Hiendy.com 影音俱樂部

 找回密碼
 新用戶註冊

Login

免註冊即享有會員功能

搜索
熱搜: hifi av 音樂
查看: 20141|回復: 73

[兩聲道] racewong家訪 - 最便宜但最好聲家訪7308

[複製鏈接]
發表於 2015-9-14 22:17:53 | 顯示全部樓層 |閱讀模式
佢高傲, 但是宅心仁厚.
佢低調, 但是受萬人敬仰.
佢可以將音響器材運用得出神入化.
佢可以擺出堪稱[聲之藝術]既超立體音場.
佢究竟係神仙既化身, 定係地獄黎既使者?
無人知!
但可以肯定, 每一個人都稱呼他一個稱號~~~~~~~~~~~八爺!


003124lgv9w4xxaqq4xr1z.jpg

哈哈哈!!! 我未試過用星爺既經典對白作開場, 但一諗到本文主角, 腦裡彿然諗起食神這段台詞.

我初玩HIFI已認識的老朋友, 佢可以話係我HIFI既啓蒙老師之一, 由第一次上去佢屋企家訪, 令我知道立體感可以到咩程度.



家居篇

網名7308, 老友們都稱呼他叫八爺.

大家先睇下7308既家居環境.

003125m4656141v50q3g1o.jpg

八爺既聆聽環境大約9 X 23尺, 小L型廳, 最大鑊係大門位置係一個小三角位.

003126jcz3y94r4e3og3yg.jpg

而八爺就巧妙咁用左兩幅落地窗簾布將三角型入門位隔開, 從而形成一個完美的長方型廳.

003126dlll11yfeagr1zrt.jpg

我問過八爺, 落地窗簾質地只是一般酒店既遮光窗簾, 並無咩特別選擇.

器材篇

CDP - DENON DCD2000
003125lmmdxmkknxd1bzkn.jpg

NETWORK PLAYER: CAMBRIDGE 851N
003125dkea3cq6x55ezbgc.jpg

前級: AMP
003125uf52xx92fcx52eah.jpg

後級: RAVEN
003125rwaj32jduzn2ve4a.jpg

化震板: RINGMAT

線材: 無牌子.

喇叭: TAD 2201
003125intt79hn2uunj2tw.jpg



聽感篇

上到八爺屋企, 佢老人家一定會拎幾隻80年代廣東歌出黎嚇下到訪者先.

這張CD就係佢既至愛 - 張德蘭喺陸小鳯既插曲: 落花淚影



聽完我先明白點解張德蘭果時可以咁紅, 佢把聲原來可以好好聽. 八爺套機竟可播出張德蘭在每句歌詞既情感表達得淋漓盡致. 張德蘭既立體感已經唔再係咀型細唔細既膚淺要求, 佢既立體感強到可以見到張德蘭個表情變化, 都可以表現出來.
加上配樂的質感與分隔度, 令我唔相信這頂級音質音效係由這套入門組合發出.

經曾, 我最記得八爺有句格言, 玩兩聲道立體聲, 最基本係[立體感], 要做好立體感, 才談論到音色吧.

除左人聲, 當然唔少得小提琴獨奏啦, 只要聽過八爺套機播小提琴, 就會知道咩叫微動態. 咩叫分析力, 咩叫音色.

我第一次喺八爺套機聽小提琴時, 打死我都唔信這套入門級組合可以播出這無可挑掦既音樂.

以我聽過好多過百萬器材, 甚至超過三四百萬既組合, 若單以立體感, 微動態, 我可以好肯定咁講, 未有一套可以超越八爺.

除左以上既強項外, 另一隻必播CD係LIVE IN JAPAN. TAD2201既小單元完全發揮出小喇叭專有既速度感.

當然, 如果你硬要挑掦這套組合, 我只能說播放大爆棚古典時, 是缺少了超低頻墊底吧.

但以這對2201書架仔黎講, 佢已做出超身價表現, 超低都係留番比D大喇叭啦.

心得篇

講到依度, 我諗大家都會問, 咁八爺既擺位功力如何了得? 對於喇叭擺位學問上, 有D咩可以分享下先?

有關八爺既擺位學問, 我都問左佢好多次, 有無程式可以分享? 用開咩碟黎試擺位.

八爺話, 擺位沒有程式可言, 只能用耳朵, 加上佢既經驗. 就能擺出聲之藝術. ........妖! 鬼唔知聽歌搵對耳仔聽咩? 有無D實際D既心得分享吓呀?! (火爆MODE )

結果, 比我打左十幾下心口後, 八爺淡淡地, 幽幽地講出數句金句 - "只要SET到個人聲口型聚焦喺兩對喇叭中間, 離地大約五至六尺既高度. 基本上音場既平衡度已做到八成了. 剩餘既兩成, 只能靠經驗, 根據每個聆聽環境, 作出微調, 令口型更細更聚焦, 三頻更為平順."

咁八爺可以分享埋平時幫老友擺位, 係用咩CD作為工具呢?

八爺: 你剛才所聽既"落花淚影", 就係我用黎擺位既唯一CD. 主要原因係我聽得太多, 聽得多, 自然知道張德蘭及配樂的位置, 口型大細等等. 所以我自己及幫老友擺位, 都係只用這張CD作為擺位工具.

秘技篇

立體感就可以靠擺位擺出黎啫, 但以八爺套機既班次黎講, 我到依家都唔相信能做出剛才我所聽到既微動態, 無可挑掦既音色. 仲有完美既超高頻.

八爺話秘技就在於墊機的RINGMAT板及水松木. 每加一層都有唔同較果, 就連個小小拖板, 八爺一樣使用三粒RINGMAT水松木墊起.

八爺仲即場示範左, 將拖板果三粒水松木拎走. 播同一首歌, 可以立即由萬里無雲變成暗淡無光.

當然仲有門口既落地窗簾啦, 只要由中間拉開少少窗簾, 人聲既立體感立即散晒.

同場加影 - MQS篇

MQS, 近期熱門到爆既音樂FILE. 當我聽完八爺部DENON DCD2000後, 佢話最近迷戀玩MQS, 仲即場播左幾首ALAN TAM, 陳慧嫻, 蘇芮比我聽.

佢使用一部入門級一體過既 CAMBRIDGE 851N. 並將四隻MQS抄入851N HARDDISK. 就係咁簡單, 就可以開聲了.

說實話, 單以HIFI元素來說, CAMBRIDGE 851N 加上MQS, 並未能超越一張靚錄音既CD由八爺部DENON DCD2000播出咁立體, 咁細緻.

但MQS這幾張FILE, 正正就唔係賣HIFI元素, 佢既賣點係原音! 當我在八爺套機聽到陳慧嫻既[玻璃窗的愛], 我可以好清楚聽得番陳慧嫻初出道既少女情懷, 我好快可以進入我O靚仔溝女果時既年代. 我諗, 這正正就是MQS原音的威力.

八爺驚我唔死, 下一首播既MQS係ALAN TAM既[亮了紅燈]!....我聽左大約一分鐘, 就起身唔想再聽落去...原因係這首[亮了紅燈]快速令我進入廿年前被女飛既情景, 眼淚不受控制咁滴左兩滴出黎...

妖! 我堂堂肥鎗版主, 點可以喺八爺面前流馬尿, 所以聽左半首[亮了紅燈], 我就叫八爺STOP, 我唔想比人見到我流馬尿既樣!!

就係因為這兩首歌, 竟可以令我快速進入廿年前既情景, 單單就這份[感覺], 我決定要搵部好似部851N咁既全能NETWORK PLAYER放喺屋企, 自己一個人慢慢想當年, 想起被女飛既種種感覺!


後話~~

在本文中既家訪篇及器材篇相片中, 已將八爺既秘技全部影晒出黎. 你又可以在這幾幅相片中吸收到幾多呢?~


~~~~~~~~~~~~~~~~~~~~~~~~完~~~~~~~~~~~~~~~~~~~~~~~~~~

http://www.hiendy.com/hififorum/ ... id=88197&extra=







評分

36

查看全部評分

發表於 2015-9-14 22:39:02 | 顯示全部樓層
我都係坐上客之一,我嗰D天日先寫
發表於 2015-9-14 22:49:54 | 顯示全部樓層
遇强越强,槍王番來喇

評分

1

查看全部評分

 樓主| 發表於 2015-9-14 22:54:07 | 顯示全部樓層
bigpun1975 發表於 2015-9-14 22:39
我都係坐上客之一,我嗰D天日先寫

你都寫番幾句啦
發表於 2015-9-14 23:03:02 | 顯示全部樓層
我唔信八爺擺位有咁堅嘞,有本事就叫佢上嚟我度擺次俾我睇...






















希望呢招行得通啦....

評分

1

查看全部評分

發表於 2015-9-14 23:19:42 | 顯示全部樓層


其實一個[準]字已經講晒......

我坐落去第一隻係聽UHQCD 精選碟, 胡美儀[紅燭淚] 及 任劍輝[樓台會];

[紅燭淚] 係示範比你/我聽什麼是嘴形, 人聲應有的高度, 立体感。

[樓台會] 係示範音場, 成日聽人講聲音穿牆幾多呎, 響八爺度根本不需意會和想像, 全部已經擺在眼前。

最後係聽小提琴, 係示範什麼是微動態, 分析力, 係好恐怖的........

總結係Tone Balance非常之準, 定位一流, 如果你問好唔好聽, 我估唔會有人話真樂器唔好聽掛? 八爺度係暫時第二個最難忘嘅家訪。

評分

7

查看全部評分

 樓主| 發表於 2015-9-14 23:42:40 | 顯示全部樓層
pepsiman 發表於 2015-9-14 23:03
我唔信八爺擺位有咁堅嘞,有本事就叫佢上嚟我度擺次俾我睇...

佢唔識擺AV喇叭喎!

你要搵D野引佢先會出手呢!
發表於 2015-9-15 02:45:00 | 顯示全部樓層
racewong 發表於 2015-9-14 23:42
佢唔識擺AV喇叭喎!  

你要搵D野引佢先會出手呢!

多謝版主的家訪報告。

我以前在另一 forum 見過八爺用的 Spendor 和我的是同一型號。
發表於 2015-9-15 07:39:52 | 顯示全部樓層
八爺組合直頭令小弟心悦誠服!

評分

3

查看全部評分

發表於 2015-9-15 08:21:33 | 顯示全部樓層
bigpun1975 發表於 2015-9-14 23:19
其實一個[準]字已經講晒......

我坐落去第一隻係聽UHQCD 精選碟, 胡美儀[紅燭淚] 及 任劍輝[樓台會];


有網友問點解用個[準]字?

其實八爺套系統可以用[精準無誤]去型容,

不簡擇, 播任何碟都好聲, 利害
發表於 2015-9-15 10:45:52 | 顯示全部樓層
八爺.....拜呀....
發表於 2015-9-15 12:38:26 | 顯示全部樓層
唔記得講MQS添, 完全表現到三十年前嗰種情懷,

好似菜欄話齋: 食餅有餅味

唔易架!
發表於 2015-9-15 12:57:24 | 顯示全部樓層
Thanks sharing
發表於 2015-9-15 14:52:23 | 顯示全部樓層
多謝分享
發表於 2015-9-15 16:47:40 | 顯示全部樓層
bigpun1975 發表於 2015-9-14 23:19
其實一個[準]字已經講晒......

我坐落去第一隻係聽UHQCD 精選碟, 胡美儀[紅燭淚] 及 任劍輝[樓台會];

都算係最高榮譽嘅讚許!
比擁有过百萬系統更有滿足感!
好多時越貴越玩得騎呢!
發表於 2015-9-15 18:02:50 | 顯示全部樓層
thanks for sharing !  very informative review !
 樓主| 發表於 2015-9-15 18:56:13 | 顯示全部樓層
hififever 發表於 2015-9-15 18:02
thanks for sharing !  very informative review !

你又吸收左幾多先? 其實仲有個位無講, 你留意下右手邊喇叭前側面, 有張枱仔

評分

1

查看全部評分

發表於 2015-9-15 20:58:16 | 顯示全部樓層
racewong 發表於 2015-9-15 18:56
你又吸收左幾多先? 其實仲有個位無講, 你留意下右手邊喇叭前側面, 有張枱仔 ...

係喎, 呢招啱我用
發表於 2015-9-15 23:37:41 | 顯示全部樓層
多謝兩位版主及眾師兄,我都係撞撞下架咋!不過MQS嘅感染力真係非同小可!

評分

2

查看全部評分

發表於 2015-9-16 00:16:05 | 顯示全部樓層
多谢饼主分享,让人从新审视空间,摆位对发挥自身器材潜能的重要啊。
您需要登錄後才可以回帖 登錄 | 新用戶註冊

本版積分規則

小黑屋|Archiver|手機版|聯絡我們|刊登廣告|Hiendy.com 影音俱樂部 一個屬於音響愛好者的家

GMT+8, 2018-4-26 21:33 , Processed in 0.074247 second(s), 23 queries .

Powered by Discuz! X3

© 2001-2013 Comsenz Inc.

快速回復 返回頂部 返回列表