真正分隔開4種電壓的線性供電PC

keroro2007

呢咁多年我一直等緊一部令我滿意的CAS器材. 記得當年Ayre的QB 9 USB DAC出咗冇耐就入咗嚟玩. 之後就拎部Notebook跟足音響技術所教的咩asio4all, EAC, foobar2000咁set嚟聽. 玩咗一輪始終覺得效果唔理想, 部Ayre都賣埋.

之後一直轉聽CD. 直到入咗Invicta Mirus有得用sd card播歌先至重燃返我對播file的期望. 尤其係比較過播SACD rip出來的dsd files同啲身價不菲的SACD機之後就連部CD Transport都把心一橫賣埋佢. 但始終用media player有好多限制. 呢樣唔得嗰樣唔得始終未能盡興.

隨住近年CAS的技術進步, 靚USB線大把選擇. 大陸又出咗好多價廉物美的CAS補品. 去啲用大大隻環牛裝入去部PC度的師兄度聽已經越來越接近CD的準. 我就開始籌備一部可以表現唔差過Invicta Mirus SD Card播歌的電腦.

既然喺HIFI界搵唔倒我要嘅嘢, 我就開始向我身邊嗰啲做音樂製作的朋友埋手. 同事A兼職喺演藝學院教Studio Arts, 佢叫我學佢咁用Mac, 因為Mac隻牛雖然係switching power但佢係故意設計到冇咩noise. 但mac的表現我喺好多師兄度試過係唔達到我的要求. 之後俾我偶然同另外兩個做錄音同做show的朋友(兩師徒)提起呢個難關, 佢哋竟然話佢哋其實有呢個技術.

我叫佢快啲幫我做部出嚟, 佢話其實佢心中有勁好多的設計. 不過要設計電路板. 過咗一排等到佢做好我部加強版. 喺佢舖頭度一試, 大家都係真正線性供電, 我嗰部加強版vs佢自用嗰部簡直係完全係兩個世界. 個分別大到好似我由Invicta單9018升級去Invicta Mirus雙9018咁. 詳細技術我唔係理科仔其實唔完全明, 大概係一個源頭供電vs一個源頭俾四個modules分隔開幾組供電.   

既然供電做好咗就要砌機, 我睇中咗Streacom FC10. 多得網上啲師兄幫手搵倒店舖代訂機箱拎去叫朋友幫我買料砌機. 佢砌好部機裝好晒啲softwares再幫我加埋所需的補品再做吓調整之後就拎返屋企玩.

返到屋企接駁比想像中容易, 插埋條預先買定的AQ Diamond USB線同Nordost Valhalla電源線開聲.   效果一啲都唔輸俾用部Dac的SD Card播歌. 仲可以玩埋唔用software同條usb線的音色.  而家連上網睇片聽歌都係靚聲.


     

   

CKKeung

Congratulation!!!  

hohoiho

超勁 !!!  

lit2ken

睇到口水流

hksarac

電源模塊淘寶有，250W，用 DC12V供電，像電腦電源咁有幾組電壓


像這些

keroro2007

hksarac 發表於 2014-11-23 19:47
電源模塊淘寶有，250W，用 DC12V供電，像電腦電源咁有幾組電壓

呢個係switching嚟 係偷雞做法的線性電源. 即係先俾線性電再變返switching power. 我有朋友玩緊. 前文有提到.

如果只滿足於呢種程度我唔駛攪咁多嘢等咁耐 幫我做呢個真全線性供電的朋友係一個淘宝精.
淘宝如果有現成的零件佢絕對唔會自己設計線路板搵廠做PCB.

大部份師兄講的電腦線性電都係師兄你講嗰啲半linear半switching, 淘宝仲有專用的一體電腦fanless機箱. 又平又靚    
如果我咁都收貨就一早搵佢訂落嚟幫我砌埋就打發咗我走. 但我見倒朋友有勁嘢又點會放過吖!
http://tw.taobao.com/item/399386 ... .7406521.0.0.AxjTqI

我做咗好耐資料搜集, 全世界我只係搵倒幾個大陸同一兩個外國diy高手發表過類似我呢部的DIY器材, 其中一個係開音響廠喺淘宝度賣. 第一代未計運費都要成萬蚊港紙而且大陸討論區啲人話佢技術未成熟. 嗰時睇淘宝成交紀錄係零. 第二代我估連運費都要大約七千港紙. (我要求要有500W)
http://tw.taobao.com/item/410915 ... .7406521.0.0.P6b5UM

但根據我朋友解釋, 佢即使係第二代產品的電器性分隔同物理性分隔(科學原理我只明白個大概)程度連我朋友自己用緊嗰部都不如.
更莫講話我嗰部改良版. 我個朋友都會upgrade返佢自己用緊嗰部同我嗰部睇齊.

我去拎fanless機箱時個老闆話佢有客用大陸嗰隻全線性供電. 話背景靜過用呢類半linear半switching.
不過第一佢部機咁重. 有咩事我都冇法子寄返去大陸維修. 第二係冇得根據電腦啲parts的loading去調較好難得倒最佳效果. 第三我參考咗其他朋友啲地盒的原理, 叫我朋友用咗落去隻牛火的灌膠度. (佢喺自己玩嗰啲DIY的DAC度試咗個份量好耐) 所以喺佢度試機時只係用一條十蚊的普通電源線已經出倒好好的效果. 不過我自己冇試到用雞線, 之前買落啲靚線喺屋企冇理由唔用. 屋企亦冇美式雞線. 同埋我一向玩開靚Fuse, 而家效果已經好滿意, 但遲一步我可能會換走套供電入面條玻璃管fuse. 不過我想煲多一排先.     

  

天下第一刀

經多次用各種電源給電腦供電試聽ＣＡＳ﹐線性開關穩壓電源﹐其LLC拓扑諧振出正弦波諧振電流﹐其正弦波同步整流已經超越普通牛線性穩壓電源的音質﹔
同步整流有膽整流的聽感。該種電源由于源內阻低﹐使方波輸出更接近９０度﹐如此ＤＡＣ出的能量感提昇。
如SeaSonic X-560等
SeaSonic X-560評測
http://www.chiphell.com/article-1849-4.html

keroro2007

天下第一刀 發表於 2014-11-23 22:34
經多次用各種電源給電腦供電試聽ＣＡＳ﹐線性開關穩壓電源﹐其LLC拓扑諧振出正弦波諧振電流﹐其正弦波同步 ...

呢隻只係好多switching再加咗啲濾波的電腦火牛, 睇師兄你貼個網啲測試數據都係麻麻地. 不過以幾舊水人仔嚟講算係超值.

keroro2007

hohoiho 發表於 2014-11-23 18:14
超勁 !!!

不過喺cas的玩法及software操作同setting上我只係低手, 希望各位師兄有機會可以教吓我

keroro2007

有師兄PM要求我講多啲資料.

因為前排工作太忙又出咗埠所以而家先至覆.

Your CAS power-supply looks very very impressive!  

Please tell us more about it on the hiendy post
=>我部供電其實係分8個modules供電, 所以分隔度好高. 新版已經做到9個modules. 我嗰部大約係等於普通電腦500w火牛.
其實個機箱可以做到700W. 不過做到咁大就冇位放隻牛的屏蔽. 而個屏蔽我係參照咗啲地盒的技術特別要求個師傅幫我灌膠.   不過咁大火數其實用唔著.  

用咗咁耐煲好晒之後我越來越滿意, 而家用電腦播歌仲靚聲過直接用部四萬幾蚊的DAC插SD Card播.

BTW if I want to make one too, which shop or cFu shall I go to?
=> 佢舖頭地址係油麻地彌敦道現時點(好彩酒家樓下賣玩具為主個商場)276舖. 個師傅正職係做出show嗰啲音響製作同埋係一個魔術師嚟. 部供電係佢同一個錄音師發明嚟俾佢哋公司用. 個錄音室同啲出show用的器材係喺第二度. 間舖係一間格仔舖. (搵其他賣玩具的人幫佢交租, 又方便自己接job ) 我同啲師兄得閒都會上去搵佢吹水, 學吓正宗專業音響知識. 佢以前有幫勞工署教過音響技術員訓練班.   

And what is the approximate cost of the psu?  Is it very expensive?
=> 我嗰部500w 8個modules七千港幣有找. 包set機. (要最好效果係要因應電腦的devices而調一調啲電). 收幾多錢係以用幾多材料同要整幾耐計. 而佢啲人工收得好平.

大陸有類似的產品喺香港賣得貴過我嗰部(包set機). 我估就算自己喺淘宝訂連運費冇得set都唔會平過我嗰部. 而且大陸嗰部只得6個modules(modules越多分隔度越高)而且個設計有幾個問題. (呢個我唔方便公開講, 不過我已經向買咗大陸貨的師兄證實咗).  
  

SamPoon@FB

唔覺唔覺整左呢件野已經三年

天下第一刀

SamPoon@FB 發表於 2018-2-21 07:45
唔覺唔覺整左呢件野已經三年

其實CPU用線性12V供電後同樣用開關電源降壓供電﹐可以用一個金牌免風扇開關電源獨立供電﹐其他幾部份用線電線性供電成本就很低。

另外USB等轉同軸不如LYNX AES16或新版的RME同類SOUND CARD 同軸輸出精度高﹐加上專業軟件安裝後解決所有問題﹐軟件的作用同樣重要。

SamPoon@FB

天下第一刀 發表於 2018-2-21 10:51
其實CPU用線性12V供電後同樣用開關電源降壓供電﹐可以用一個金牌免風扇開關電源獨立供電﹐其他幾部份用線 ...

我本身真係連答都唔想答你,請問你如何解決POWER GOOD SINGLE同時間晶片GA問題?

天下第一刀

SamPoon@FB 發表於 2018-2-21 16:54
我本身真係連答都唔想答你,請問你如何解決POWER GOOD SINGLE同時間晶片GA問題? ...

我真係連答都唔想答你如此簡單的問題,
電源必須同步﹐壞任何一個沒辦法開機﹐如雙電源﹕


原來你是商家﹐你的發言關係到本身的利益﹗
各位注意﹐把CD拋光清潔器講成系CD消磁器就是呢類沒有專業知識的騙子﹗
我不怕得罪任何無良商家﹗扣分的幾乎都是專門欺騙消費者的無知及無良商家。

PS.關於CAS﹐幾乎所有HIFI廠商都是跟着專業廠商走﹗線性電源的高頻內阻比開關電源高﹗沒辦法滿足44.1Khz以上的數碼電路要求﹗高檔的開關電源比任何線性電源好聽。支持環保.

SamPoon@FB

天下第一刀 發表於 2018-2-21 21:02
我真係連答都唔想答你如此簡單的問題,
電源必須同步﹐壞任何一個沒辦法開機﹐如雙電源﹕

我係講緊POWER GOOD SINGLE 同時間晶片點同步,你答我點樣用個開關火牛cheat部電腦開機,果然係名滿論壇GA第一刀