長者入車廂 一個倒頭睡 一個玩手機

hksarac

長者入車廂 一個倒頭睡 一個玩手機

港鐵沿線的花生供應又再斷市了。繼女學生不讓座給孕婦被拍照公審兼評論相貌，以及港男拍照公審女子不坐過隔離讓他可與懷孕妻子一起坐之後，今日又有人網上開庭審理一男一女懷疑拒絕讓座給長者的民事糾紛。

上載相片的網民Wing Wong指出，她昨日在西鐵南昌站上車，當時有兩位老人家一同上車，無位坐。兩位坐得最近長者的後生仔女，見到老人家即刻扮訓覺同玩電話。她叫他們讓座，男的說：「咁我都攰架。」女的則繼續酣睡。

大聲疾呼才有人讓座

Wing指出，兩位老人家已七十餘歲，企都企唔穩，還要帶住個幾歲孫仔。她於是大聲叫嚷：「有無人讓座呀？」不久便有人起身讓座，而照片中的一男一女則繼續就坐。

「我真係嬲到震，唔讓座已經屢見不鮮，通常我都會勸最近嘅後生仔女讓座。今次係第一次有人咁唔知醜咁用啲咁白痴嘅理由來拒絕我。香港人品格係咪已經淪陷左？」

事件在網上掀起熱烈討論，短短十小時已有近二千人轉載、近千人留言。不少人附和Wing Wong聲討兩位乘客，還說香港的年輕一代不懂禮讓。但也有人質疑二人不願讓座或有苦衷，Wing Wong不應拍照公審。

花生友留言輯錄：
正方 -
Coleman Wong：Omg！！I can’t handle this.他們是不是讀屎片！！
Joe Wong：家香港不斷與大陸接軌，要認同做中國人，所以要自私，同埋咁樣先至係香港有為的年青一輩。如果讓座，就即刻俾人話唔想做中國人，唔愛國，所以死都唔讓座！中國人萬歲，共產黨萬歲！

反方 –
Ringo Kwok Hei Ho：人哋唔肯讓座或者有佢原因呢？如果佢返工無得坐，無得休息，佢哋就畀老人家更有需要坐更需要休息！
Zenki Cheung：都係嗰句，何必要放相呢？我唔知樓主用意何在！若真有其事，那大如何？你在場叫人讓座咪得囉。你家喺度公審緊呢兩個人也不見得很有道德！

hksarac

愛心坐位用來睡覺，打機

pepsiman

剛剛去完台灣，佢地既關愛坐只會係有需要既人去坐，就算未有人有需要，坐位亦唔會有人坐落去，公民教育比香港推行得更成功呢。。

cst_hk2004

pepsiman 發表於 2013-5-31 22:39
剛剛去完台灣，佢地既關愛坐只會係有需要既人去坐，就算未有人有需要，坐位亦唔會有人坐落去，公民教育比香 ...

我前幾年去台北
佢地捷運連電動床都入得架
個人瞓係張床度其實乜都睇唔到
結果我隻腳就係咁俾佢碌過左啦

pepsiman

cst_hk2004 發表於 2013-6-4 23:55
我前幾年去台北
佢地捷運連電動床都入得架
個人瞓係張床度其實乜都睇唔到

咁嚴重...

katsui

pepsiman 發表於 2013-5-31 22:39
剛剛去完台灣，佢地既關愛坐只會係有需要既人去坐，就算未有人有需要，坐位亦唔會有人坐落去，公民教育比香 ...

香港一話要教公民教育，又會俾人話洗腦，好難攪！

tfortest

我港鐵見過一媽咪抱住小孩入車，對面2條型男即時眠咗仲要即刻眠到左擺右擺，媽咪落車後又醒番玩電話，真係有型

archimedes

katsui 發表於 2013-6-7 16:05
香港一話要教公民教育，又會俾人話洗腦，好難攪！

師兄唔好搞錯公民教育同國民教育，公民教育一直都有，就算冇左社、科、健而變成常識，都一直有教乜野叫公德心、公民既權利同義務、以身作則等等，唔知依家仲有冇ETV呢樣野，但以前小學教育電視都有教，主要對象係一至三年級既學生
唔好將公民教育混淆左，如果有係香港讀過小學，再唔聽書都唔會唔記得掛...

katsui

archimedes 發表於 2013-6-7 22:35
師兄唔好搞錯公民教育同國民教育，公民教育一直都有，就算冇左社、科、健而變成常識，都一直有教乜野叫公 ...

你都識講啦，以前叫＂社會＂科，冇一科叫公民或國民教育！另外、公民教育亦都教國家、國旗⋯etc, 我唔覺得兩者有乜分別！

仲有，讓座呢種行為，喺家教嘅一部份，如果小學先教，死得啦！我雖然讀得書少，但我家教一定好過好多人！

archimedes

katsui 發表於 2013-6-7 22:59
你都識講啦，以前叫＂社會＂科，冇一科叫公民或國民教育！另外、公民教育亦都教國家、國旗⋯etc, 我唔覺 ...

Citizenship Education公民教育，同National Education本質上係兩回事，「「公民」一詞也間中指「在一國或一地之內所有合法的居民」。依此定義，則「公民」可以是指「住在一國之內的外籍居民」或指「住在一個地區之內的居民，無分國籍」。依此界定，「公民教育」實質上不再是「國民教育」，也不一定等同於「政治教育」了。」 (「教育評議會」公民教育關注組1995年9月)
公民教育唔係局限於對某一指定國家既認同，而且往往帶有好強既批判性，同國民教育係兩碼子事
而且社會科本來就包含左公民教育你入面，係咪要再獨立出黎，情況就好似問數學入面分加減乘除，咁係咪又要將呢四樣野獨立成科?
而且小學有教既野，唔代表家長唔駛教，反而亦然，師兄，大家係小學前都已經學緊中、英文，咁係咪之後係學校就唔駛再學呢?...