本帖最後由 kachow 於 2013-5-31 15:03 編輯
黎到最後一步. 就係換左核心既擴音機. 上次試完金仔, 感受到石機既分析力同精確度, 開始就了解下自己希望係d乜野聲效, 但係發覺自己好百搭.  加上如果揀到去10萬或者數十萬既機, 音效上已經有一定水準, 係至在音色上點樣先岩自己心意. 所以不斷走訪唔同代理, 再自己諗清楚想點配搭. 其實我買每部機返黎, 未必有功力可以玩盡佢, 但係都希望盡自己知識同時間玩好佢. 所以買之前都花好多時間去研究同搵資料. 其實大家都知, 係代理聽同屋企聽好多時間都係兩回事. 但係好難叫代理一一借晒黎試好先諗買乜. 但係一洗又幾十萬, 所以都係要靠自己收集意見.
最後決定左呢套Soulution 720旗艦前級同, 501 mono-block後級. 先講配搭, 其實應該買返7系710後級, 不過得知711將會登場代替710, 而如果要特別訂做過710要等既時間又耐, 所以最後決定501 mono-block, 如果將來711黎左, 價錢自己負擔到就upgrade上去. 加上720可以校gain,萬一真係相差得遠都有得補救. 不過好彩黎到不負所望.. 先黎開箱圖
開箱過程都相當驚喜, 首先720相當重, 成30KG, 重要用木箱加羅絲封實, 開左後發現原來每部機都有張測試圖表, 非常認真, 而包括501在內, 每個用黎包住機既布襟都好厚. 而其他門面野都做足, 手套, 箱中箱.... 
買機後, 跟住見到網上報導, 岩岩完左既德國慕尼黑音響展中, Focal + Soulution組合得到好多人讚好同選為最好聽組合之一. 所以其他朋友知道我係呢個組合都對我期望好大. 雖然我呢套係縮水版既音響展組合, 人地用Focal二佬Stella, 後級最新7系711. 仲要係架王CMS, 不過都知道我有責任玩好佢.. , 所以駁好晒之後馬上聽下會係點樣..
一開聲, 第一樣令我好感動係個種幼細度, 同高密度既感覺. 我初頭諗法係Soulution應該係d好舒服嘆世界個仲feel, 所以潛意識係Soulution可能比較平淡d. 慢d, 高低伸延比較無咁盡, 點知係令一回事, 當我聽d勁歌時候, 第一次感受到聲音可以從好高處出現. 而低頻令到sofa有共震之餘, 個種爆發力既速度驚人, 層次感係非常之好! 而我終於明白soulution點解會比人覺得舒服. 因為經歷呢d咁複雜既音樂, Soulution都可以好有條理地表現到出黎, 所以唔會令我覺得亂, 好容易就陶醉係呢個音樂世界. 而呢兩日都不斷聽唔同歌, 亦都叫老婆黎試聽, 佢聽開張學友, Mariah Carey之類既流行曲.
我同佢講今次換機由6舊變返4舊. 所以平左又慳位左.. 咁佢覺得我今次係downgrade. 所以佢都問左我好多次係唔係考慮清楚架, 好難有人接受downgrade喎, (其實我庵住半邊咀笑, 今次呢個upgrade我最少洗多左十幾廿個..不過公司出左B仔,又賣左d機, 又去旅行, 博佢唔知個戶口突然間咁多數出出入入, 計唔掂. )
佢聽完, 佢話, 點解仲好聽個之前既?  人聲同樂器唔會嘮埋一齊, 又或者人有人唱, 樂器又分開晒唔溶合. 呢套機真係好流暢同自然. 人聲同樂器分配得好好, 亦都好立體, 我玩咁耐hifi, 我老婆認真讚過我套hifi好既得3次, 第一次係部emm labs XDS1, 第二次係套Anthem AV. 呢次係第三次. 佢成日聽埋晒d好刁鑽既流行曲. 所以好難一套系統全部到岩聽. 今次佢話呢套掂.. 而我都見到佢真係讚套機, 唔係敷衍我, 因為如果平時敷衍我個d係聽兩聽就話ok喇, 跟住就羅部ipad玩FB, 今次佢聽左好多首歌.. 
不過現在都只係到手兩日, 一來要煲煲睇下我d線,擺位有無得改善, 所以離玩盡套Focal同Soulution真係好遙遠. 不過我今次既又換機之路都接近尾聲. 跟住落黎可能會係"又換線/架"之路..
|
IP卡
狗仔卡
發表於 2013-5-30 15:38:14
提升卡
置頂卡
沉默卡
喧囂卡
變色卡
顯身卡
，dream gear！
very nice
發表於 2013-5-30 17:47:22
