早兩天收到的Black Cat Cable Lectraline RCA,即晚已急不及待收工返屋企即刻插嚟試,駁好之後一開聲.....今次大獲了
一路聽一路諗...冇可能嘅...冇可能嘅...冇可能嘅!!! 我唔相信自己隻耳仔,所以反覆聽了好多隻碟,當然是我聽開最熟悉果幾隻啦,聽咗幾首自己最常聽的歌之後.....唔係下話!!! 條Lectraline境然可以秒殺..係真係秒殺我用開貴佢4倍的S.....,真係大獲,我條線煲到熟哂而條Lectraline係新線未煲,開頭諗住唔會輸,點知...係秒殺,即係話一開聲就即輸,仲要係好明顯,輸得好慘
本來諗住煲返一二百個鐘先出報告,但係呢條線比我嘅驚喜確實好大,所以好想即刻同大家分享我嘅初部試聽嘅感覺。呢條 Lectraline一開聲令我印象難忘的是佢個分析力同低頻,而且聲音帶有一種高貴的感染力,會另你坐定定响度聽音樂,低頻是另我最驚喜的,低頻是來得極有層次,有線條,另你聽得極舒服,而約音細節亦清楚交待,層次分明,只係這些已經完全贏我之前果條,因為有好多我之前係聽唔到的,至於人聲就更利害,口型完全收斂,比之前還要細,清析在正中,而且感情豐富。 暫時初部報告完畢!!!
相信呢條Lectraline潛質相當高,他朝一日煲好之後,聲音我也不敢想像,到時再同大家報告!
|