本帖最後由 racewong 於 2013-10-17 09:07 編輯
剛到港不到一星期, 我已有幸到訪方浪代理試聽這部Weiss最新旗艦解碼, 並影左兩幅相諗住分享一下最新產品.
當然, 作為HIENDY網友的你, 無REPORT出, 你地又點會放過我呢?!
所以襯放假這個星期一, 相約方浪代理, 暫借這部MEDUS & JASON MKII 回家作短暫測試.
WEISS CD組合都係第一次進駐我家, 老闆一見到佢既賣相, 又多口問下依部係咪貴過你部AUDIO RESEARCH好多...
無可否認, 瑞士精制既機殼的確靚到無得頂, 每塊厚鋁板既邊位切割, 完全達至最高技術.
大家睇睇相片先.
雖然我今次借來既WEISS JASON / MEDUS又黑又白, 但造功靚就係靚. 我可以說, 實物既, 比相片仲要靚多20%, 以佢既賣相, 入屋應當無難度.
好肋, 講左咁耐佢既OUTLOOK, 先介紹番官方所描述既方改善地方先.
首先最顯眼既, 當然就係新既MEDUS前面板有多一個DISPLAY, 可更易睇到各樣設定及與JASON機箱更統一.
第二, 隨機送多一個金屬搖控, 依個搖控可控制全部MEDUS既功能, 包括32段放大輸出, GAIN輸出...等等.
第三, 之前講到既32段放大輸出, WEISS總設計師都建議用家可使用此放大部件, 比較一下用開既前級, 佢有信心這內置放大功能, 在音色音質音場三大要素, 都有著極高表現.
第四, MEDUS機內的環牛, 今次使用了全新物料金屬罩將佢隔離, 以至在寧靜度得到更大提升.
第五, 要數到WEISS 設計師最強的一項, 一定係篇編寫程式. 新一代既MEDUS, 就係將MEDEA PLUS既完美程式再作改進. 以達至更高水準既音色音效.
由於今次既測試MEDUS既日子唔可以太耐, 所以我只係試左大約三日時間, 這部MEDUS剛到港不足一星期, 我都驚佢究竟煲熟未架? 尤期係佢今次既對手, AUDIO RESEARCH CD8擁有主場之利, 與同廠前級REFERENCE 5se更加係合作無間, 數據上絕對匹配, 講真, 我真係有d擔心架.
當播第一首小品STACEY KENT既新碟THE CHANGING LIGHTS, WEISS專有既密度音樂感, 使我的擔心一掃而空.
丫....
我仲未講套WEISS既接線添, JASON使用ZITRON ANACONDA PC, MEDUS使用VIARD SILVER HD PC. 數碼線使用VIARD SILVER HD, 由MEDUS去前級既平衡線都係用番我對STEALTH METACARBON XLR.
今次既報告, 我想用比較特別惹火既方式去表達! 哈哈.
其實我聽過WEISS JASON + MEDEA PLUS都好多次, 原因就係我既好鄰居低音王正正就係使用此組合作. 如以記憶MEDEA+ VS MEDUS既話, 我可用簡簡單單十幾字就講完.
MEDUS比MEDEA PLUS優勝之處在於寧靜度, 音場深闊, 結像力, 線條立體感, 層次定位等等...基本上新款既MEDUS係全面提升了音質音效. 這是不用懷疑的.
只是我想講講, 如只講音色, 舊款MEDEA PLUS較厚身, 聲音有種厚度, 這令聽感覺得MEDEA PLUS既質感較好.
而新款MEDUS就青秀高貴, 立體質感帶有極級通透感.
在我聽過既頂級CDP中, 此套JASON MKII + MEDUS應可列入最前既四名之內. 但以售價黎睇, 佢亦都係最便宜既CD組合.
WEISS MEDUS建議零售價為港幣$168,000.
後話 : 大家在這報告既相片中, 見到墊住WEISS JASON & MEDUS既墊板SYMPOSIUM SEGUE (售價大約二千元一塊), 將會係我下一個既報告, 標題名稱係 ~~ 值得一人擁有一塊 (甚至幾塊) 既墊板 SYMPOSIUM SEGUE.
多謝大家繼續支持! ~~~完~~~
|