等了又等-B&W 804D3 ! 已加包膠 page 1!!

chowchowchow

終於又有返歌仔聽

chowchowchow

對804D3差不多開咗聲一個月了.....呢對喇叭相信可以陪禾玩一段長日子了

其實點解冇端端換喇叭？事緣刀係拜呢度啲富豪毒友所害 早半年前，有位大款話要搬大宅，大裝修，就同禾講「喂，周仔，對B&W Signature Diamond 阻膠住哂裝修，擺係你度先，幫禾煲煲佢啦」禾呢啲窮人點敢得罪啲大款，邊敢話唔得 何況有貴嘢玩，而自己一路刀只係用啲入門級嘢，反正又買唔起，難得有機會免費有得玩，當然屎刀話好啦

點知咁就瀬銀咗嘢 對SD入咗屋之後，竟然出現微妙變化，奇妙在連禾家果位老細從來唔開禾套機聽，對SD嚟咗之後，佢竟然自己開機聽歌仔 點解咁嘅....點解咁嘅.....
禾刀知道對SD同自己一路用緊嘅意力取向明顯不同，意力率直爽快，SD就較人性化，特別人聲有種吸引力，黃盆Kevlar果然不負盛名.....！

其實玩咗意力刀有兩年多，自己一路刀好滿意，只係未吸引到老細一齊玩啫，難得今次老細對B&W喇叭有好感，自己又身痕想換下嘢玩，所以就看上了B&W作為首個換器材目標，心諗起碼換咗之後老細一定唔會咋形話禾又換嘢先

世事就是如此奇妙，咁啱年中時B&W做特價，於是那那林賣咗對意力走去買對804D2。其實一路刀吹風B&W今年會轉款，不過問極代理刀唔肯講，而當時D2又未返貨，咁禾胆粗粗問可唔可以遲啲先送貨，代理話刀可以嘅（在此要一讚寶華先）心諗咁當然屎刀等下先，拖得幾耐就幾耐，希望等到試埋新款先算

點知一路刀冇消息，等下等下就過咗三個月， 好彩到十月終於公布新一代D3終於出啦 睇官網話今次其實唔只升級咁簡單，基本上可以話係推出一個全新系列一樣，睇樣刀嚇咗一下，乜果中音變咗銀色原來今次中低音刀轉咗新物料，估唔到今次改款改得咁徹底！

跟首當然打去Showroom問下幾時有得試聽新一代800D3系列，心諗真係好想知道今次B&W有幾大進步，單元音箱改變咁大！.......到十月中終於有得聽啦.............（待續）

chowchowchow

繼續.........經大款師兄幫忙安排下，終於上咗showroom，一入房同時見到新802/803/804D3.....最初見相覺得802/803外型好似冇咁靚，不過當見過真身之後，實物靚仔好多，咁804呢？其實同上代差不多，睇上去仲細隻咗小小㖭，不過最礙眼就係果中音，又細隻咗，又變咗色 講真以前黃色再加銀色子彈頭真係靚仔好多，特別如果係黑色音箱，舊款感覺更高貴 望多兩望之際，個showroom哥哥話（應該係叔叔 ）「呀周生，不如你試下'逗'下對新804D3」禾心諗禾上嚟試聽喇叭，你唔係叫禾坐定定聽歌仔，竟然叫禾逗對喇叭把春咩，冇卵嘢呀

不過心諗你叫禾逗得，一定有原因，一逗之下，原來d3刀幾重手，比前面對舊款d2重，敲落個音箱度感覺更實淨，鑽石高音果Nautilus高音箱刀一樣，敲落去直頭冇聲咁，之後睇返網上資料，原來新D3重多成10kg，中低音箱內係每個單元加咗金屬障板結構，高音個箱原來係實心鋁刨挖做出嚟！代理講今代最大轉變係音箱構造、中音同低音單元採用全新物料！

既然同場有新舊804，當然要嚟個即場PK啦，頭二十分鐘先聽舊d2， 之後再轉聽d3，點膠知一聽d3，聽咗三首歌之後就...........大家刀知道結果了 ...........就係同叔叔講補錢買d3 何解咁快下決定？其實一聽之下，已經聽得出新d3進步之大，真係估佢唔到，難怪廠方話今次等同於轉款，並不是升級，只係外型上轉變不算太大。

新d3 果中音明顯比舊款聽上嚟更清晰更透明，比上代雖然冇咁有味道，但換嚟嘅係更真實嘅聲音，連唱歌果歌手嘅尾音、換氣聲刀聽得清清楚楚，細節豐富，一聽張學友嘅雪狼狐就知道.....！另外果高音感覺上冇d2咁利、咁響，大聲爆結它管樂刀唔會覺得刺耳、吉耳，另外空氣感比d2更好！低音又係另一大轉變，d2你會覺得係比較霸氣一點，而d3係好似減咗肥咁，量感雖然少咗，但更結實，更谮，速度更快，有少少似氣墊式低音，相信比d2更適合香港偏細嘅聆聽環境，呢個刀係禾其中一個轉d3嘅原因！

其實一開聲聽幾首歌之後，好易發現d3比上代d2進步好多，可能有人會覺得d3個中音冇咗以前浸除，感覺更高清，不過個人覺得d3整體表現比d2刀拋離幾多下，不論音場之深闊，分析力之高，三頻之平衡，音樂感之強，真係冇辦法令禾忍到手唔出血上d3 再加上價錢，804d3性價比係成個系列中最高，因為加幅唔係最大，但差不多同樣擁有所有新技術 同時間當埸不止禾一個升級 遲啲又會見到另一位師兄用對更正嘅d3

新d3十一月頭到步之後，當然要不停煲煲煲！ 而呢一個多月，先後夾不同組合，包括自己嘅AA加Densen, 另外朋友嘅全套Audio Research 5SE 加150，跟著仲有其它合併機，希望盡情發揮d3嘅小宇宙

szekt

wahwahwah

mahi

買一送一？

henrykee

ho sin mo

racewong

我又要家訪呀! 留位

fkbong

恭喜！好正 師兄可以pm價錢嗎？

Kelvin11

留一位，唔該！

lcy517

Congratulation!

chowchowchow

Kelvin11 發表於 2015-11-2 19:18
留一位，唔該！

借你部合併機嚟試推

chowchowchow

racewong 發表於 2015-11-2 18:45
我又要家訪呀! 留位

點刀留俾你

henrykee

chowchowchow 發表於 2015-11-3 00:24
借你部合併機嚟試推

周董好快換amp鳥

chowchowchow

henrykee 發表於 2015-11-3 00:35
周董好快換amp鳥

要等出年，今年畢直用哂了

chowchowchow

szekt 發表於 2015-11-2 16:26
wahwahwah

你幾時換803D3

henrykee

chowchowchow 發表於 2015-11-3 00:38
要等出年，今年畢直用哂了

好快啫，仲有60日

henrykee

chowchowchow 發表於 2015-11-3 00:38
要等出年，今年畢直用哂了

有無心水？

szekt

chowchowchow 發表於 2015-11-3 00:39
你幾時換803D3

no la, sd 不知幾好聲

henrykee

chowchowchow 發表於 2015-11-3 00:39
你幾時換803D3

Sdd1 >803d3

chowchowchow

szekt 發表於 2015-11-3 00:47
no la, sd 不知幾好聲

不過新款取向唔同，以前用開舊款嘅師兄可能未必喜歡