震震sofa分享+安裝編

tomohiro

前提：

事緣小弟o係戲院已經好鍾意震震櫈，仲好記得第一套坐震震櫈o既電影係"精銳部隊"，o個時o個種連住低頻o既震動直情令我覺得自己去左現場一樣，可惜當時未知原來呢一種體感係可以帶返屋企……

就o係大約一年前，小弟o係無心插柳o既情況底下o係呢個毒氣發放站發現原來可以將震震櫈帶返屋企，我立即進行資料搜集，諗住快d成事，點知……又係一次事與願違，我屋企張sofa係電較式伸腳，我怕會震壞，所以又一次放棄……

不過好彩，有時食X食著豆，有因於小弟發現自己每每睇完戲之後都頸痛，睇醫生後老屈左張sofa太soft{:6_136:} ，終於o係聖誕尋找到一張夠硬又坐得舒服o既sofa去替換，而我o既震震sofa project，終於可以實行……{:6_134:} {:6_135:}

資料搜集編：

有鑑於本站同友站都有好多師兄分享過不同類型o既震子同amp，小弟試試歸納一d資料，如有錯希望唔好打面。

1) 震震sofa 同 D-box類體感係完全兩回事，震震sofa只提供與低頻互動o既震動，意即有低頻會震，無就唔震la，而震子亦會因應低頻o既深度，音壓而作出不同反應，即係話，有強軟，長短，深淺之分；而以我所知D-box(家用d-box未玩過，只係去過戲院，希望有師兄可指教)係比較似以前海X公園o既動感影院，意即同畫面互動，例如話飛船府衝，張櫈會傾前之類。

2) 震震sofa 設備包括：sofa or 櫈；Amp；震子。(線材唔提la~~~ hoho)

3) 唔同牌子既震子可參巧youtube，大路d有Aurao既"Bass Shaker"，"butt kicker"，"Bass Pump III"(小弟用o緊)，Earthquake都有不過揾唔返叫咩名… 如果想比較一下，建議上youtube search下，因為……我都唔知除左價錢有乜分別……{:6_136:}

4) Amp：眾所週知，amp分AB類及D類，一般低頻都係D類因輸出較大power，而AB類則較細膩(其實我扮識，詳細我都唔識分)，不過今次我用o既係AB類amp，因為……該店有套餐，而只有AB類選擇。不過用落power係完全足夠，老變4由頭震到尾都無腳軟！

5) 邊度買：淘X，XXXbao，search"低音体感振动器"已有好多選擇，不過暫時得一間有套餐包左amp同震子比較方便，如希望可用返D類amp就需要分開la~(如有廣告成份，還望版主告知，thx thx)

6) Product details: (上網search的，未求證)
   
Technical data

Max. audio capacity        80 W
RMS capacity        50 W
Outside diameter        130 mm
Mounting diameter        118 mm
Mounting depth        42 mm
Impedance        4 Ω
Frequency range        20 - 80 Hz

安裝編：

o係資料搜集期間得知，原來有好多師兄都有唔同o既安裝方法，再加上外國達人連打鼓張櫈都加震子o既情況低下，小弟實在唔知點裝最好，唯一知道o既係可行情況下櫈底及櫈背都裝就效果最好，只不過小弟真係唔想鑽穿張皮sofa，所以都只係裝左sofa底。

以下為小弟o既安裝過程，可作參考：

工具：電鑽、鋼牙鑼絲

1) 先開sofa底布檢查sofa內結構 (發現原來結構上要裝震子內藏係好X麻煩，因此決定外露吧！)



2) 先度數



3) 買木板+安裝震子上板 (一般木材行可買，仲可以俾埋尺寸幫你開埋，我用o既呢塊開好仲報稱係靚野都只係$60，正！)



4) 安裝連震子木板上sofa (請注意小弟係將震子裝o係sofa底近背部位置，希望震動可更易傳到背部，而結果亦如所料，震動係patpat同背部同步的；另外小弟都好狼死，3支結構橫方，每支6口釘)



5) 駁線 (要注意我用o既係4粒震子，每兩粒震子間係手拖手的)

店主o既安裝圖:







6) 完工！



自己QA同後記：

1) 4粒定兩粒震子？我覺得三坐位sofa用4粒la，太震可以較細，兩粒唔夠就煩la~~~

2) 響唔響？震子本身唔響，amp都唔嘈(我同amp距離遠更唔覺)，不過小心張sofa如果本身結構唔好，內部有野鬆就好難講，不過值得一提就係sofa最好唔好貼住野，如果唔係d野會被震到好嘈，影響聽感。

3) 有無影響音牆定位？我唔覺有(可能因為木耳)，不過因為低頻同震動連動左，有時會無端端以為低頻無開而去check~~~~btw，家母同太座上次試睇鬼片都以為隻十仔仲乜咁勁，嚇親左~~~hahahaha

4) 咩人o岩用？我覺得人人都o岩！因為實在太正la，特別係當你唔可以開好大聲又要有feel o既時候，又或者set唔到打心口時，呢2K真係好底用！

5) 點說服太座？裝黎睇戲加按摩ga~~~睇完仲正過揼骨ga~~~~(是講真的！)

最後，希望呢個post幫到大家，講真，我其實都好想玩雙十甚至三四十，不過個仔仲細，屋企地方又有限，要有feel，震子真係平靚正o既首選！

4Ktv

四個震子 ，會唔會勁過龍

tomohiro

其實安裝4隻震子因為起初怕震動力唔夠，依家反而可以開1/3至1半power，希望令amp舒服d~

smokeyduck

師兄，多謝分享！

請問你是用一amp推四套裝還是兩套一amp推二呢？amp的尺吋(cm x cm x cm)是多少？

bigpun1975

好手工

七彩小生

4隻震子, 你肯定癲過我. 好老實, 我唔敢在家睇鬼片, 尤其著震子, 更加冇可能 Trust me, Pure兩聲道友, 請不要裝. 聲音以外, 尤其連粒fuse都聽得出分別的人, 請不要裝 , 用過震子之後,  唔開震子每次爆炸都會失落. support tomohiro

JKC710

正, 我都係用呢個牌子既梳化, 不過震子就係舊款, 厚身d力大d, 兩隻已夠皮.

七彩小生

我分享下, 記著用e.g. 手機。或燒隻CD. off  av amp. feed 個10 to 100 Hz入震子amp 試下個feel 及雜聲音。記著先細volume . 再教到令到有feel 為止。我喜爱剛好再重“味“ 。人人不同。

tomohiro

thx七彩小生師兄，等我試試先~~~~

vicken

想問如果用avmap係都要買一個套裝？？

JasonKong@FB

如果好似我D呢D懶人, BUTTKICKER效果都唔錯呀