Audiolab M-DAC換火牛，結局篇

JackieEason

用隻英國RS火牛换咗原廠的牛仔，左邊個隻係原廠的


原廠係18火，RS牛就100火，大咗 5 倍半。原廠空載有16.3v，開機就14.7v。RS牛就開唔開機都一樣，15.3v


暫時用番原廠線，單純比較牛牛的聲音。琴晚一開聲，三頻均衡，冇惡聲，不過就好紧。先唔斷電煲24個鐘睇睇。

feellikecyber

Thanks for sharing

lamhokin

wa~ good try

co3derek

淨新焊口而會死下死下紧和無晒Harmony, 期待Jakie兄有100小時煲熟的報膠

LamTszHoPo@FB

有心有技術的發燒友 thx for sharing
Jackie Ching 想問下係咪所有關於音響的物件，也要（煲）一段時才會發揮出最好的性能?
Thank you

hififever

Thanks for sharing.  It seems complicated

slspp

台灣有檔野，版子係 Aune，係露天有得訂比 M-DAC 用既環牛，圍返都係千零蚊，
不過就無乜人講掂吾掂…吾知呢樹有無師兄試過呢？

Eric2004

期待..分享成果

JackieEason

LamTszHoPo@FB 發表於 2014-4-25 16:25
有心有技術的發燒友 thx for sharing
Jackie Ching 想問下係咪所有關於音響的物件，也要（煲）一 ...

chip與管當然要煲，而膽更加係生命週期中毎段日子都唔同聲，最靚聲就算係500-2000hr個段。

其他元件，基本就係三類。感性元件、容性元件舆阻性元件。其中感性元件最需要煲，容性次之，阻性煲過差别最小。感性元件除了電感外，重有喇叭、火牛、音頻牛。煲50小時開聲，100小時可以分辨音色及音貭，200小時方穏定。火牛要靚聲，就要养牛，即係7x24小時唔斷電，小弟隔離牛同DAC的External Suply就從不斷電。

IC、PC、SC因爲多使用多芯線相絞編織，所以就三種性貭都齊，所以一定要煲，煲過就大不相同。單芯線會相對簡單，不過影响聲音差别在於金属材料種類、純镀、鍍層、外壁光滑程度、以及屏蔽層。而镀層及屏蔽層與線基仍然存在容感問題，所以煲過會有不同，祇是差异會小於多芯線。而機内無镀層的單芯裸線，比如端子到PCB的一小段裸線、或膽機搭棚用的裸線，就煲唔煲都差唔多。不過此種材料真係用到少之又少。

LamTszHoPo@FB

JackieEason 發表於 2014-4-26 09:38
chip與管當然要煲，而膽更加係生命週期中毎段日子都唔同聲，最靚聲就算係500-2000hr個段。

其他元件，基 ...

多謝Jakie ching詳細解答，獲益良多！
那是不是剛買回來前or 後級（應是所有內置火牛的音響器材）也最好連續供電，不用拔斷電，這樣會帶來好的效能。
Thank you very much

JackieEason

新機連續煲200小時比斷斷續續煲效果明顯D。我部前級就從離唔闗機。

LamTszHoPo@FB

JackieEason 發表於 2014-4-26 12:07
新機連續煲200小時比斷斷續續煲效果明顯D。我部前級就從離唔闗機。

明白明白！ 有機會下次換前級我試下
因現在呢部係2手膽前 ，膽機是不是不能夠長期唔熄機呢
THANK YOU

Holelighter

師兄
开声效果如何? 提升多吾多?
我用緊8200cdq 都有打算換牛，有咩推介?
其實我想用雙牛
數碼模擬分開

ma73

GOOD TRY, GOOD JOB

澳門客

隻牛咁大有無干擾，能否放回機箱內

JackieEason

澳門客 發表於 2014-4-29 14:34
隻牛咁大有無干擾，能否放回機箱內

External power suply, 所以點玩都得 怕佢有干擾架，摆遠D囉，我摆到離部DAC三呎遠。

澳門客

JackieEason 發表於 2014-4-29 14:58
External power suply, 所以點玩都得  怕佢有干擾架，摆遠D囉，我摆到離部DAC三呎遠。 ...

ext當然可以，但ext不方便，一揪二lung又插又盒，始終不方便，最近我部lexicon mc1燒咗個開關供電，我本來都想做個外置，但想來想去，環繞解碼已經很多接線，還再加插加線搞外置供電，於是就想做在機內，mc1機內原位置空間很細，實在很麻煩

JackieEason

終於，過咗咁多日，有結果喇。

RS牛煲咗50個鍾再听，就唔會覺的動態壓宿，兩頭延伸亦都够。聲音表現偏低頻，偏得好多。不過喇叭脚架的鉄砂加多D可以教番離。整體表現非常洪亮大氣，听電影 《The Rock 》的sound track，低頻層次非常了得。听大型管弦樂《基輔大門》，豪不費力，举重若輕。

好話講完。唔好就係中高頻砂石明顯。可能同隻牛的火數太大有闗。不過小弟手上冇細火數的RS牛，無法驗証。

JackieEason

再試 Talema 30火環牛。

JackieEason

用翻原廠線接駁 Talema 火牛開聲，發覺高低頻表現同原廠火牛非常接近，無需用線材或調整喇叭脚架去遷就。（當然喇，Audiolab 8200CD\CDQ\DQ都係用紧 Talema 火牛）。不過M-DAC本身用方牛，而方牛會比較厚聲，反過離用環型牛就會中頻薄。听玉置浩二的《To me》的人聲好明顯，玉置hing變成十幾岁靚仔。

一於用Furutech FI-11 Gold插頭，可以等中頻厚翻。不过手頭就冇PC可用，临時DIY一條頂住先。


手頭就得Oyaide 1430-16 單晶銅POCC-A機内線，此款是最粗型號，有52條之粗，其實比M-DAC原廠PC線芯仲粗。又咁啱有段屏蔽銅網，套埋機内線。Fit到痹。


再加护套，用热宿管封口。


加装Furutech FI-11 Gold插頭。前後三個字時間，一條三呎長PC搞掂。開聲，不得了。听Rebecca Pidgeon的《Spanish Harlem》，開場的Double Bass非常有弹性，人聲亦都相當潤澤。再听Salvatore Accardo的《Diabolus in Musica》當中的《La campanella》，小提琴的貭感與樂隊氣势都非常之好，而且聲音密度大咗好多。M-DAC换牛提升明顯。

到此，循例先煲50個鍾再听。

50個鍾之後，听《Jazz at the pawnshop》的《High Life》，發現低頻放松好多，聲音冇咁恒，整體偏低頻。高頻唔够光輝。當然，换PC或加喇叭脚架的鉄砂可以調較番離。


手頭有一隻Oyaide P-046插頭，會比镀金的Furutech兩頭延伸好。换上試下。果然如是，而且唔作其他調整，高低频比例亦可以。相對离講，Furutech FI-11鍍金比較有味度，而Oyaide P-046會清淡，但延伸好D。