~~序~~
喇叭離箱感, 這名詞好像是只有音響發燒友才會看得懂的字句.
在我玩HIFI這5-6年裡, 早已發覺, 越大對既喇叭, 越難做到離箱感.
記得我第一對既EPOS M12.2, 第二對既EPOS M16, 前者係一對兩路書架喇叭, 後者係一對2.5路既小型座地喇叭. 在我之前既報告, 都曾提及到,
在我的舊屋, 用一部舊金仔P-102推M16可以輕易做到喇叭完全隱形, 全個音場就在喇叭後方好整齊咁出現, 立體感強到彷彿可以看到, 捉摸到一樣.
無知的我, 以為自己既擺位技術已到大師級數. 去左幾個家訪, 懶叻叻去幫人擺位! 最終結果係咩都set唔到, 擺左仲衰聲過未擺. 哈哈.
越玩得耐HIFI, 方知道我的舊屋聆聽空間係得天獨厚, 10.5尺樓底, 兩側牆相隔11尺闊, 深度係26尺. 最緊要既係喇叭後牆既窗簾布.
大家唔好睇少依塊半身既窗簾布, 佢可以將多餘既超高/高頻吸走, 令到音場既穩定度大大提高.
除左場地既優厚條件外, 我亦發覺EPOS M16喇叭既傳統設計, 亦係當中一個十分重要既元素. 因為我在EPOS M16之後, 嘗試過用ACCUPHASE A50推動SONUS FABER CREMONA,
當時我用左好耐既時間去摸索擺位, 最終都失敗, 失敗既思意只係擺極都攞唔番EPOS M16既甩箱感. 硬係有D聲會喺喇叭箱出黎...再之後搬到新屋, 喇叭就越換越大對, JMLAB MEZZO UTOPIA,
B&W N802,
KHARMA CE2.3.
全部都做唔番EPOS M16既完美音場. 
喺果時, 我先明白到, 小型座地喇叭, 加上細單元既特性就是如此, 對於香港這寸金尺土既家居環境, 極容易甩箱, 音場既完整性就更容易表現出黎.
記得我玩屏風之前果對喇叭係WILSON AUDIO WATT6, 擺位方面就比較麻煩, 因為當時我兒子仲細, 平時對WATT6只能貼後牆擺放. 聽歌既時侯先拉出離後牆5尺. 一對超過百磅既喇叭推黎推去你估唔累咩. 所以當時我聽歌多數都係o係平面音場中聆聽.
推得多都唔願再推, 所以最後我係想搵對細座地喇叭黎代替WATT6. 當中, 目標之一就係今次既主角 - VERITY AUDIO FINN.
~~初次接觸FINN~~
第一次聽FINN, 已經係三年前既一次西貢家訪.
當時屋主使用一套ASR E2合併機推FINN, 聆聽環境大戀300多尺. 當音樂響起, 甩箱感又再次出現喺我眼前, 估唔到咁細對既FINN,能量可以咁強.
當中尤以低頻最為吸引. 由中低頻打心口, 以至超低頻透過地板慢慢滲透至皇帝位都能清晰表現出黎.
中頻既分析力都好強, 我仲記得這次家 訪令我第一次聽到有靈魂既小提琴獨奏, ASR + FINN竟可將演奏者的感情好輕易咁帶出黎.
至於FINN既高至超高頻, 使用了質感強偏向柔和的表現方式表達.
這次既家訪, 就令我對VERITY AUDIO 留下深刻既好印象.
~~產品介紹 - FINN~~
Specifications
Bandwidth : 35 Hz to 25 kHz ± 3.0 dB
Woofer : 6-inch fiber pulp cone
3-inch SD voice coil
Midrange : 5-inch fiber pulp cone
Tweeter : 11-inch soft dome
Power handling : 100 watts music power
Sensitivity : 91 dB @ 1 watt @ 1 meter
Nominal impedance : 8 ohms
Minimum impedance : 5 ohms
Break in time : 75 hours (63%), 400 hours (99%)
DIMENSIONS & WEIGHT
Height : 39.5” (100.3 cm)
Width : 10.0” (25.4 cm)
Depth : 13.5” (34.3 cm)
Weight : 110 lbs (50 kg) / pair
Gross weight : 150 lbs (68 kg) / pair
~~FINN 入屋~~
大家睇到啦, 依對FINN既外皮顏色同我個木紋磚地板襯到絕, 加上細細對, 又靚仔. 唔好話我老闆, 就連我依個屏風死硬FANS都對佢流晒口水. 我唔講太多外型啦, 你地自己慢慢睇啦.
今次測試依對FINN所使用既器材名單如下.
ARC CD8 - GURU XLR - ZITRON ANACONDA PC
ARC REF.5se - CARDAS CLEAR XLR - ZITRON ANACONDA PC
BRYSTON 7B sstc - TRANSPARENT ULTRA SC - KING COBRA CX PC X 2
可能你地睇完個LIST, 第一時間就會話: 有無攪錯呀! 對FINN成91db, 竟然用到BRYSTON 7B推佢? 肯定呱呱嘈, 粗聲粗氣啦.
無錯, Bryston的確唔夾對FINN, 但依對FINN係全新開箱, 所以我諗住搵對BRYSTON用猛火煲一煲佢先再作詳細測試.
全新開箱既FINN, 經由BRYSTON 7B用600W@8OHM既猛火推動下, 真係好鬼粗聲. 哈哈.
話分兩頭, 用大火數既後級推動FINN雖然粗聲, 但講到音場結像, 佢都可以大大超出我既期望. 尤其係人聲口型既結像, 立體感之強, 我對MAGNEPAN屏風係絕對無可能做得到. 仲有FINN在中低頻既爆發力, o係佢對back fire 低音單元能充分發揮佢既擴展性及強勁既抽擊力, 令到這對咁小型既座地喇叭達至超水準的空間感與氣勢.
~~AIRTIGHT ATM-1S進場~~
經BRYSTON煲左兩個星期, 我同另一間代理借左一部AIRTIGHT ATM-1S, 原本這部合併機使用四支el34三極輸出只得34火, 但原來仲有個五極版本, 大火數D, 對一D全新喇叭黎講, 發揮會較全面.
除左4支EL34外, 當然仲有三支 12AU7 & 12AX7放大啦, 這PART在調較口味上佔著十分重要既位置.
這部ATM-1S只有兩組RCA插座輸入, 一前一後輸入, 面板只有三粒制, 最左手邊果粒就係selector選擇使用前或後RCA輸入, 右手邊果兩粒就係左右獨立音量控制, 右手邊既頂板仲有個好鬼靚仔既橙燈電平錶以供調較bais.
我用開果對CARDAS CLEAR XLR並不能使用. 代理十分細心咁跟多一對GURU RCA比我以作測試.
當使用ATM-1S作為合併機, 即由CD8經GURU樂RCA直入ATM-1S推動FINN, 開頭估計音色一定有所提升, 但論到音質密度, 分隔度, 音場大小都可能會細番少少.
但原來開聲後既表現, 比我想像中還要理想, 音色偏微暖, 夠水份, 但又不太甜. 高頻至超高都有著膽機的特性, 空氣感十足. 最估唔到係動態與低頻既下潛力, 竟能與我對BRYSTON打平手.  可能你地會話我吹水, 但如果你地留意返對FINN既SPEC. 91db既靈敏度, 就絕對明白我當時既聽感.
所以前輩們講得好啱, 越高db既喇叭, 越容易玩出靚聲. 簡簡單單一部el34, 五十幾火輸出已能將FINN全面發揮. 唔學似我對屏風咁, 下下用到幾佰火後級推佢先肯交功課. 如果煲透對FINN, 唔知部ATM-1S可唔可以改返行三極呢!? 到時咪可以再滑D, 幼細D囉. 
最後我將部ATM-1S既音量制扭到最大, 加入我部ARC REF 5se前級, 接線方面, 使用兩對GURU樂.
REF5se既加入, 令本來有小小甜味既ATM-1S再減多小小, 整體變得更清淡. 但取而代之既係分析力 / 分隔度 / 音場深闊都有十分明顯既提升.
這組合, 我一聽就聽左兩個星期, 聲音每天都變得更柔順, 細節量更多. 低頻既下潛力越黎越強. 至於我老闆, 當然最開心啦, 無左兩塊屏風o係廳中間. 哈哈.
~~總結~~
對FINN聽左成個月, 可以來一個小總結了. 這對喇叭仔外型小巧精緻, 易入屋, 仲有不同產色可供選擇. 細喇叭細單元, 極易甩箱, 基本上求其擺兩擺, 都可以做到不錯既定位了. 最正就係超高靈敏度, 發燒友好多都知道單端膽機既誘惑係幾迷人, 越大火數既膽機就越粗聲. 這是不變的定理. 我絕對相信如果使用300B推FINN的時侯, 毒死人的機會率會好高好 高.
AIRTIGHT ATM-1S, 我玩開前後級多年, 好少會有部合併機能夠取悅到我. 這部ATM-1S既性格好爽快, 又夠力, 膽味唔係太濃, 骨子裡帶有絲絲甜味, 今次配合FINN的斯文優美聲低及高靈敏度, 簡直係入門組合既首選.
~~後記~~
在這一個月既時間, 我反覆又反覆咁思考過, 玩音響係咪一定要咁大對喇叭先開心呢?! 依家搵到對細細對, 又出到滿意既音色音效, 不如賣鬼左對屏風, 轉玩FINN啦.
匹配後級方面又唔駛再咁大功率. 方便好多喎. 好似依家用一部AIRTIGHT入門機已經收貨有凸.
當然最緊要係老闆開心, 自己又可以慳D錢.
街價 :
VERITY AUDIO FINN - $52,000
AIRTIGHT ATM-1S - $52,500
換喇叭依個問題, 我到依家都仲諗緊換唔換好...
o係我諗諗下既時侯, 另一套前後級又送到我家...哈哈. 咁我唔還對FINN住lu...試埋套前後級再慢慢諗啦.
~~完~~ |
IP卡
狗仔卡
發表於 2014-2-14 10:58:26
提升卡
置頂卡
沉默卡
喧囂卡
變色卡
顯身卡
發表於 2014-2-14 11:14:14
