去代理試機篇

remychiu

以下描述只係個人所聽、所見， 冇野跟尾!
本人近日終於的起心肝想換喇叭, 因呢排都傾盆大雨, 所以都費事約左代理試野因雨而失約, 一見冇雨即'共'上去試喇叭.....
上兩個星期知道Ｂ&W仍做緊特價, 一於過九龍老尖代理睇睇800D, 銷售員要比個Like, 服務態度一流, 又有耐性, 任玩任試, 真係你想點！ 雖然喇叭由Classé推動吾係我杯茶......................太斯文、太淡然>>>>>>>>>>註: 我當時覺得如果音感合適就即科水走人。
跟住前幾日星期六飲完茶帶埋個囡囡去老銅威記試Q5, 當日去到發覺小左好多機擺放,  銷售員話我知D野出外做show未返, 好彩仍有我想試嘅Q5喺大房度, Naim NAP 500推動, 但當去到低音嘅時候, 我同銷售員相視一笑, 低音呀低音請問你去左邊? 極度失望!!! 但銷售員服務態度都係一流, 又引領我玩CAS, 又俾我睇吓Naim Rip CD機, 又係玩左好耐依依不捨離開, 抱歉從中體會吾倒喇叭係乜鬼聲底..............真係人老耳木!!!
今日就走左去中區經濟核心試吓WA, 上到去銷售員望都吾望吓我, 咁我遊完一圈,首先開口講吾好意思冇預約但都想試莎莎2 & Alexia,佢跟住問我有冇帶碟嚟試, 我冇, 咁我請佢播D有速度及人聲等我聽吓聲底、音場、速度, 當然我試左兩首曲目後(真係兩首), 我就話想試Alexia番播呢兩首曲目, 跟住只係聽到佢講出面對野正好多, 喇叭啦、喇叭線啦、Amp啦級數完全冇得比,單單喇叭線價錢要9萬幾, 你係咪鍾意呢D聲底架...........我當時啞口無言, 只怪自己當時一定係一副運吉相, 唯有講一句吾好意思, 下次再約............................最後講番莎莎2當時低音完全吾出(所謂吾離箱), 完.......................................
仍然未遇到心頭好

diamondblack

Q5係一對極難玩得好嘅怪物。Naim NAP500喺銅鑼灣威達大房推會相當吃力。

當日連啲Constellation都送走埋？

hohoiho

ching, 不妨再一試Alexia, 是一對性價比高的喇叭.

remychiu

diamondblack 發表於 2015-5-27 18:43
Q5係一對極難玩得好嘅怪物。Naim NAP500喺銅鑼灣威達大房推會相當吃力。

當日連啲Constellation都送走埋？ ...

全部大野走晒

Leslie8

個sales可能想幫老版限電
但可能賣少對Alexia

remychiu

hohoiho 發表於 2015-5-27 18:48
ching, 不妨再一試Alexia, 是一對性價比高的喇叭.

c hing, 呢D係即興緣份野, 啱聽啱價就即刻比錢鬆人..................話晒買佢加埋線都相等於一架車價, 有小小感覺好似比錢仲要乞求賣俾我
Alexia喺呢度其他c hing比佢絕高評價, 我相信佢係一對好喇叭
但亦相信我仍然會遇到心頭好

remychiu

Leslie8 發表於 2015-5-27 19:13
個sales可能想幫老版限電
但可能賣少對Alexia

亦都可能係我冇禮貌吾早D知會一聲我嚟運吉

k500a

remychiu兄，
我果日約晒時間聽WA，佢都係求其駁個T+A。都係嗰句，佢求其駁，我咪求其聽，聽完走無嘢講。
可能WA太好賣，唔駛點setup都大大把人要。
如果要喺揸的士試真啲，真係要搵余師父幫手。

反而walk in 聽對oceanway有驚喜。

remychiu

k500a 發表於 2015-5-27 19:32
remychiu兄，
我果日約晒時間聽WA，佢都係求其駁個T+A。都係嗰句，佢求其駁，我咪求其聽，聽完走無嘢講。
...

諗起呢度c hing一句說話，這個機會不是我的！

Kelvin11

我都好希望有朝一日可以好像樓主咁瀟灑，睇啱就科水！

那機會不是屬於我的

mc30

Kelvin11 發表於 2015-5-27 20:13
我都好希望有朝一日可以好像樓主咁瀟灑，睇啱就科水！

那機會不是屬於我的 ...

去豐澤咪得囉

remychiu

Kelvin11 發表於 2015-5-27 20:13
我都好希望有朝一日可以好像樓主咁瀟灑，睇啱就科水！

那機會不是屬於我的 ...

Kelvin兄，你可以借咁多機返歸慢慢試，這機會不是屬於我的

Kelvin11

mc30 發表於 2015-5-27 20:15
去豐澤咪得囉

我去豐澤都係睇下咋，前輩唔介意俾多幾個錢，梗係唔使諗啦！

mc30

Kelvin11 發表於 2015-5-27 20:23
我去豐澤都係睇下咋，前輩唔介意俾多幾個錢，梗係唔使諗啦！

我去豐澤買鬚刨.吾洗試即科水

Kelvin11

remychiu 發表於 2015-5-27 20:21
Kelvin兄，你可以借咁多機返歸慢慢試，這機會不是屬於我的

試完無錢買，那種感覺，真不是好受的啊！

Kelvin11

mc30 發表於 2015-5-27 20:27
我去豐澤買鬚刨.吾洗試即科水

我呢D窮能邊有貢瀟灑？！ 最多在網上格完價再跑去老遠的小店買罷了。

remychiu

Kelvin11 發表於 2015-5-27 20:29
試完無錢買，那種感覺，真不是好受的啊！

始終比你玩過又吾洗負責任，反而比完錢先至發覺吾啱玩仲大鑊

bigpun1975

如果真係想試真800D 可能真係要家訪，早前上過一位師兄度用全套金仔推800D

Kelvin11

remychiu 發表於 2015-5-27 19:17
c hing, 呢D係即興緣份野, 啱聽啱價就即刻比錢鬆人..................話晒買佢加埋線都相等於一架車價,  ...

Alexia

Kelvin11

bigpun1975 發表於 2015-5-27 20:36
如果真係想試真800D 可能真係要家訪，早前上過一位師兄度用全套金仔推800D

全金頂那位嗎？