值得關注的超級無源前級~~~TEO Audio Liquid Pre

fatso

昨天中午有時間,走咗上中環雅典,見到有部細Size嘅機開緊聲,初聽到覺得聲音好乾淨,高分析力,有動態,一聽就知係HIEND級數的聲音,好奇心驅使下走埋去望吓,但都唔知係乜嘢機,再望吓後面.....冇電源線,才知道這部是無源前級!

此機外型十分靚仔,金工一流,前面板的牌子是成個車床出來,就連機後面板的細字也一樣,這也是我從未見過的制作,機箱用全鋁打做,再望吓後面D插,不得了,4入1出設計,輸入全用高級古河鍍金RCA插,輸出更用到WBT純銀插頭,前面兩粒大鈕制,檸落質感好正,一定係靚Volume同Selector先有咁嘅質感!

問Ken哥果然係堅嘢,佢話Volume同Selector係用瑞士名牌ELMA的產品,此牌子的Volume制出哂名,也不用多介紹了,咁夠境是什麼牌子的無源前級呢?答案就是TEO Audio,此加拿大品牌是專出Liquid線的,而且大受好評,為何如今會出部無源前級呢?

問Ken哥佢話間廠個老細都係發燒友,做線之餘也喜歡研究音響,而他也知道無源前級冇音染,乾淨靚聲,所以設計了這部用盡靚料的超級無源前級,而且此機還可以玩埋個'地',廠會跟埋一條'地'線,可加可唔加,視乎個人喜好聲音的分別。

坐低聽咗幾首歌,初部聽感,聲音非常乾淨,完全沒有音染,可以話比乜佢就出乜,Gain也絕對足夠,完全能忠實地反映出後級的實力。這部無源前級是直通車,即是內裏沒有輸出牛,訊號只是經過Volume就直出後級,所以沒有了用不同輸出牛會有不同的聲音這個問題。值得一提的就是這部機內裏的接線全部用上廠方自家研制的Liquid cable,價值高昂之餘可見廠方制作的專業及認真,而且這樣的制作近年來也極小見,所以值得向大家報告,各位有時間不防上去感受吓這部無源前級的威力吧!









係咪好'正'呢?

Rontam

真係好正,制作極之認真,謝謝fatso分享!

ozrayyau

好靚仔, 不過無源前級唔係真易玩, 訊源輸出要夠大, 後級輸入最好低抗阻, 夾得唔好冇氣冇力, 師姑尿咁

kankan821

ozrayyau 發表於 2014-2-12 17:15
好靚仔, 不過無源前級唔係真易玩, 訊源輸出要夠大, 後級輸入最好低抗阻, 夾得唔好冇氣冇力, 師姑尿咁{:1_67 ...

但一個好嘅無源前能夠玩清楚訊源嘅真正實力.

zxu

呢部野賣幾銀？

7500martin

行牛放大，定係直通volumn制？

Rontam

7500martin 發表於 2014-2-12 17:40
行牛放大，定係直通volumn制？

樓主已經寫咗係沒有輸出牛

7500martin

Rontam 發表於 2014-2-12 17:43
樓主已經寫咗係沒有輸出牛

吾好意思！眼大睇過龍！

vpkl

Performance????

Law記

kankan821 發表於 2014-2-12 17:26
但一個好嘅無源前能夠玩清楚訊源嘅真正實力.

咁咪隨時要換晒訊源器材同線材

johnmo

any inside photo

gutgut

唔知幾錢呢？

ma73

謝分享

7500martin

吾知同MFA點比？

kelvin99

7500martin 發表於 2014-2-13 10:19
吾知同MFA點比？

MFA係行牛輸出,聲音取決於隻牛係咩聲底! 無源前級的原意是直通,不經任何零件只經Volume制直入直出,這才是真正無源前級,所以好難兩部相比,此終大家設計都唔同!

CKKeung

Any inside photo x2  Thanks!

7500martin

kelvin99 發表於 2014-2-13 10:37
MFA係行牛輸出,聲音取決於隻牛係咩聲底! 無源前級的原意是直通,不經任何零件只經Volume制直入直出,這才是 ...

我都明白！以往曾試過一些訊號直通，聲音始終覺得較為單薄，欠缼質感。可能front source質素未夠班所致，最致命還是音場欠缺了有源的雄渾！直到MFA出現，才令我對無源改觀，當然各師各法，我都期待能有更上一層樓的無源前！最後我都好奇想知道Teo大約什價位？

fatso

CKKeung 發表於 2014-2-13 10:42
Any inside photo x2  Thanks!

我都想影,但我怎可能叫代理開機殼比我影相呢?

7500martin

fatso 發表於 2014-2-13 11:15
我都想影,但我怎可能叫代理開機殼比我影相呢?

假如訊號直通，部機米輕飄飄？

leoking

7500martin 發表於 2014-2-13 11:24
假如訊號直通，部機米輕飄飄？

亦可能因此唔想開俾你睇!