RACEWONG與AIRTIGHT三浦先生的約會

racewong

AIRTIGHT - 對我黎講, 這名字絕不陌生. 三四個月先出完一份AIRTIGHT ATM-1S既REPORT. 對於這品牌既取向性, 大致都了然於胸.

但對於AIRTIGHT創辦人三浦篤先生既故事, 並不了解. 剛巧收AIRTIGHT香港總代理GURU ACOUSTIC來電通知三浦篤先生會到港接受訪問, 我第一時間應邀出席. 造就左今次與三浦先生既約會.

約會地點- 位於荔枝角GURU ACOUSTIC公司內.
訪問人數- 我與ICEMAN.
時間- 星期日早上.

去訪問之前, 我就這次既約會, 上網做定功課, 才得知三浦先生既傳奇一生. 三浦先生年輕時工作於LUXMAN高級膽機部門, 及後自立門戶, 成立AIRTIGHT. 第一部使用AIRTIGHT為名的膽合併正正就係我之前出果份REPORT既前代款- ATM-1, 及後再推出ATC-1前級配搭...時至今日, 這兩款機都能與時並進, 推出更新款既後繼機種, 不得不佩服三浦先生早於廿幾年前已可計設出咁出色既膽機.

一入到GURU ACOUSTIC, 已見到三浦先生安坐在辦公室內, 原來三浦先生一早已經到左GURU ACOUSTIC, 好在我同ICEMAN都早左半個鐘到, 無失禮人. 哈哈.

眼見既三浦先生, 點睇都係七十幾歲, 估唔到佢既真實年齡已過八十. 聽說佢為左AIRTIGHT這品牌, 每年都會去唔同國家音響展參展佢既作品, 又會親身到世界各地既代理商開會, 了解當地既銷售狀況. 以一個八十多歲既老人家, 仲可以咁有心有力, 遊遍全世界.
就這份對自己品牌既投入感, 令我這個所謂既版主只有汗顏的份兒.

開始訪問期間, 我都問左預設好既幾條問題: 去一去相片分享先.




















鎗王: AIRTIGHT以膽機聞名於世已是不爭事實, 尤其係歐美既銷售, 聽說是業界首位呢. 咁AIRTIGHT既音色取向與其他日本/歐美既膽機有D咩唔同?
三浦: 由於AIRTIGHT所選用既所有零件都是"稀有"的. 這包括所有機內接線, 焊接接線的用料、技術、佈局, 都是AIRTIGHT獨家的. 所以AIRTIGHT能造就出與眾不同的音色音效.

鎗王: 作為AIRTIGHT既FANS, 最想了解一下, 三浦先生在屋企/公司作選用既喇叭 / 線材係咩牌子呢?
三浦: 由為我在日本有很多很多朋友, 當每次設計完一件新產品, 我都會連人(三浦先生自己)帶機送到十幾二十位朋友家中測試. 這行為會令AIRTIGHT的產品有更大既兼容性. 所以AIRTIGHT係唔會有甚麼REFERENCE喇叭 / 線材的.

鎗王: 咁設計器材時, 總會有用開既喇叭/線材呢? 可唔可以透露一下呢?
三浦: 在家中, 我現正使用AIRTIGHT喇叭, 當然, 其他喇叭如APOGEE靜電喇叭等等, 我都有使用作為參考. 接線方面, 家中是使用ACROLINK接線.

鎗王: AIRTIGHT暫時只專注於擴音機, 之前又出埋黑膠唱盤唱頭, 黎緊會唔會設計CAS既產品呢?
三浦: 因為每部新設計既器材, 所投放既資源/時間太大, 一部看似簡單既合併機, 我一般會用大約三至七年時間做品質校正, 音色音效微調等工作, 完成後還要比好多同好品評. 所需時間實非筆墨所能形容. 所以黎緊我並沒有計劃設計數碼產品.

鎗王: 最新既AIRTIGHT後級已選用左KT120新膽, 聽聞KT150比KT120更靚聲, AIRTIGHT會否就這新膽再研製更新型號呢?
三浦: KT150暫時未有計劃, 但我可以透露一下, 來年我地將會研發一部以211推挽既頂級型號, 大家可以拭目以待.

完結左簡短既訪問, 我地同三浦先生一齊去GURU ACOUSTIC唔同既房間聽下不同型號, 不同配搭, 不同擺位既AIRTIGHT表現.

去相片:































聽完歌, 三浦先生仲送左兩隻簽名版黑膠比我.....
連三浦先生都毒我玩膠!



你地話啦, 我可以點? 唔通我真係走唔甩黑膠路?

tonyx

攞出黎今年抽獎o米得囉, 但得主一定要有膠盤先可以領獎, 如果唔係就再抽

yhyueng

黑膠

remychiu

RC版主, 終於見到下文
但下次再訪問日本人的話, 你可吾可以著得莊重D, 我諗日本相撲手嘅和服應該好襯你

bigair

呢d真係高人啦

alfieay9

我都有聽過airtight的前及後級

obee

從對答中我覺得呢個品牌係小心推出每件產品, 的確產品不用多也不應為了跟貼科技或潮流.
音響是有科技成份但調音和產品的耐用性, 兼容性和調音一定比科技和潮流更重要.

Law記

快d玩膠膠

bigpun1975

tonyx 發表於 2014-7-11 13:30
攞出黎今年抽獎o米得囉, 但得主一定要有膠盤先可以領獎, 如果唔係就再抽

Tony 哥, 我打算年尾玩喎, 比次機會丫

ice_man

三浦篤先生已年過八十既老人家仲咁有heart咁繼續研發新產品，無論研發、生產、測試都身體力行，所以佢對自己品牌旗下嘅產品非常有信心。三浦先生對產品嘅一份堅持與一份執著所以亦唔會隨波逐流。勤力、拚搏、凡事親力親為嘅三浦先生佢對工作嘅果份熱誠好值得我地學習！

tonyx

bigpun1975 發表於 2014-7-11 14:48
Tony 哥, 我打算年尾玩喎, 比次機會丫

NO

得獎者還須要立即安排十日內家訪並一齊開碟欣賞

t1174

hoho....要同 kondo 打對台出211 的機了呢～

chrisclw

快d玩埋黑膠啦！

bigpun1975

tonyx 發表於 2014-7-11 16:27
NO  

得獎者還須要立即安排十日內家訪並一齊開碟欣賞

你咁搞即係想刻意安排比你姐

bigpun1975

以前Luxman膽機部出不少猛人, 除Airtight 三浦先生之外, Leben 的兵頭拓先生也是來自Luxman

racewong

remychiu 發表於 2014-7-11 13:56
RC版主, 終於見到下文
但下次再訪問日本人的話, 你可吾可以著得莊重D, 我諗日本相撲手嘅和服應該 ...

最近我成日比老友叫我減肥....

你地唔好咁啦....

waikeywi

有時真的很欣賞日本人那種專注、精益求精的態度，他們最先可能係抄你，但佢哋一路鑽研落去，不斷改善，做到最好為止，很多時候超越原創者，汽車業如是，半導體業如是，音響也有很多例子，我覺得Airtight就是其一。

alanvinsa

great interview.........加油

guru_acoustics

謝謝RACE大哥當日抽空幫忙。

racewong

guru_acoustics 發表於 2014-7-13 14:09
謝謝RACE大哥當日抽空幫忙。

我未有膠盤, 所以三浦先生送比我果兩隻膠膠會儲住先...HEHE