而對這壞人兄有這回應:
Onkyo906始终都係中價機種,係大場面控制方面未夠班
Chapter 9
這場火車在冰湖上出軌一段,場面浩瀚且配樂緊張,在巨大的十仔包圍下,氣氛異常緊張,
各人都仿似身在其中,恐怕除著火車墮進冰凍的湖水內.
"Dali原因係聲底清, 亦令中底部分弱, 好在HGS18夠量托番dali 不足之處" 壞人說道
以這套北極快車小試壞人的器材,暫時來說是好壞參半,可能由於今次參與家訪交流室的會員太多,
要遷就每位會員座位導致效果減弱,希望接下來的電影可發揮器材的應有表現.
~ 待續 ~
~ 續 ~
(南京南京篇)
2010/07/15
緊接著北極快車出場的,是近期戰爭片中的佼佼者"南京南京",
電影以黑白拍攝來營造出當時的情景,令觀眾更加投入.
Chapter 4
日本軍隊經過教堂後,再於大街中掃蕩,就是小兵忽略援查一輛坦克車而被從後掃射,
子彈四處無軌跡地亂飛,士兵一個一個的被擊斃,五隻喇叭忙得不可開交,超低音此刻亦不獨善其身,加入戰團,
隨後我國反日列士再與日軍埋身肉搏,子彈聲此起彼落,再加插手榴彈發出boom boom聲,小弟仿佛置身其中,
小朋友從子彈帶中退出子彈的聲音鏗鏘,鋁帶高音應再記一功.
Chapter 5
日軍有疏忽時,我國列士也犯同樣的錯,讓日軍扭動風鼓通風報信,最後我國列士慘被圍攻掃射,我軍士兵從坦克中受傷跳出,
子彈聲從右前置直射到士兵頭部,然後倒地身亡,聲音的傳神,中槍的質感,我在座位都能感受到.
接著機槍再猛烈掃射,突然有一聲槍聲從左後置直飛到右前置,這一槍是我在通利陳列室聽過後再無法尋回的,
不禁嘆了一句: 就係呢槍喇,我屋企係搵唔到o架!
黑白片對現今的投影機確是一個大考驗,在沒有色彩的支援下,要造出電影感和立體感,
需要高對比度及高流明,更何況投110吋畫面,真的是少一點功力都難以過關,
壞人兄在這方面有以下的說法:
由三槍機時代玩到單槍機,JVC350色彩靚,電影感一流,簡單易用,幾下功夫巳tune好,唔使好似三槍機咁麻煩
~ 待續 ~
~ 續 ~
(叛碟追擊篇)
2010/07/17
被子彈轟炸一輪之後,小弟正想找套試環繞聲音效的電影舒緩一下,
怎知會員claero一個箭步,已把那隻叛碟追擊(一)放進光碟機內,
說起這套叛碟追擊系列,除了電影情節緊湊,試機位亦相當多,
而據大豬賓兄稱,英版藍光碟套裝只售二百多塊錢,真有衝動立即把它擁有.
Chapter 1
電影開首講述主角麥廸文在大海中飄浮,雷雨交加,加上電影配樂節奏明快,
令觀眾很快便投入電影之中,而由於壞人兄的喇叭全都靠牆安裝,充分利用每一角落,
加上由如迷你電影院的空間,令整個聆聽範圍都充斥著雷聲雨聲,很有現場感呢!
Chapter 10
這段戲試環繞聲是最好不過!主角與殺手在叢林間鬥智鬥力,生死只在一線之間,
嘭….被驚嚇的烏群從地上向上飛,並從前面飛到後面,並且發出鴉~鴉~的聲音,好不暸亮.
轉個面,主角用鳥槍擊中殺手右肩,繼而倒地身亡.這幕在幾個網友家中都只能見到主角的黑色外套,
但壞人的投影系統能清晰看到黑色外套內是另有一墨綠色冷衫,可想而知屎起活幕料確是名不虛傳.
Chapter 19
主角在樓宇內被敵人圍攻,無法退守只好孤注一擲,運用純熟的自衛術及槍械與敵人短兵相接,
連轟數槍後子彈殼跌落地上,不單只聽到,甚至可以看到(註:當時畫面沒有播出),
之後地下的槍手以機槍向上掃射,雖然聲音是震耳欲聾,但一眾會員亦看得津津樂道.
既然來得第一集,會員怎捨得不看第三集呢?
叛碟追擊(三)
Chapter 10
主角麥廸文為了保護女同伴,與敵人在城市中穿插相戰,由於取景地方是窗接窗戶接戶,
而導演亦特別使用手持攝影機式手法拍攝,再配以節奏緊湊的配樂,令觀眾一併也緊張起來.
配樂部份由環繞喇叭負責管弦,而超低音則擔起敲擊樂,相當合拍.
Chapter 16
這幕汽車追逐戰可算是當日最令人吃驚的一段,主角駕駛奧廸房車擺脫警方追捕,
場面極具震撼力,主角由如蝙蝠俠上身一樣,從停車場墮下,硬撼警車以及橫掃石壆,
都傷不到主角一根頭毛,亦阻不到他的去路.
汽車追逐少不免有汽車碰撞聲及玻璃粉碎聲,而這套電影還原得分外傳神,再配上壞人兄的Dali喇叭,
有幾聲玻璃破碎撲面場面,我見前面會員身有動作,不由自主地將身體快速移往右邊閃避,
見他身手敏捷,應該可避過這些玻璃碎免受毀容之苦.
經過兩套緊張刺激的動作片後,大家都需要一些喘息空間,壞人兄就利用硬碟播放機M3播出麥當娜演唱會,
讓大家耳朵舒緩一下,並喝點汽水補充水份.
期間,有會員指出喇叭高音部份有過多的情況,令耳朵有不適的感覺,壞人兄表示因早前看硬碟時要將就M3的暗瓦聲音,
所以在EQ裡將高音部份調高,以致用藍光機播放時有這種情況出現,稍後會將高音下調至適當水平.
~ 待續 ~
~ 續 ~
(歲月神偷+赤壁(2)篇)
2010/07/22
休息過後,有會員從背包中取出兩隻藍光碟,第一隻是赤壁(二),大家都興奮地叫起來,這隻碟在影音方面都比第一集出色,
特別是諸葛亮妙計借箭,包圍感極高.至於第二隻,莫講小弟愕然,就連壞人兄都不禁問一句: 嘩!呢隻試咩呀?
原來該會員拿出的是隻歲月神偷,該會員連忙解釋道: 呢隻有段打十號風球果段好勁o架!
正好玩了這麼久都沒試過一隻人聲的光碟,於是我一手將光碟放入影碟機內,並選出有關片段播放.
十號風波吹到
中置喇叭在狂風中仍能有很清晰的表現
港產片一向聲效誇張,這套片難得有段可發揮環繞聲,製作人當然不會放過機會啦.
剎那間整個客廳就變成刮風球般,呼呼的吹過不停,環繞聲出息已是預料之內,
但在狂風當中主角對話依然清晰才是難能可貴.
上文提及赤壁(二)是一隻好碟,就以該段諸葛亮借箭一幕再測試一下壞人兄的組合,
首先成千上萬的利箭從天空向著同一目標飛去,伏伏的箭聲射過不停,我亦感到高處有箭聲飛過
之後諸葛亮(金城武飾演)在船內對話,在箭聲左右穿插之下亦相當清晰,
更沒有因中置安裝在天花板而感到與主角不對咀型的情況.
在安裝喇叭這方面,我特地向壞人兄請教一下.
壞人表示:
原本未掛前中置上牆喇叭時, 臨睇戲時, 走鬼檔咁玩, 麻煩到極.
最初的家庭影院面貌
好多師兄都會奇怪点解我將前中置喇叭掛上牆同天花? 因為玩三槍机時, 投影幕巳裝係窗口位,
當時未婚, 想点玩都得, 喇叭放廳中間都無問题. 有了小兒後, 根本不容許咁玩法,
又要放置餐桌於螢幕下. 當時想法係, 一係放棄大螢幕, 一係將大螢幕搬位,但螢幕實在太大,
根本無位比依家位置更好, 我亦捨不得放棄大螢幕.
一直諗緊如何解决..., 上網搜集資料,睇下其他人點装置家庭影院,
外國網站都有很多家庭影院照片參考, 但討論中置聲道上天花就很少.
跟幾位師兄討論過我o既構思, 第一個反應就係 '會吾會有酒樓叫咪效果, 耶蘇叫你' 之類.
都係果句, 唔試過又點知唔得呢? 當然我都會搜集更多資料支持我o既構思啦.
畫好圖樣就訂造膠架上中置喇叭, 而左右前置喇叭掛架就最後有師兄出讓,
再得到幾位師兄幫手一一將前中置喇叭掛上.
現在效果真係唔錯, 中置喇叭完全融入畫面, 好似透聲幕效果一樣.
將前置拉開放, 令音場更闊, 空間感更大.
現時睇戲就將餐桌搬過一邊, 自己睇梳化不用搬就可以開場,人多才要搬動梳化.
平時餐桌在螢幕下,亦不阻位置.
我很滿意現在自己家庭影院o既傢具位置同影音設置,
互相献合!
~ 待續 ~
~ 續 ~
(忍者刺客篇)
2010/07/28
香港及中國的電影表演過後,是時候到近期韓風大熱之電影出場了.
由韓國型男Rain主演之"忍者刺客",戲中飾演一名武者,有徒手及兵器的對打戲.
電影內容暫不評論,但當中第15-18段,就是不可多得的試音試影的佳品.
鏡頭從地面徐徐升上,多名埋伏著的忍者已磨刀霍霍守候著士兵的來臨,
而壞人兄的聆聽室亦隨著背景音樂的節奏提升,將緊張氣氛推到更高峰.........
JVC350投影機投放110”畫面更有助大家融入電影之內.
忍者一個一個的躍下,飛鏢一個接一個的從四方八面飛到士兵身上,那種血腥實在令人毛骨悚然.
這段講述Rain在室內與一眾忍者埋身肉博,飛鏢的軌跡,以及Rain揮動的鐵鍊,
雖不至於可觸摸得到,但由ikon系統演繹下,更感到兩種武器的鋒利和尖銳.
最後由室內打至戶外,仍然是考驗投影機的黑夜追逐戰,
JVC350投影機在忍者衣服的黑與汽車金屬的黑,有著明顯的分別,但在快速動作下,仍有拖尾殘影的弊端.
~ 待續 ~
~ 續 ~
(訪問編)
2010/09/03
百事佬: 最想入手或者更換咩o野器材?
壞人兄 : AV preamp, 如 onkyo 5507, cary 11a, 加mult-channels power amp
百事佬: 對影音有咩o野心得分享?
壞人兄 : 要用盡家裡所有空間放置喇叭先有好效果,搵易推o既喇叭,聲要中性d,
一定要玩投影,平有平玩,吾係聲畫比例吾合一,超低音一定要比例上投資多d先有好效果,
一定要影音分家,吾使用太多錢玩av線材.
百事佬 : 如果hiendy要搞器材比併,你會選邊樣器材?
壞人兄 : Subwoofer
百事佬 : 玩AV最大o既阻力?
壞人兄 : 1)錢, 由現有器材再提升,所需投放o既錢比例上要好多,先再有明顯改變或改善.
2) 家庭, 小兒早睡, 基本上星期一至星期五都無得炸機,tune機都係小兒睡後細細聲攪, 不能作準.
百事佬 : 如何愛上AV等等?
壞人兄 : 讀中學時巳喜歡音响同影象依樣興趣, 後來走左去玩2 channels同AV,
斷斷續續咁玩, 停過一排, 後來係網絡認識一班同好, 又玩番AV
百事佬 : 多謝今次讓hiendy家訪.
壞人兄 : 唔使客氣.
~ 完 ~ |
IP卡
狗仔卡
發表於 2010-7-12 01:44:11
提升卡
置頂卡
沉默卡
喧囂卡
變色卡
顯身卡
發表於 2010-7-12 04:18:56
發表於 2010-7-12 12:47:45
真係正到唔捨得走
