北海道黑膠紀行 -- 2013重訪

七仔

李醫生黑膠樂園2006年介紹過, 有機會走去睇睇, 幾年後仲響唔響度 ... ... 按介紹既電話打去, 店舖仍在, 依然開業.

http://www.vinylparadise.com/LPCollec/LPShop/japan06/vinsrj06.htm

札幌狸小路, 幾乎係遊北海道必到. 無他, 北海道shopping買手信真係冇咩地方, 而北海道亦非一個shopping既地方. 輕輕鬆鬆淨係留響一條街買野, 好過日日企響舖頭門口等老婆. 就響唯一要企響舖頭門口等老婆既時間, 一於閃!

景物相信冇太大變化 ... ...



位置就係狸小路既西便最尾果條街, 好易搵. 自由活動時間, 正好去自由活動.




店內賣咩都有, 古典, 鬼佬rock, jazz, 咩都有. 如果好想搵日本本土野, 可能會失望, 日本本土碟, 只佔小部份, 日本jazz淨係得兩行, 碞就碞. 盲鼠碟得三幾隻, 標價只係ebay價一半, 可惜選擇真係好少, 而且早已經有. 求其執幾隻唔知咩料聽下.




店舖外仲有半價碟, 點都有d收獲, 平夾靚. 費事囉黎托, 執幾隻聽聽, 都有d唔錯.



同場加影, 香港排隊排到high high既一風堂.




佢老味, 個撈麵個汁, 落少少已經咸到仆街, 堪稱劣食! 好彩唔駛排隊. 呢餐唯一既意義, 係到此一遊. 之後見到一間好有特色既古老商店, 大概係成條街現存最早既店之一, 賣文具賣模型精品. 店主或佢老豆大概係當過兵, 有d黑白軍服照, 即係一見到就諗起國仇家恨果種. 櫥窗仲擺左好多軍國主義既野.




包膠完畢

diamondblack

無記錯應該係狸小路街尾，有一堆。當年我最開心係去買紅白機帶