本帖最後由 mingson 於 2014-4-17 12:00 編輯
一直很想換喇叭,今個月終於狠下心腸,以貌取人,只揀大家閨秀入門,而決定audit三款中型喇叭嘅performance, 耳聽為實然後扑鎚
以下為四款喇叭嘅不公平遭遇:
Gryphon Atlantis:
如果買Gryphon speaker, 就可以全套貴瘋聲,不過要過港島代理試都好像不一定有喺度。一日身痕,走上去旺角某某寄賣中心,發現有Atlantis, 實物個樣一流,驚為天人,便向店員表示想試機。
店員係一個年輕小伙子,非常不客氣表示價錢好貴。
被挑機的我問價,他說15萬便繼續打機。我表示想試,又見有老麥機,心諗同貴豐一樣厚聲可以模擬自己套機。店員不耐煩表示,要轉setting要搬機,一定要事先幾個鐘約好,又再打機。我吃了一肚氣,決定放棄。
Wilson Audio Sasha:
隨後上左旺角某佳二手音響。竟然有部好新淨嘅Sasha. 佢地用左瑞典出名前後級推動,配以英國神級dcs, 效果真係不得了的好,動態逼人,三頻平均。但不知所以,總係覺得唔係自己杯茶。莫非環境影響,又煙味又有強國人喺隔離?定係自己年齡漸大,高低音感受不如往昔?
Eventus Nebula:
之後走上去旺角友誠中心,去試Eventus Nebula.
以前聽過eventus書架,感覺係清爽……
試音室剛巧有擺放Nebula, 心想可以試清楚喎。
未試之前先吹下水,問喇叭嘅特色。
莫非當天運情不佳?中年店員超簡短回答“旗艦野樣樣好”
我表示明白係旗艦,但同我用開嘅jmlab主要有咩唔同?
店員答案係,唔同牌子唔同特色,冇再講解落去。
咁大個人未試過用20幾萬嘅產品,亦唔知點解冇人show我,所以唯有遲些約代理試多次。(咁就miss左同nebula緣份喇)
Focal Scala Utopia:
一直用開focal, 唔知點解upgrade喇叭唔係太想用返,去過尖沙咀代理度聽scala,依然係清爽,低音就比現用嘅強勁好多。不過自己想有新嘅衝擊。咁啱喺呢個討論區,見有Scala特別版,品牌版主又話仲有一對,碰巧又有一個鐘時間空檔,就閃上去中環代理。店員態度超好,講解亦詳盡。一聽之下,推反以前對focal嘅感覺,高音可以好貴麗,低音當然剛勁有力,個尾係鬆左小小…中音就……算係standard focal啦。個喇叭推到唔覺喺度,空氣感亦一流,速度… 冇可能有人會話focal慢㗎喎…
最後,店員仲講到俾個好價我㖭,最後一對唔買就好快冇。
頭暈暈下,落訂走人,財散人安樂。
|